ഉലുവയും കടുകും ഉണ്ടോ? താരനകറ്റാം എളുപ്പത്തിൽ

താരനും തലമുടി കൊഴിച്ചിലുമാണ് പലരുടെയും പ്രശ്നം. കേശ സംരക്ഷണത്തില്‍ കുറച്ചധികം ശ്രദ്ധിച്ചാല്‍ തന്നെ താരനെ തടയാന്‍ സാധിക്കും. സ്ത്രീകളും പുരുഷന്മാരും ഒരു പോലെ നേരിടുന്ന ബുദ്ധിമുട്ടാണ് താരൻ. അമിതമായ വിയർപ്പ്, പൊടി, രാസപദാർത്ഥങ്ങൾ അടങ്ങിയ ഷാമ്പുവിൻ്റെ ഉപയോഗം എന്നിങ്ങനെ പല കാരണങ്ങൾ കൊണ്ട് താരൻ ഉണ്ടാകാം. ഇത് ശ്രദ്ധിക്കാതെ പോയാൽ പിന്നീട് പരിഹരിക്കാൻ സാധിക്കാത്ത പ്രശ്നമായി മാറിയേക്കാം.

താരൻ എന്നത് ഒരു തരത്തിലുള്ള ഫംഗസാണ്. ഇതു മൂലം അമിതമായ ചൊറിച്ചിൽ, വരൾച്ച, മുടികൊഴിച്ചിൽ കൂടാതെ മുഖക്കുരു വരെ ഉണ്ടായേക്കാം. തലമുടി കഴുകാതിരുന്നാൽ ഇത് വീണ്ടും വർധിച്ചു വരികയേ ഉള്ളൂവെന്നാണ് വിദഗ്ധർ പറയുന്നത്. എന്നാൽ എല്ലാ ദിവസവും ഇങ്ങനെ ചെയ്യുന്നതു കൊണ്ട് താരൻ അകറ്റാൻ സാധിക്കും എന്നതിനു ശാസ്ത്രീയമായ തെളിവുകളില്ല. ചർമ്മത്തിൻ്റെ അവസ്ഥ ഓരോരുത്തരിലും വ്യത്യസ്തമായിരിക്കും. 

തലമുടി പരിചരണത്തിനായി ആഴ്ച്ചയിൽ ഒരിക്കൽ ഹെയർ മാസ്ക് ഉപയോഗിക്കുന്നത് ഗുണം ചെയ്തേക്കും. അതിനായി കടയിൽ നിന്നും വലിയ തുക നൽകി കെമിക്കൽ മാസ്ക് വാങ്ങേണ്ടതില്ല. അടുക്കളയിൽ സൂക്ഷിച്ചിരിക്കുന്ന ഉലുവയും കടുകും തൈരും മാത്രം മതി.

കടുക്

താരൻ, കൊഴിച്ചിൽസ വിണ്ടു കീറൽ എന്നിങ്ങനെ തലമുടിയെ ബാധിക്കുന്ന പല പ്രശ്നങ്ങൾക്കും മികച്ച പരിഹാരമാണ് കടുകെണ്ണ. ഇതിൽ ധാരാളം ഓമേഗ 3 ഫാറ്റി ആസിഡുകൾ അടങ്ങിയിട്ടുണ്ട്. വിറ്റാമിൻ ഇ, ആൻ്റി ഓക്സിഡൻ്റുകൾ എന്നിവയുടെ സമ്പന്നമായ ഉറവിടെ കൂടിയാണ് കടുക്. തലമുടിക്ക് വേരുകളിൽ നിന്നും തന്നെ ശക്തി പകർത്ത് കരുത്തുറ്റതാക്കാൻ ഗുണകരമാണ് കടുക്. 

ഉലുവ

ഉലുവയിൽ ആൻ്റി ഓക്സിഡൻ്റുകളും, പ്രോട്ടീനും, നിക്കോട്ടിനിക് ആസിഡും അടങ്ങിയിട്ടുണ്ട്. മുടി കൊഴിച്ചിൽ താരൻ എന്നിവയെ പ്രതിരോധിക്കാൻ ഉലുവ സഹായിക്കും. 

തൈര്

തൈര് ഒരു നാച്വറൽ കണ്ടീഷ്ണറാണ്. ഉയർന്ന അളവിൽ ഫാറ്റി ആസിഡ്, പ്രോട്ടീൻ, കാൽസ്യം, എന്നിവ അതിൽ അടങ്ങിയിട്ടുണ്ട്. ഈ ചേരുവകൾ ഹെയർഫോളിക്കിളുകളെ പോഷിപ്പിക്കുന്നു.

ഹെയർ മാസ്ക് തയ്യാറാക്കുന്ന വിധം

ഉലുവയും കടുകും തലേ ദിവസം തന്നെ വെള്ളത്തിൽ കുതിർത്തു വയ്ക്കാം. പിറ്റേന്ന് അവ അരച്ചെടുക്കാം. ഇതിലേയ്ക്ക് ആവശ്യത്തിന് തൈര് ചേർത്തിളക്കി യോജിപ്പിക്കാം. ഈ മിശ്രിതം തലയോട്ടിയിൽ പുരട്ടാം. 20 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. മുടി കൊഴിച്ചിലും താരനും എളുപ്പത്തിൽ മാറാൻ ഇത് സഹായിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഗ്രീൻ ടീ ബാക്കിയുണ്ടോ? എങ്കിലിനി ചർമ്മ പരിചരണത്തിനായി ഇങ്ങനെ ഉപയോഗിക്കൂ
• മുഖക്കുരു പമ്പ കടന്നിട്ടും പാടുകൾ മായുന്നില്ലേ? എങ്കിലിങ്ങനെ ചെയ്യൂ
• പഞ്ഞി പോലെ സോഫ്റ്റും കണ്ണാടിതിളക്കവുമുള്ള ചർമ്മം നേടാം, കഞ്ഞിവെള്ളം സെറം ഉപയോഗിച്ചു നോക്കൂ
• കരുത്തുറ്റ തലമുടിക്ക് നിങ്ങൾ ഇവയിൽ ഏതു തിരഞ്ഞെടുക്കും?