പായ്ക്ക്റ്റ് ഹെയർ ഡൈ വാങ്ങി ഇനി പോക്കറ്റ് കാലിയാക്കേണ്ട, കട്ട കറുപ്പൻ മുടി നേടാൻ ഇതാ ഒരു പൊടിക്കൈ

ഒന്നുകിൽ പാർലറിൽ പോകണം, അല്ലെങ്കിൽ ബ്രെഷും ഗ്ലൗസും വേണം. ഡൈ ഉപയോഗിക്കാൻ എന്തൊക്കെ കഷ്ടപ്പാടുകളാണ്. ചിലർക്ക് അതിൻ്റെ മണം പോലും ബുദ്ധിമുട്ടുണ്ടാക്കിയേക്കാം. നരച്ച മുടി മറയ്ക്കാൻ ഇത്ര ബുദ്ധിമുട്ടേണ്ടതില്ല. കെമിക്കലുകൾ അടങ്ങിയ പായ്ക്കറ്റ് ഡൈകൾ മുടിയുടെ ആരോഗ്യത്തിന് ഹാനികരമാണ്. അവ സ്ഥിരമായി ഉപയോഗിക്കുന്നതിലൂടെ സ്വാഭാവിക നിറം തന്നെ നഷ്ടപ്പെട്ടേക്കാം. പകരം വീട്ടിൽ തന്നെ അതിവേഗം തയ്യാറാക്കാവുന്ന ഈ പൊടിക്കൈ ഒരു തവണ ട്രൈ ചെയ്തു നോക്കൂ. 

Also Read: ഒരു സ്പൂൺ തേയിലപ്പൊടി മതി, ഇനി പായ്ക്കറ്റ് ഡൈ വാങ്ങി പോക്കറ്റ് കാലിയാക്കേണ്ട

ചേരുവകൾ

• കരിഞ്ചീരകം
• ചെമ്പരത്തി ഇല
• പനികൂർക്ക ഇല
• മൈലാഞ്ചി ഇല അല്ലെങ്കിൽ ഹെന്ന പൗഡർ

തയ്യാറാക്കുന്ന വിധം

• അടി കട്ടിയുള്ള ഒരു പാൻ അല്ലെങ്കിൽ ഇരുമ്പ് ചീനച്ചട്ടി അടുപ്പിൽ വയ്ക്കാം.
• അതിലേയ്ക്ക് കരിഞ്ചീരകം ചേർത്തു വറുക്കാം.
• നന്നായി വറുത്തെടുത്ത കരിഞ്ചീരകം തണുക്കാൻ മാറ്റി വയ്ക്കാം. ഇത് പൊടിച്ചെടുത്തു സൂക്ഷിക്കാം.
• മൂന്നോ നാലോ പനികൂർക്ക് ഇലയും ചെമ്പരത്തിയുടെ ഇലയും അരച്ചെടുക്കാം.
• ഒരു ഇരുമ്പ് ചീനച്ചട്ടിയിലേയ്ക്ക് ഹെന്ന പൊടിയോ മൈലഞ്ചി ഇല ഉണക്കി പൊടിച്ചതോ ചേർക്കാം.
• അതിലേയ്ക്ക് ആവശ്യത്തിന് കരിഞ്ചീരക പൊടിയും ചേർക്കാം.
• ഇലകൾ അരച്ചതൊഴിച്ച് അത് നന്നായി ഇളക്കി യോജിപ്പിക്കാം.
• തയ്യാറാക്കിയ മിശ്രിതം അര മണിക്കർ അല്ലെങ്കിൽ ഒരു രാത്രി അടച്ചു സൂക്ഷിക്കാം. 

Also Read: കൊഴിഞ്ഞ മുടി അതിവേഗം വളരും, ഈ എണ്ണ ഒരു തുള്ളി മതി

ഉപയോഗിക്കേണ്ട വിധം

ഒട്ടും എണ്ണ മയമില്ലാത്ത മുടിയിഴകളിൽ വേണം ഇത്തരം ഡൈ പുരട്ടാൻ. മുടി പല ഭാഗങ്ങളായി തിരിക്കാം. ശേഷം തയ്യാറാക്കിയ മിശ്രിതം കൈ ഉപയോഗിച്ച് നരച്ച മുടികളിൽ പുരട്ടി 30 മിനിറ്റ് വിശ്രമിക്കാം. ഇത് തണുത്ത വെള്ളത്തിൽ കഴുകി കളയാം. 

Also Read: ഡൈ പുരട്ടാതെ തന്നെ നരച്ച മുടി കറുപ്പിക്കാം, ഇത് ട്രൈ ചെയ്യൂ

ഇക്കാര്യങ്ങൾ ശ്രദ്ധിക്കാം

ആദ്യമായി ഇത് ഉപയോഗിക്കുമ്പോൾ പാച്ച് ടെസ്റ്റ് ചെയ്തു നോക്കാൻ മറക്കേണ്ട്. എന്തെങ്കിലും തരത്തിലുള്ള അസ്വസ്ഥതകൾ ഉണ്ടായാൽ വീണ്ടും ഉപയോഗിക്കാതിരിക്കാൻ ശ്രദ്ധിക്കാം. നാച്യുറൽ ഹെയർ ഡൈ ആയതിനാൽ മുടി കഴുകാൻ ഷാമ്പൂ ഉപയോഗിക്കരുത്. 

മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കുളിക്കുന്നതിനു മുമ്പ് ഈ എണ്ണ പുരട്ടൂ, ഇടതൂർന്ന തിളക്കമുള്ള തലമുടി സ്വന്തമാക്കാം