ഓഫ്-വൈറ്റ് സിൽവർ ലെഹങ്കയിൽ സുന്ദരിയായി രാകുൽ പ്രീത് സിങ്, സംഗീത് ചടങ്ങിലെ ചിത്രങ്ങൾ

വർഷങ്ങളോളം നീണ്ട പ്രണയത്തിനൊടുവിലാണ് ബോളിവുഡ് താരം രാകുൽ പ്രീത് സിങ്ങും നടനും ചലച്ചിത്ര നിർമ്മാതാവുമായ ജാക്കി ഭഗ്‌നാനിയും വിവാഹിതരായത്. ഫെബ്രുവരി 21 നായിരുന്നു ഇരുവരുടെയും വിവാഹം. ഗോവയിൽ നടന്ന ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. 

സോഷ്യൽ മീഡിയയിൽ സംഗീത് ചടങ്ങിൽനിന്നുള്ള ചിത്രങ്ങൾ രാകുൽ പ്രീത് സിങ് ഷെയർ ചെയ്തിട്ടുണ്ട്. ഫാൽഗുനി പീകോക്ക് ഡിസൈൻ ചെയ്ത ഓഫ്-വൈറ്റ് ആൻഡ് സിൽവർ ലെഹങ്കയാണ് നടി ധരിച്ചത്. ലൈറ്റ് ഗോൾഡ് എംബ്രോയിഡറി വർക്കുകൾ നിറഞ്ഞതായിരുന്നു ലെഹങ്ക.

സ്വരോവ്സ്കി കല്ലുകൾ, ക്രിസ്റ്റലുകൾ, സീക്വിൻസുകൾ, മുത്തുകൾ, സിൽവർ അക്രിലിക് പൂക്കൾ എന്നിവയും ലെഹങ്കയിൽ നിറഞ്ഞിരുന്നു. ഹാൻഡ്ക്രാഫ്റ്റഡ് ബ്ലൗസും ടോസ്റ്റഡ് ബീജ് ഷോൾഡർ കേപ്പുമാണ് ലെഹങ്കയ്ക്കൊപ്പം അണിയാൻ നടി തിരഞ്ഞെടുത്തത്. 

അയൽവാസികളായിരുന്ന, രാകുൽ പ്രീതും ജാക്കി ഭഗ്‌നാനിയും 2021ലായിരുന്നു ഇരുവരുടെയും പ്രണയം ഔദ്യോഗികമായി പ്രഖ്യാപിച്ചത്. വിവാഹം വിദേശത്ത് നടത്താനാണ് ആദ്യം തീരുമാനിച്ചിരുന്നത്. എന്നാൽ പിന്നീട് ഈ തീരുമാനം മാറ്റുകയും വിവാഹ വേദിക്കായി ഗോവ തിരഞ്ഞെടുക്കുകയും ചെയ്തു.

2009 ൽ ഗില്ലി എന്ന കന്നഡ ചിത്രത്തിലൂടെയാണ് രാകുൽ അഭിനയത്തിലേക്ക് എത്തിയത്. പിന്നീട് നിരവധി തമിഴ്, തെലുങ്ക്, ഹിന്ദി ചിത്രങ്ങളിൽ അഭിനയിച്ചു. ശിവകാര്‍ത്തികേയന്‍ നായകനായ അയലാന്‍ ആണ് ഏറ്റവും ഒടുവില്‍ അഭിനയിച്ച ചിത്രം.

Read More

• ബോൾഡ് ആൻഡ് ക്ലാസിക് ലുക്കിൽ ജ്യോതിക
• പിങ്ക് ചുരിദാറിൽ മനോഹരിയായി ഭാവന, ചിത്രങ്ങൾ
• മിലൻ ഫാഷൻ വീക്കിൽ ബ്ലാക്ക് ഔട്ട്ഫിറ്റിൽ രശ്മിക മന്ദാന
• ദാദാസാഹിബ് ഫാൽക്കെ അവാർഡ് ദാന ചടങ്ങിൽ തിളങ്ങി കരീന കപൂർ