മൃദുലവും സുന്ദരവുമായ ചുണ്ടുകൾ നേടാൻ ഈ മാർഗങ്ങൾ ട്രൈ ചെയ്യൂ

ചുണ്ട് വരണ്ടു പൊട്ടുന്നത് മിക്കവരുടെയും പ്രശ്നമാണ്. മുഖത്തിന് എത്ര തന്നെ പരിചരണം നൽകിയാലും നിറം മങ്ങിയ വരണ്ട ചുണ്ടുകളാണ് ഉള്ളതെങ്കിൽ ക്ഷീണതമായ മുഖമായിരിക്കും ഫലം. തണുപ്പ്കാലത്താണ് ചുണ്ടുകളുടെ പരിചരണത്തിൽ ഏറെ ശ്രദ്ധിക്കേണ്ടത്. അമിതമായി വരണ്ടുപോകുന്നതും വിണ്ടുകീറുന്നതും തടയേണ്ടതുണ്ട്. മറ്റിടങ്ങളിലേതിനേക്കാൾ നേർത്ത ചർമ്മമാണ് ചുണ്ടുകൾക്കുള്ളത്. അതിനാൽ ഏറെ ശ്രദ്ധയോടെ വേണം പരിചരണം. 

ലിപ് ബാമിൻ്റെ ഉപയോഗം ഒരു പരിധി വരെ താത്കാലികമായി ചുണ്ട് വരണ്ടുപോകുന്നതു തടയാൻ സാഹിയിക്കും. ഇതിനൊപ്പം വീട്ടിൽ തന്നെ ചെയ്യാൻ സാധിക്കുന്ന ചില കാര്യങ്ങൾക്കൂടി ഉണ്ട്. അവ എന്തൊക്കെയെന്ന് പരിചയപ്പെടാം. 

ഷുഗർ സ്ക്രബ്

പഞ്ചസാര ഉപയോഗിച്ച് ചുണ്ടുകൾ മൃദുവായി മസാജ് ചെയ്യാം. അത് മൃതകോശങ്ങൾ നീക്കം ചെയ്യുന്നതു കൂടാതെ രക്തയോട്ടവും വർധിപ്പിക്കും. പഞ്ചസാരയിലേയ്ക്ക് തേൻ കൂടി ചേർത്ത് ഉപയോഗിക്കാം. 

കറുവാപ്പട്ട ഒലിവ് എണ്ണ

കറുവാപ്പട്ട രക്തയോട്ടം വർധിപ്പിക്കും, ഒലിവ് എണ്ണ മോയ്സ്ച്യുറൈസ് ചെയ്യും. അര ടീസ്പൂൺ കറുവാപ്പട്ട പൊടിച്ചതിലേയ്ക്ക് ഒലിവ് എണ്ണ ചേർത്തിളക്കി യോജിപ്പിക്കാം. ഇത് ഉപയോഗിച്ച് ചുണ്ട് മസാജ് ചെയ്യാം. 

ജലാംശം

ധാരാളം വെള്ളം കുടിക്കുക എന്നത് ചർമ്മ സംരക്ഷണത്തിൽ ഏറെ പ്രധാനമാണ്. ഇത് ശരീരത്തിലെ രക്തത്തിൻ്റെ അളവ് മെച്ചപ്പെടുത്തുന്നു കോശങ്ങളും സുഗമമായ പ്രവർത്തനത്തിന് സഹായിക്കുന്നു. 

പെപ്പർമിൻ്റ് ഓയിൽ

ചുണ്ടിലെ ചർമ്മം മൃദുവാക്കാൻ ഈ എണ്ണ ഗുണകരമാണ്. നിങ്ങൾ സ്ഥിരമായി ഉപയോഗിക്കുന്ന ലിപ് ബാമിലേയ്ക്ക് പെപ്പർമിൻ്റ് എണ്ണ ചേർത്ത് ഉപയോഗിക്കാം. 

കറ്റാർവാഴ ജെൽ

വരണ്ട ചർമ്മം മോയ്സ്ച്യുറൈസ് ചെയ്യാൻ കറ്റാർവാഴ സഹായിക്കും. ജെൽ നേരിട്ട് ചുണ്ടിൽ പുരട്ടാം. ഉറങ്ങുന്നതിനു മുമ്പ് അങ്ങനെ ചെയ്തു നോക്കൂ.

തേൻ വാസലിൻ

ഒരു ടീസ്പൂൺ തേനിലേയ്ക്ക് ഒരു ടീസ്പൂൺ വാസലിൻ ചേർത്തിളക്കി യോജിപ്പിക്കാം. ഇത് ചുണ്ടിൽ പുരട്ടി ഉറങ്ങാം. രാവിലെ തണുത്ത വെള്ളത്തിൽ കഴുകി കളയാം. 

മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ആരോഗ്യത്തിനു മാത്രമല്ല ചർമ്മത്തിനും വേണം ഗ്രീൻ ടീൻ
• ഇവ ഉപയോഗിച്ച് കുളിക്കൂ, ചർമ്മ പ്രശ്നങ്ങളോട് വിട പറയാം
• റോസ്‌വാട്ടർ ചില്ലറക്കാരനല്ല, ഉപയോഗിക്കാം വ്യത്യസ്ത തരത്തിൽ
• ഗ്ലാസ് സ്കിൻ നേടാം, ഈ 5 കൊറിയൻ ഫെയ്സ്മാസ്ക്കുകളിലൊന്ന് തിരഞ്ഞെടുക്കൂ