തിളപ്പിച്ചെടുത്ത പാൽ ബാക്കി വന്നോ? എങ്കിൽ മോയ്സ്ച്യുറൈസറാക്കി മാറ്റാം

മോയ്സ്ച്യുറൈസറിങ് സവിശേഷതകളുള്ള ധാരാളം ഉത്പന്നങ്ങൾ, സെറം, ടോണർ എന്നിങ്ങനെ വിപണിയിൽ ലഭ്യമാണ്. പക്ഷേ മുഖത്തിന് പാൽ ഏറ്റവും മികച്ച മോയ്സ്ച്യുറൈസറായി ഏറെക്കാലമായിട്ടുപയോഗത്തിലുണ്ട്. മുഖത്ത് പാൽ പുരട്ടുന്നതിന് നിരവധി ഗുണങ്ങളുണ്ട്. സവിശേഷമായ ഒട്ടനവധി പോഷകങ്ങളാൽ സമ്പന്നമാണത്. യുവത്വം തുളമ്പുന്ന തുടത്ത ചർമ്മം ലഭിക്കുന്നതിന് പാൽ ചർമ്മത്തിൽ പുരട്ടുന്നത് സഹായിക്കും.

മുഖക്കുരു

പാലിൽ ലാക്ടിക് ആസിഡ് അടങ്ങിയിട്ടുണ്ട്. അത് ചർമ്മ സുഷിരങ്ങളെ വൃത്തിയാക്കി മുഖക്കുരു അകറ്റുന്നു. പാലിനെ ഫെയ്സ്മാസ്ക്കായി ഉപയോഗിച്ച് മുഖം വൃത്തിയാക്കാവുന്നതാണ്. വീക്കം കുറയ്ക്കാനും ഇത് ഉപകാരപ്പെടും. 

ചർമ്മത്തിന് മോയ്സ്ച്യുറൈസർ

വരണ്ടതും വിണ്ടുകീറുന്നതുമായ ചർമ്മത്തിൽ ഈർപ്പം തടഞ്ഞു നിർത്താൽ പാലിൽ അടങ്ങിയിരിക്കുന്ന ആരോഗ്യ പ്രദമായ കൊഴുപ്പ് സഹായിക്കും. 

എക്സ്ഫോളിയേറ്റർ

പച്ച പാലിൽ ബീറ്റ ഹൈഡ്രോക്സ് ആസിഡ് അടങ്ങിയിട്ടുണ്ട്. അത് ഒരു എക്സഫോളിയൻ്റ് ഏജൻ്റാണ്. ഇത് മൃതകോശങ്ങളെ നീക്കം ചെയ്യും. 

അകാലവാർധക്യ ലക്ഷണങ്ങൾ

കൊളാജൻ ഉത്പാദനത്തിനു പാൽ പ്രയോജനപ്പെടും. ഇത് ചർമ്മത്തിൻ്റെ ഇലാസ്തികതയെ സ്വാധീനിക്കുന്നു. അങ്ങനെ അകാലമായി ഉണ്ടാകുന്ന ചുളിവകൾ പാടുകൾ എന്നിവ തടയാം. പാലിൽ വിറ്റാമിൻ ഡി അടങ്ങിയിട്ടുണ്ട്.

ചർമ്മം തിളക്കമുള്ളതാക്കും

ചർമ്മത്തിൽ അടിഞ്ഞു കൂടിയിരിക്കുന്ന അമിതമായ എണ്ണയും, അഴുക്കും, മൃതകോശങ്ങളും നീക്കം ചെയ്യപ്പെടുന്നതിനാൽ പാൽ തിളക്കമുള്ള ചർമ്മം നിങ്ങൾക്കു നൽകും. 

പാൽ ഉപയോഗിച്ച് തയ്യാറാക്കാൻ സാധിക്കുന്ന ഫെയ്സ്പാക്കുകൾ

പാലും മഞ്ഞളും

രണ്ട് ടേബിള്‍സ്പൂണ്‍ പച്ച പാലും ഒരു ടീസ്പൂണ്‍ മഞ്ഞളും യോജിപ്പിച്ച് മുഖത്ത് പുരട്ടാം. 20 മിനിറ്റിന് ശേഷം കഴുകി കളയാം. ആഴ്ചയില്‍ രണ്ട് തവണ ഇങ്ങനെ ചെയ്യുന്നത് മുഖത്തെ കറുത്ത പാടുകള്‍ അകറ്റാന്‍ സഹായിക്കും. 

പാലും തേനും

രണ്ട് ടേബിള്‍സ്പൂണ്‍ പച്ച പാലും ഒരു ടേബിള്‍സ്പൂണ്‍ തേനും മിശ്രിതമാക്കി മുഖത്ത് പുരട്ടാം. 20 മിനിറ്റിന് ശേഷം കഴുകി കളയാം. 

പപ്പായ പാൽ

രണ്ട് ടേബിള്‍സ്പൂണ്‍ പച്ച പാലും രണ്ട് ടേബിള്‍സ്പൂണ്‍ പപ്പായ പള്‍പ്പും യോജിപ്പിച്ച് മുഖത്ത് പുരട്ടാം. 20 മിനിറ്റിന് ശേഷം കഴകി കളയാം.

പാലും കറ്റാർവാഴ ജെല്ലും

രണ്ട് ടേബിള്‍സ്പൂണ്‍ പച്ച പാലും ഒരു ടേബിള്‍സ്പൂണ്‍ കറ്റാർവാഴ ജെല്ലും നന്നായി യോജിപ്പിച്ച് മുഖത്ത് പുരട്ടുക. . 20 മിനിറ്റിന് ശേഷം കഴകി കളയാം. മുഖത്തെ ചുളിവുകളെ തടയാനും മോയിസ്ചറൈസ് ചെയ്യാനും ഈ പാക്ക് സഹായിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• അഴകുള്ള പുരികം നേടാൻ വീട്ടിലുണ്ട് വഴികൾ
• മുടി വളർച്ച അതിവേഗത്തിലാക്കാം, പേൻ ശല്യം കുറയ്ക്കാം; വെളിച്ചെണ്ണയിലേയ്ക്ക് ഇതു കൂടി ചേർക്കൂ
• ചർമ്മത്തിൽ ചുളിവുകൾ കണ്ടു തുടങ്ങിയോ? എങ്കിൽ ഈ ശീലങ്ങൾ ശ്രദ്ധിക്കാം
• കഴുത്തിനു ചുറ്റുമുള്ള കറുപ്പ് നിറം അകറ്റാം സിംപിളായി