ഒരു മുറി ബീറ്റ്റൂട്ട് ഉണ്ടെങ്കിൽ ഞൊടിയിടയിൽ പിഗ് ഗ്ലോ ഉള്ള ചർമ്മം നേടാം

ബീറ്റ്റൂട്ടിൻ്റെ ഗുണങ്ങളെ കുറച്ച് കേട്ടിട്ടുണ്ടാകുമെല്ലോ?. ധാരാളം പോഷകങ്ങൾ അടങ്ങിയ ബീറ്റ്റൂട്ട് ചർമ്മാരോഗ്യത്തിന് ഏറെ ഗുണകരമാണ്. ചർമ്മത്തിൻ്റെ നിറം വർധിപ്പിക്കുന്നതിന് അധികം ആളുകളും സ്ഥിരമായി ഇത് ഉപയോഗിക്കാറുണ്ട്. ബീറ്റ്റൂട്ട് കഴിക്കുന്നതും പുറമേ പുരട്ടുന്നതും തിളക്കമുള്ള ചർമ്മം പ്രദാനം ചെയ്യും. 

മുഖത്തിനു മാത്രമല്ല ശരീരത്തിനും കൂടിയുള്ള ഒരു മികച്ച ക്ലെൻസറായി ഇത് പ്രവർത്തിക്കുന്നു. മുഖക്കുരു, പാടുകൾ, പിഗ്മൻ്റേഷൻ എന്നിവ അകറ്റി തിളക്കമുള്ള തുടുത്ത ചർമ്മം നൽകുന്നു. ബീറ്റ്റൂട്ട് ചർമ്മ പരിചരണത്തിനായി എങ്ങനെ ഉപയോഗിക്കാം എന്ന് കൂടുതൽ അറിയാം. 

Also Read: ഇൻസ്റ്റൻ്റ് ഗ്ലോ നേടാൻ ഇനി ബ്ലീച്ച് വാങ്ങി സമയം കളയേണ്ട, കടലമാവ് ഇങ്ങനെ മുഖത്ത് പുരട്ടൂ

ബീറ്റ്റൂട്ട്  തൈര്

രണ്ട് സ്പൂൺ​ ബീറ്റ്റൂട്ട് ജ്യൂസിലേയ്ക്ക് തൈര് ചേർത്തിളക്കി യോജിപ്പിക്കാം. ഈ പാക്ക് മുഖത്ത് പുരട്ടി 15 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. മുഖക്കുരുവും അതിൻ്റെ പാടുകളും നീക്കം ചെയ്യുന്നതിന് ഇതിൻ്റെ സ്ഥിരമായ ഉപയോഗം സഹായിക്കും. 

ബീറ്റ്റൂട്ട് കറ്റാർവാഴ

ബീറ്റ്റൂട്ട് ജ്യൂസ് അൽപം കറ്റാർവാഴ ജെൽ ചേർത്ത് ഇളക്കി യോജിപ്പിക്കാം. ശേഷം മുഖത്ത് പുരട്ടുക. ആഴ്ചയിൽ ഒന്നോ രണ്ടോ തവണ ഈ പാക്ക് ഇടാം.

 Also Read: ദിവസവും രാവിലെ വെള്ളത്തിൽ ഇത് പൊടിച്ചു ചേർത്ത് കുടിക്കൂ, യുവത്വം തളുമ്പുന്ന ചർമ്മം ഏതു പ്രായത്തിലും സ്വന്തമാക്കാം

ബീറ്റ്റൂട്ട് പാൽ

ഒരു ടീസ്പൂൺ പാലിലേയ്ക്ക് 3 സ്പൂൺ വെളിച്ചെണ്ണ, 2 ടീസ്പൂൺ​ ബീറ്റ്റൂട്ട് ജ്യൂസ് എന്നിവ ചേർത്തിളക്കി യോജിപ്പിച്ച് മിശ്രിതമാക്കാം. ഈ പാക്ക് മുഖത്ത് പുരട്ടി മൃദുവായി മസാജ് ചെയ്യാം.15 മിനിറ്റിനു ശേഷം കഴുകി കളയാം. മുഖത്തെ കരുവാളിപ്പകറ്റാനും വരണ്ട ചർമ്മ അകറ്റാനും ആഴ്ചയിൽ രണ്ടു തവണയെങ്കിലും ഇത് ഉപയോഗിക്കുന്നത് ഗുണകരമാണ്. 

Also Read: ദിവസവും കിടക്കുന്നതിനു മുമ്പ് ഇത് പുരട്ടൂ, ചുളിവുകളും പാടകളുമില്ലാത്ത ചർമ്മം സ്വന്തമാക്കാം

ബീറ്റ്റൂട്ട് ചന്ദനപ്പൊടി

ബീറ്റ്റൂട്ട് അരച്ചെടുക്കാം. അതിലേയ്ക്ക് ഒരു സ്പൂൺ ചന്ദനപ്പൊടി ചേർത്തിളക്കാം. ഈ മിശ്രിതം മുഖത്ത് പുരട്ടി 15 മിനിറ്റിനു ശേഷം കഴുകി കളയാം. വിറ്റാമിൻ സി ധാരാളം അടങ്ങിയിരിക്കുന്നതിനാൽ സ്ഥിരമായി ഈ ഫെയ്സമാസ്ക് ഉപയോഗിക്കുന്നത് ഗുണകരമാണ്. 

ബീറ്റ്റൂട്ട് മുൾട്ടാണി മിട്ടി

എണ്ണ മയമുള്ള ചർമ്മമാണോ? എങ്കിൽ രണ്ട് ടേബിൾസ്പൂൺ ബീറ്റ്റൂട്ട് ഉണക്കി പൊടിച്ചതിലേയ്ക്ക് ഒരു ടേബിൾസ്പൂൺ മുൾട്ടാണി മിട്ടിയും രണ്ട് ടേബിൾസ്പൂൺ റോസ് വാട്ടറും ചേർത്തിളക്കി യോജിപ്പിക്കാം. ഇത് ചർമ്മത്തിൽ പുരട്ടി ഉണങ്ങിയതിനു ശേഷം കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഒരു മുറി നാരങ്ങ ഉപയോഗിച്ച് വീട്ടിൽ തന്നെ ചെയ്യാം ബ്ലീച്ച്, ഇൻസ്റ്റൻ്റ് ഗ്ലോ നേടാൻ ഇനി പാർലറിലേയ്ക്ക് ഓടേണ്ട