ഒരു തുള്ളി വെളിച്ചെണ്ണയ്ക്ക് ചർമ്മ സംരക്ഷണ ഗുണങ്ങൾ ഏറെയാണ്

അടുക്കളയിൽ ഒഴിവാക്കാനകാത്ത ഒന്നാണ് വെളിച്ചെണ്ണ. പാചകത്തിന് മാത്രമല്ല വെളിച്ചെണ്ണയ്ക്ക് മറ്റ് പല ഗുണങ്ങളും ഉണ്ട്. ഏറെക്കാലമായി ചർമ്മ സംരക്ഷണത്തിനും തലമുടി പരിചരണത്തിനും ഇത് ഉപയോഗിക്കാറുണ്ട്.

ധാരാളം ആൻ്റി ഓക്സിഡൻ്റുകളും, ധാതുക്കളും ഇതിൽ അടങ്ങിയിട്ടുണ്ട്. അതിൽ അടങ്ങിയിരിക്കുന്ന ഫാറ്റി ആസിഡുകൾ ചർമ്മത്തെ ഈർപ്പമുള്ളതാക്കി തീർക്കും കൂടാതെ ഇലാസ്തികത വർധിപ്പിക്കുകയും ചെയ്യും. കണ്ണിനു ചുറ്റുമുള്ള കറുപ്പ് നിറം നിങ്ങളെ അലട്ടാറുണ്ടെങ്കിൽ വെളിച്ചെണ്ണ ഉപയോഗിച്ച് മസാജ് ചെയ്യുന്നത് ഫലപ്രദമാണ്. 

തടിപ്പ് കുറയ്ക്കുന്നു

വെളിച്ചെണ്ണയ്ക്ക് ആൻ്റി ഇൻഫ്ലമേറ്ററി സവിശേഷതകൾ ഉണ്ട്. കണ്ണിനടിയിൽ ഉണ്ടാകുന്ന തടിപ്പ് കുറയ്ക്കാൻ അത് ഗുണകരമാകുന്നു.

കറുപ്പ് നിറം കുറയ്ക്കും

പ്രകൃതിദത്തമായ ബ്ലീച്ചിങ് സവിശേഷതകൾ വെളിച്ചെണ്ണയിൽ ഉണ്ട്. അതിനാൽ കണ്ണിനടിയിലെ കറുപ്പ് നിറം മങ്ങുന്നതിന് ഇത് സഹായിക്കും. 

കൊളാജൻ ഉത്പാദനം

വെളിച്ചെണ്ണ കൊളാജൻ ഉത്പാദനം മെച്ചപ്പെടുത്തുന്നു. ചർമ്മത്തിൻ്റെ ഇലാസ്തികതയ്ക്ക് കൊളാജൻ അത്യന്താപേക്ഷിതമാണ്. 

മോയ്സ്ച്യുറൈസ് ചെയ്യുന്നു

ഫാറ്റി ആസിഡുകളുടെ സമ്പന്നമായ ഉറവിടമാണ് വെളിച്ചെണ്ണ. ഇത് ആഴത്തിൽ തന്നെ ചർമ്മത്തെ ഹൈഡ്രേറ്റ് ചെയ്യുന്നു. വരൾച്ച, ചുളിവുകൾ എന്നിവ കുറയ്ക്കുന്നു. 

വെളിച്ചെണ്ണ ഉപയോഗിച്ച് സൺസ്ക്രീൻ 

ചേരുവകൾ

• വെളിച്ചെണ്ണ- 1/4 കപ്പ്
• ഷിയാബട്ടർ- 1/4 കപ്പ്
• സിങ്ക് ഓക്സൈഡ്- 1 ടേബിൾസ്പൂൺ
• ബീവാക്സ്- 1 ടേബിൾസ്പൂൺ
• റോസ്‌വാട്ടർ- 10 തുള്ളി

തയ്യാറാക്കുന്ന വിധം

• ഒരു പാൻ അടുപ്പിൽ വച്ച് അൽപം വെള്ളം ഒഴിക്കാം.
• അതിലേയ്ക്ക് ചെറിയ ഒരു ഹീറ്റ് പ്രൂഫ് ബൗൾ വയ്ക്കാം.
• കാൽ കപ്പ് വെളിച്ചെണ്ണ, കാൽ കപ്പ് ഷിയാ ബട്ടർ, ഒരു ടേബിൾസ്പൂൺ ബീ വാക്സ്  എന്നിവ അതിലേയ്ക്കു ചേർക്കാം.
• ഇടത്തരം തീയിൽ ഇളക്കി അലിയിച്ചെടുക്കാം.
• ശേഷം അടുപ്പിൽ നിന്നും മാറ്റി തണുക്കാൻ വയ്ക്കാം.
• ഇളക്കി കൊണ്ട് തന്നെ ഒരു ടേബിൾസ്പൂൺ സിങ്ക് ഓക്സൈഡ് അതിലേയ്ക്കു ചേർക്കാവുന്നതാണ്.
• ഏതാനും തുള്ളി റോസ്‌വാട്ടറോ ലാവൻഡർ ഓയിലോ അതിലേയ്ക്കു ചേർക്കാം.
• വൃത്തിയുള്ള വായുസഞ്ചാരമില്ലാത്ത പാത്രത്തിലേയ്ക്കു മാറ്റി സൂക്ഷിക്കാം. ഇത് ആവശ്യാനുസരണം ഉപയോഗിക്കാവുന്നതാണ്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കെമിക്കൽ രഹിത ഫെയ്സ് ബ്ലീച്ച് ഇനി വീട്ടിൽ തയ്യാറാക്കാം, കടലമാവും പുളിയും മതി
• കീശകാലിയാകില്ല, ഇനി മുഖക്കുരു അകറ്റാൻ തുളസിയില ഉപയോഗിക്കാം
• പഴത്തൊലി ഇങ്ങനെ ഉപയോഗിക്കൂ, മുഖക്കുരുവും പാടുകളും ഇല്ലാത്ത ചർമ്മം നേടാം
• നെയ്യ് കൈയ്യിലുണ്ടോ? കുളിക്കുന്നതിനു മുമ്പായി പൊക്കിളിൽ പുരട്ടൂ, ഗുണങ്ങൾ ഏറെയാണ്
• അരിയും വെള്ളവും മതി, ഗ്ലാസ് സ്കിൻ നേടാൻ മാജിക് സെറം തയ്യാറാക്കാം