കണ്ണിനു താഴെയുള്ള കറുപ്പും തടിപ്പും മാറ്റാം, ഈ മിശ്രിതം പുരട്ടൂ

കണ്ണിനു താഴെയുള്ള കറുപ്പും തടിപ്പും പലവിധ കാരണങ്ങളാൽ സംഭവിക്കാറുണ്ട്. ഉറക്കമില്ലായ്മയും മോശം ജീവിതശൈലിയുമാണ് പ്രധാന കാരണം. ആവശ്യത്തിന് ഉറക്കം കിട്ടിയില്ലെങ്കിൽ കണ്ണിനു താഴെ കറുപ്പും തടിപ്പും ഉണ്ടാകാറുണ്ട്. ഇവ ചില രോഗാവസ്ഥകളുടെ ലക്ഷണങ്ങളുമാകാം. ശരീരത്തിൽ ജലാംശം കുറയുന്നതും കണ്ണുകൾക്ക് താഴെയുള്ള ചർമ്മം മങ്ങിയതും ചുളിവുമുള്ളതാക്കി മാറ്റും. അതിനാൽ തന്നെ ആവശ്യത്തിന് വെള്ളം കുടിക്കുക.

കണ്ണിന്റെ താഴെയുള്ള കറുപ്പും തടിപ്പും ചുളിവുകളും എളുപ്പത്തിൽ മാറ്റാനുള്ളൊരു പ്രകൃതിദത്ത വഴിയെക്കുറിച്ച് പറഞ്ഞിരിക്കുകയാണ് പാചകവിദഗ്ധയും ബ്ലോഗറുമായ ഡോ.ലക്ഷ്മി നായർ. വളരെ കുറച്ച് ചേരുവകൾ കൊണ്ട് തയ്യാറാക്കാവുന്ന ഈ മിശ്രിതം നല്ല ഫലം നൽകുമെന്ന് അവർ പറഞ്ഞു.

തയ്യാറാക്കുന്ന വിധം

ഒരു ചെറിയ ബൗളിൽ അര ടീസ്പൂൺ കോഫിപൗഡർ, അര ടീസ്പൂൺ കസ്തൂരി മഞ്ഞൾ പൊടി, അര ടീസ്പൂൺ തേൻ, അരടീസ്പൂൺ ബദാം ഓയിൽ, അരടീസ്പൂൺ കറ്റാർവാഴ ജെൽ എന്നിവ എടുക്കുക. ഇവയെല്ലാം നന്നായി മിക്സ് ചെയ്യുക. ഇതിലേക്ക് അൽപം കാച്ചാത്ത പാൽ ചേർത്ത് നന്നായി മിക്സ് ചെയ്യുക. ഈ മിശ്രിതം കുറച്ചെടുത്ത് കണ്ണിനു ചുറ്റും മസാജ് ചെയ്ത് കൊടുക്കുക. അതിനുശേഷം കുറച്ചെടുത്ത് കണ്ണുകൾക്കും ചുറ്റും പുരട്ടുക. ഈ മിശ്രിതം ഉണങ്ങിയശേഷം തുടച്ചു മാറ്റുക. എല്ലാ ദിവസവും രാത്രി ഇങ്ങനെ ചെയ്യുക. 

Read More

• വേനൽ ചൂടിൽനിന്നും മുഖത്തെ സംരക്ഷിക്കാം, സൂപ്പർ ഫെയ്സ്‌പാക്ക്
• മുടി കൊഴിച്ചിൽ അകറ്റും, മുടി വളരും; നടി ശിവദയുടെ പ്രകൃതിദത്ത ഹെയർ സ്‌പാ
• അരിയും ബീറ്റ്റൂട്ട് പൊടിയും കറ്റാർ വാഴയും തിളങ്ങുന്ന ചർമ്മം നേടാൻ സഹായിക്കുമോ?
• മുഖക്കുരു മാറുന്നില്ലേ? ഇതാണ് കാരണം