ലിപ്സ്റ്റിക് ഇനി വേണ്ടേ വേണ്ട, ചുണ്ടുകളുടെ ഇരുണ്ട നിറം മാറ്റാൻ തേനും കോഫി പൗഡറും

മുഖത്ത് പിഗ്മെന്റേഷൻ വരുന്നത് സാധാരണമാണ്. അമിതമായി സൂര്യപ്രകാശമേൽക്കുന്ന ആളുകൾക്ക് പിഗ്മെന്റേഷൻ വരുന്നത് സ്വാഭാവികമാണ്. പുറത്തു പോകുമ്പോൾ സൺസ്ക്രീൻ ഉപയോഗിച്ചില്ലെങ്കിൽ കാലക്രമേണ പിഗ്മെന്റേഷൻ വരും. എന്നാൽ, ചുണ്ടുകൾക്കും പിഗ്മെന്റേഷൻ വരും. ആദ്യം ചെറുതായി ഇരുണ്ട നിറം വരികയും പിന്നീട് ഡാർക്കായി മാറുകയും ചെയ്യും. 

ചുണ്ടുകളിലെ പിഗ്മെന്റേഷൻ മാറാനുള്ളൊരു പ്രകൃതിദത്ത വഴിയെക്കുറിച്ച് പറഞ്ഞിരിക്കുകയാണ് പാചക വിദഗ്ധയും ബ്യൂട്ടി ബ്ലോഗറുമായ ഡോ.ലക്ഷ്മി നായർ. വീട്ടിൽ എളുപ്പത്തിൽ ലഭ്യമായ തേനും കോഫി പൗഡറും ഉപയോഗിച്ചുള്ളൊരു നുറുങ്ങു വിദ്യയാണ് ലക്ഷ്മി നായർ പങ്കുവച്ചത്. 

ഒരു ടേബിൾസ്പൂൺ തേനും അര ടേബിൾസ്പൂൺ കോഫി പൗഡറും നന്നായി മിക്സ് ചെയ്തശേഷം ചുണ്ടുകളിൽ നന്നായി മസാജ് ചെയ്യുക. അഞ്ചു മിനിറ്റ് മസാജ് ചെയ്യുക. അതിനുശേഷം ചുണ്ടുകളിൽ ഒന്നുകൂടി പുരട്ടുക. അര മണിക്കൂറിനുശേഷം കഴുകി കളയുക. അതിനുശേഷം നെയ്യോ ബട്ടറോ ഉപയോഗിച്ച് മോയിസ്ച്യുറൈസ് ചെയ്യുക. രാവിലെയും രാത്രിയും ചെയ്യുന്നത് കൂടുതൽ നല്ല ഫലം നൽകും.

Read More

• സൺ ടാൻ എളുപ്പത്തിൽ മാറ്റാം, ചില സിംപിൾ ഫെയ്സ്‌പാക്കുകൾ
• കണ്ണിനു താഴെയുള്ള കറുപ്പും തടിപ്പും മാറ്റാം, ഈ മിശ്രിതം പുരട്ടൂ
• വേനൽ ചൂടിൽനിന്നും മുഖത്തെ സംരക്ഷിക്കാം, സൂപ്പർ ഫെയ്സ്‌പാക്ക്
• മുടി കൊഴിച്ചിൽ അകറ്റും, മുടി വളരും; നടി ശിവദയുടെ പ്രകൃതിദത്ത ഹെയർ സ്‌പാ