ഒരു നുള്ള് മഞ്ഞൾപ്പൊടിയിലേയ്ക്ക് ഇത് അരച്ചു ചേർക്കൂ, ഇനി ടാൻ കുറയ്ക്കാൻ ഫേഷ്യലും ബ്ലീച്ചും വേണ്ട

ചർമ്മ പരിചരണത്തിന് കാലങ്ങളായി ഉപയോഗത്തിലുള്ള ഒരു ചേരുവയാണ് മഞ്ഞൾപ്പൊടി. ധാരാളം ആൻ്റി ബാക്ടീരിയൽ, ആൻ്റി ഇൻഫ്ലമേറ്ററി സവിശേഷതകൾ അതിനുണ്ട്. മഞ്ഞൾപ്പൊടിക്കൊപ്പം അടുക്കളയിൽ സുലഭമായ ഉരുളക്കിഴങ്ങും ചേർക്കാം.

Also Read: ഒരുപിടി അരി കൊണ്ട് ഫെയ്സ് സെറം വീട്ടിൽ തയ്യാറാക്കാം, ഇനി നിങ്ങൾക്കും ഗ്ലാസ് സ്കിൻ നേടാം

മുഖത്തെ കറുത്ത പാടുകൾ നീക്കുന്നത് ഉൾപ്പെടെ ചർമ്മവുമായി ബന്ധപ്പെട്ട മിക്ക പ്രശ്നങ്ങൾക്കും ഉരുളക്കിഴങ്ങ് ജ്യൂസ് ഫലപ്രദമാണെന്ന് തെളിയിക്കപ്പെട്ടിട്ടുണ്ട്. വിറ്റാമിൻ സി, വിറ്റാമിൻ ബി എന്നിവയും മറ്റ് നിരവധി പോഷകങ്ങളും കൊണ്ട് സമ്പുഷ്ടമാണ് ഉരുളക്കിഴങ്ങ്. ഇവയെല്ലാം ചർമ്മപ്രശ്നങ്ങൾ അകറ്റാൻ സഹായിക്കും. 

ചർമ്മത്തിലെ കറുത്ത പാടുകൾ ഇല്ലാതാക്കാൻ ഉരുളക്കിഴങ്ങ് ജ്യൂസ് വളരെ ഫലപ്രദമാണ്. ഇതിൽ വിവിധ പ്രകൃതിദത്ത ഗുണങ്ങൾ അടങ്ങിയിട്ടുണ്ട്. കറുത്ത പാടുകൾ കുറയ്ക്കാനും ചർമ്മത്തെ തിളക്കമുള്ളതുമാക്കാൻ സഹായിക്കുന്നു. ഉരുളക്കിഴങ്ങ് ജ്യൂസിന്റെ നേരിയ എക്സ്‌ഫോളിയേറ്റിങ് ഗുണങ്ങൾ കറുത്ത പാടുകൾ കുറയ്ക്കാൻ സഹായിക്കുക മാത്രമല്ല, ചർമ്മത്തിന് പോഷണവും നൽകിയേക്കും.

Also Read: ഒരു സ്പൂൺ വെളിച്ചെണ്ണയും ബീറ്റ്റൂട്ടും മതി, ലിപ് ബാം സ്വയം തയ്യാറാക്കാം

ഉപയോഗിക്കേണ്ട വിധം

• ഉരുളക്കിഴങ്ങ് അരച്ചെടുത്തശേഷം അതിൽ മഞ്ഞൾപ്പൊടി ചേർക്കാം.
• പേസ്റ്റ് രൂപത്തിലാക്കിയശേഷം കറുത്ത പാടുകളിൽ പുരട്ടാം.
• 10-15 മിനിറ്റ് കാത്തിരിക്കാം.
• കഴുകി കളഞ്ഞശേഷം മോയ്സ്ച്യുറൈസർ പുരട്ടാം

Also Read: ടാൻ ആണോ പ്രശ്നം? സൺസ്ക്രീൻ ഇങ്ങനെ ഉപയോഗിക്കൂ

ഇക്കാര്യങ്ങൾ ശ്രദ്ധിക്കാം

ഉരുളക്കിഴങ്ങ് ജ്യൂസിന്റെ ഗുണം വ്യക്തികളുടെ ചർമ്മ തരം അനുസരിച്ച് വ്യത്യാസപ്പെട്ടിരിക്കും. ചിലർക്ക് ഫലപ്രദമായി പ്രവർത്തിക്കുമെന്ന് കരുതി, മറ്റു ചിലർക്ക് അങ്ങനെയാകണമെന്നില്ലെന്ന് ഓർക്കുക. ഏതു തരക്കാരും ചർമ്മത്തിൽ ഉരുളക്കിഴങ്ങ് ജ്യൂസ് ഉപയോഗിക്കുന്നതിനു മുൻപ് ഒരു പാച്ച് ടെസ്റ്റ് നടത്താം. എന്തെങ്കിലും തരത്തിലുള്ള അലർജിയോ അസ്വസ്ഥതകളോ തോന്നിയാൽ ഉടൻ കഴുകി കളയാം, സംശയങ്ങൾക്ക് വിദഗ്ധരുടെ നിർദ്ദേശം തേടാം. 

മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഒരു സ്പൂൺ തേനിലേയ്ക്ക് ഇത് കൂടി ചേർത്തു പുരട്ടൂ, എത്ര വരണ്ട ചർമ്മവും തിളങ്ങും