ഫേഷ്യൽ ചെയ്തതു പോലുള്ള ഗ്ലോ നേടാം അരിപ്പൊടി ഉപയോഗിച്ച്, ഇങ്ങനെ ചെയ്തു നോക്കൂ

കൊറിയൻ സൗന്ദര്യ പരിചരണമാണ് സോഷ്യൽ മീഡിയയിൽ ഏവരും ഏറ്റെടുത്തിരിക്കുന്നത്. അതിൽ തന്നെ റൈസ്‌വാട്ടറിനുള്ള പ്രാധാന്യം വളരെ വലുതാണ്. മികച്ച ഫലം നൽകുന്ന പാർശ്വഫലങ്ങൾ വളരെ കുറവായ ചർമ്മ പരിചരണ രീതിയാണ് പലപ്പോഴും അതിൽ ഉണ്ടാവുക. അത്തരത്തിൽ തൈരും റൈസ്‌വാട്ടറും ചേർത്തു തയ്യാറക്കാൻ സാധിക്കുന്ന ഒരു ഫെയ്സ്മാസ്ക് പരിചയപ്പെടാം.

Also Read: ഒരു സ്പൂൺ ഉലുവ കൊണ്ട് ഗ്ലാസ് സ്കിൻ നേടാം, ഇങ്ങനെ ചെയ്തു നോക്കൂ

ചേരുവകൾ

• അരിപ്പൊടി- 2 ടേബിൾസ്പൂൺ 
• തൈര്- 2 ടേബിൾസ്പൂൺ 
• റോസ്‌വാട്ടർ- 2 ടീസ്പൂൺ 
• തേൻ- 1 ടീസ്പൂൺ

Also Read: ദിവസവും ഉറങ്ങുന്നതിനു മുമ്പ് മുഖത്ത് തൈര് പുരട്ടുന്നതിൻ്റെ ഗുണങ്ങൾ അറിയാമോ?

തയ്യാറാക്കുന്ന വിധം

• ഒരു ചെറിയ ബൗളിൽ അരിപ്പൊടിയും തൈരും ചേർത്തിളക്കി യോജിപ്പിക്കാം.
• അതിലേയ്ക്ക് തേൻ, റോസ് വാട്ടർ എന്നിവ ചേർക്കാം. ആവശ്യമെങ്കിൽ ഏതാനും തുള്ളി വെള്ളം ഒഴിക്കാം. ഈ മിശ്രിതം മുഖത്ത് പുരട്ടി 15 മിനിറ്റ് വിശ്രമിക്കാം.
• ഉണങ്ങിയതിനു ശേഷം തണുത്ത വെള്ളം ഉപയോഗിച്ച് കഴുകി കളയാം. അതിനു മുമ്പായി മൃദുവായി മസാജ് ചെയ്തു കൊടുക്കാം.
• ചർമ്മത്തിന് തിളക്കം നൽകുന്നതിനുള്ള ധാരാളം സവിശേഷതകൾ അരിപ്പൊടിക്കും തൈരിനും ഉണ്ട്. അവ കറുത്ത പാടുകൾ അകറ്റി പിഗ്മൻ്റേഷൻ കുറയ്ക്കുന്നു.
• അരിപ്പൊടിയുടെ മോയ്സ്ച്യുറൈസിങ് സവിശേഷതയും തൈരിൽ അടങ്ങിയിരിക്കുന്ന പ്രീബയോട്ടിക് ഗുണങ്ങളും ചർമ്മം മൃദുവും ആരോഗ്യമുള്ളതുമാക്കി തീർക്കുന്നു.
• അരിപ്പൊടി ഒരു മികച്ച എക്സ്ഫേളിയേറ്ററാണ്. അത് മൃതചർമ്മത്തെ ഒഴിവാക്കി ഫ്രെഷ് ലുക്ക് നൽകുന്നു.

Also Read: ടാനേറ്റ് വാടില്ല, ദിവസവും പുറത്തു പോയി വന്നാൽ ഇത് ഉപയോഗിച്ച് മുഖം മസാജ് ചെയ്യൂ

ഗുണങ്ങൾ

• അരിപ്പൊടി ഒരു മികച്ച നാച്യുറൽ എക്സ്ഫോളിയൻ്റാണ്. ഇത് ടാനും പാടുകളും അകറ്റാൻ ഗുണകരമാണ്. 
• തേൻ ചർമ്മത്തിലെ ഈർപ്പം നിലനിർത്തി സോഫ്റ്റാക്കുന്നു. 
• തൈര് ചർമ്മത്തെ ബ്ലീച്ച് ചെയ്ത് പ്രകൃതിദത്തമായ ഗ്ലോ നൽകും. 
• ധാരാളം ജലാംശം അടങ്ങിയിരിക്കുന്ന റോസ് വാട്ടർ ഒരു ഹ്യുമിക്റ്റൻ്റായി ചർമ്മത്തിൽ പ്രവർത്തിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: മുഖക്കുരു മുതൽ ടാൻ വരെ അകറ്റാം, ഈ പൊടി മുഖത്ത് പുരട്ടൂ