കുല്‍ഭൂഷണ്‍ ജാദവിന് നയതന്ത്ര സഹായം ഉറപ്പാക്കുമെന്ന് പാക്കിസ്ഥാൻ

ന്യൂഡല്‍ഹി: കുല്‍ഭൂഷണ്‍ ജാദവിന് നയതന്ത്ര സഹായം ഉറപ്പാക്കുമെന്ന് പാക്കിസ്ഥാന്‍. നിയമങ്ങള്‍ അനുശാസിക്കുന്ന സഹായം നല്‍കും. വിയന്ന കരാർ പ്രകാരമുള്ള അവകാശങ്ങള്‍ എന്തൊക്കെയെന്ന് ജാദവിനെ അറിയിച്ചു. രാജ്യാന്തര നീതിന്യായ കോടതി വിധി മാനിച്ചാണ് തീരുമാനമെന്നും പാക്കിസ്ഥാന്‍ വിദേശകാര്യമന്ത്രാലയം അറിയിച്ചു.

'ന​യ​ത​ന്ത്ര സ​ഹാ​യം ല​ഭ്യ​മാ​ക്കു​ന്ന​തി​നു​ള്ള ന​ട​പ​ടി ക്ര​മ​ങ്ങ​ൾ ന​ട​ന്നു​വ​രി​ക​യാ​ണ്. വി​യ​ന്ന ക​രാ​ർ പ്ര​കാ​ര​മു​ള്ള അ​വ​കാ​ശ​ങ്ങ​ൾ കു​ൽ​ഭൂ​ഷ​ണിനെ ബോ​ധ്യ​പ്പെ​ടു​ത്തി. ഉ​ത്ത​ര​വാ​ദി​ത്ത രാ​ജ്യ​മെ​ന്ന നി​ല​യി​ൽ ക​മാ​ൻ​ഡ​ർ കു​ൽ​ഭൂ​ഷ​ൺ ജാ​ദ​വി​നു പാ​ക് നി​യ​മ​ങ്ങ​ൾ അ​നു​സ​രി​ച്ച് ന​യ​ത​ന്ത്ര സ​ഹാ​യം അ​നു​വ​ദി​ക്കും,'' വി​ദേ​ശ​കാ​ര്യ​മ​ന്ത്രാ​ല​യം പ്ര​സ്താ​വ​ന​യി​ൽ അ​റിയിച്ചു.

Read Also: കുല്‍ഭൂഷൺ ജാദവിന് തൂക്കുകയറില്ല; വധ ശിക്ഷ തടഞ്ഞ് രാജ്യാന്തര നീതിന്യായ കോടതി

കു​ൽ​ഭൂ​ഷ​ൺ കേ​സ് നി​യ​മം അ​നു​സ​രി​ച്ച് കൈ​കാ​ര്യം ചെ​യ്യു​മെ​ന്ന് പാ​ക് പ്ര​ധാ​ന​മ​ന്ത്രി ഇ​മ്രാ​ൻ ഖാ​ൻ അ​റി​യി​ച്ചി​രു​ന്നു. രാജ്യാന്തര കോ​ട​തി​യു​ടെ വി​ധി സ്വാഗ​തം ചെ​യ്യു​ന്നു. ക​മാ​ൻ​ഡ​ർ കു​ൽ​ഭൂ​ഷ​ൺ ജാ​ദ​വി​നെ കു​റ്റ​വി​മു​ക്ത​നാ​ക്കി, ഇ​ന്ത്യ​യി​ലേ​ക്ക് തി​രി​ച്ച​യ​യ്ക്കാ​ന​ല്ല രാജ്യാന്തര കോ​ട​തി വി​ധി​ച്ചി​രി​ക്കു​ന്ന​ത്. പാക്കി​സ്ഥാ​നി​ലെ ജ​ന​ങ്ങ​ൾ​ക്കെ​തി​രെ​യാ​ണ് അ​ദ്ദേ​ഹം കു​റ്റം ചെ​യ്തി​രി​ക്കു​ന്ന​ത്. നി​യ​മം അ​നു​ശാ​സി​ക്കു​ന്ന രീ​തി​യി​ൽ തു​ട​ർ​ന​ട​പ​ടി​ക​ൾ സ്വീ​ക​രി​ക്കും- ഖാ​ൻ ട്വീ​റ്റ് ചെ​യ്തു.

കുല്‍ഭൂഷണ്‍ ജാദവിന്റെ സുരക്ഷയും നീതിയും ഉറപ്പാക്കാന്‍ ഏതറ്റം വരെയും പോകുമെന്ന് ഇന്ത്യ ഇന്നലെ വ്യക്തമാക്കിയിരുന്നു. രാജ്യാന്തര കോടതി വിധിയുടെ പശ്ചാത്തലത്തില്‍ പാര്‍ലമെന്‍റില്‍ കേന്ദ്ര വിദേശകാര്യ മന്ത്രി ഡോ. എസ്.ജയശങ്കര്‍ നടത്തിയ പ്രസ്താവനയിലാണ് ഇന്ത്യയുടെ പ്രതികരണം.