വൈറ്റ് പാന്റ്സ്യൂട്ടിനൊപ്പം ജാക്കറ്റും, സ്റ്റൈലിഷായി കീർത്തി സുരേഷ്

തെന്നിന്ത്യയിലെ മുൻനിര നായികമാരിലൊരാളാണ് കീർത്തി സുരേഷ്. മലയാള സിനിമയിലൂടെയാണ് തുടക്കമെങ്കിലും തമിഴിലും തെലുങ്കിലുമാണ് കീർത്തി തിളങ്ങിയത്.

'സൈറൺ' ആണ് താരത്തിന്റെ അടുത്തിടെ റിലീസായ ചിത്രം. സിനിമയുടെ പ്രൊമോഷന് വ്യത്യസ്ത ലുക്കുകളിലാണ് താരം എത്തിയത്.

'സൈറൺ' പ്രൊമോഷനിൽനിന്നുള്ള പുതിയ ചിത്രങ്ങൾ പോസ്റ്റ് ചെയ്തിരിക്കുകയാണ് നടി. വൈറ്റ് പാന്റ്സ്യൂട്ടിനൊപ്പം ജാക്കറ്റും ധരിച്ചുള്ള ചിത്രങ്ങളാണ് താരം പങ്കുവച്ചത്.

ജയം രവി, കീർത്തി സുരേഷ്, അനുപമ പരമേശ്വരൻ എന്നിവർ പ്രധാന കഥാപാത്രങ്ങളായി എത്തി ‘സൈറൺ’ തിയേറ്ററുകളിൽ മികച്ച പ്രേക്ഷകപ്രതികരണവുമായി പ്രദർശനം തുടരുന്നുണ്ട്. 

ഇൻവെസ്റ്റിഗേറ്റിവ് സസ്പെൻസ് ത്രില്ലർ ഗണത്തിൽപ്പെടുന്നപെടുന്നതാണ് സിനിമ. പൊലീസ് വേഷത്തിലാണ് കീർത്തി ചിത്രത്തിൽ എത്തിയത്. 

ബോളിവുഡിലും അരങ്ങേറ്റത്തിന് ഒരുങ്ങുകയാണ് കീർത്തി. വരുൺ ധവാൻ നായകനാവുന്ന 'ബേബി ജോൺ' എന്ന ചിത്രത്തിലാണ് കീർത്തി അഭിനയിക്കുന്നത്. വിജയ് നായകനായ തമിഴ് ചിത്രം 'തെരി'യുടെ ഹിന്ദി റീമേക്കാണിത്. 

'തെരി'യില്‍ സാമന്ത അവതരിപ്പിച്ച മിത്ര എന്ന കഥാപാത്രത്തെയാകും ഹിന്ദിയിൽ കീര്‍ത്തി സുരേഷ് അവതരിപ്പിക്കുക. ‘കീ’ എന്ന ചിത്രത്തിലൂടെ ശ്രദ്ധേയനായ കലീസ് ആണ് ഈ സിനിമ സംവിധാനം ചെയ്യുന്നത്. 

നടി മേനകയുടെയും നിര്‍മാതാവ് സുരേഷ് കുമാറിന്റെയും മകളാണ് കീർത്തി. തെലുങ്കിലെ 'മഹാനടി' എന്ന സിനിമയിലെ അഭിനയത്തിന് മികച്ച നടിക്കുള്ള ദേശീയ പുരസ്‌കാരവും കീർത്തി നേടി. 

Read More

• ബോൾഡ് ആൻഡ് ക്ലാസിക് ലുക്കിൽ ജ്യോതിക
• പിങ്ക് ചുരിദാറിൽ മനോഹരിയായി ഭാവന, ചിത്രങ്ങൾ
• മിലൻ ഫാഷൻ വീക്കിൽ ബ്ലാക്ക് ഔട്ട്ഫിറ്റിൽ രശ്മിക മന്ദാന
• ദാദാസാഹിബ് ഫാൽക്കെ അവാർഡ് ദാന ചടങ്ങിൽ തിളങ്ങി കരീന കപൂർ