ഒരു സ്പൂൺ ഉലുവ കൊണ്ട് ഗ്ലാസ് സ്കിൻ നേടാം, ഇങ്ങനെ ചെയ്തു നോക്കൂ

ചർമ്മ സംരക്ഷണത്തിന് കെമിക്കലുകൾ അടങ്ങിയ ഉത്പന്നങ്ങൾക്കു പകരം കാലങ്ങളായി ഉപയോഗിക്കുന്ന ഔഷധ ഗുണങ്ങളുള്ള ചേരുവകൾ തിരഞ്ഞെടുക്കൂ. അരിയും ഉലുവയും ചർമ്മാരോഗ്യത്തിന് ഫലപ്രദമാണ്. ചുളിവുകളും പാടുകളും ഇല്ലാത്ത കൊറിയൻ ചർമ്മത്തിൻ്റെ രഹസ്യം ഇതാണ്. ഇവ ഉപയോഗിച്ച് വീട്ടിൽ തന്നെ ഒരു ടോണർ തയ്യാറാക്കാം.

ചേരുവകൾ

അരി- 1 ടേബിൾസ്പൂൺ, ഉലുവ- 1 ടേബിൾസ്പൂൺ, വെള്ളം- 1.5 കപ്പ്, സ്പ്രേ ബോട്ടിൽ

തയ്യാറാക്കുന്ന വിധം

ഒരു ചെറിയ ബൗളിലേയ്ക്ക് ഒന്നര കപ്പ് വെള്ളമെടുക്കാം. ഇതിലേയ്ക്ക് ഒരു ടേബിൾസ്പൂൺ അരിയും ഒരു ടേബിൾസ്പൂൺ ഉലുവയും ചേർത്തു കുതിർക്കാൻ വയ്ക്കാം. 8 മണിക്കൂറെങ്കിലും ഇങ്ങനെ മാറ്റി വയ്ക്കാം.

ടോണർ

പിറ്റേ ദിവസം ഇതേ വെള്ളത്തിൽ അരിയും ഉലവയും 10 മുതൽ 15 മിനിറ്റ് വരെ വേവിക്കാം. ശേഷം തണുക്കാൻ മാറ്റി വയ്ക്കാം. തണുത്ത് കഴിഞ്ഞ് നന്നായി അരിച്ച് ഒരു സ്പ്രേ ബോട്ടിലിലേയ്ക്കു മാറ്റാം. ഇത് 5 ദിവസം ഫ്രിഡ്ജിൽ സൂക്ഷിക്കാം.

ഉപയോഗിക്കേണ്ട വിധം

രാത്രി ഉറങ്ങാൻ കിടക്കുന്നതിനു മുമ്പാണ് ഈ ടോണർ ഉപയോഗിക്കേണ്ടത്. അൽപം ടോൺർ മുഖത്ത് സ്പ്രേ ചെയ്യാം. ശേഷം ഉറങ്ങാൻ കിടക്കാം. രാവിലെ തണുത്ത വെള്ളത്തിൽ കഴുകി കളയാം. ദിവസവും ഇത് ശീലമാക്കാം.