ഇഞ്ചി ഈ എണ്ണയിൽ ചേർത്തുപയോഗിക്കൂ, ഗുണങ്ങൾ ഏറെയുണ്ട്

തലമുടി കൊഴിച്ചിൽ ഏറെ ആളുകളെയും അലട്ടുന്ന പ്രശ്നമാണ്. അതിനൊപ്പം വരണ്ട ശിരോചർമ്മവും, താരനും ഉണ്ടെങ്കിൽ കൊഴിച്ചിൽ കൂടുതൽ രൂക്ഷമാകും. ഇഞ്ചിയിൽ ധാരാളം വിറ്റാമിനുകളും ധാതുക്കളും അടങ്ങിയിട്ടുണ്ട്. 

ഇഞ്ചിയുടെ ആൻ്റി ഇൻഫ്ലമേറ്ററി, ആൻ്റി മൈക്രോബിയൽ സവിശേഷതകൾ താരൻ, ചൊറിച്ചിൽ മറ്റ് അസ്വസ്ഥകൾ എന്നിവ കുറയ്ക്കും ശിരോചർമ്മത്തിലേയ്ക്കുള്ള രക്തയോട്ടം മെച്ചപ്പെടുത്തി ചർമ്മത്തിൻ്റെ തിളക്കം വർധിപ്പിക്കും. ഇഞ്ചി നീര് നേരിട്ട് ഉപയോഗിക്കുന്നതിനു പകരം ഗുണകരമായ മറ്റൊരു മാർഗമുണ്ട്.

Also Read: ഡൈ ചെയ്യാതെ നരച്ചമുടി മറയ്ക്കാം, ഒരു സ്പൂൺ വെളിച്ചെണ്ണയും ഉള്ളിയും മതി

ചേരുവകൾ

• ഇഞ്ചി
• വെളിച്ചെണ്ണ

തയ്യാറാക്കുന്ന വിധം

ഇഞ്ചിയുടെ തൊലി കളഞ്ഞ് ചെറിയ കഷ്ണങ്ങളായി അരച്ചെടുക്കാം. ശേഷം അതിൻ്റെ നീര് പ്രത്യേകം അരിച്ചെടുക്കാം. അടി കട്ടിയുള്ള ഒരു പാത്രം അടുപ്പിൽ വച്ച് ബാക്കി വന്ന ഇഞ്ചി കഷ്ണങ്ങൾ അതിലേയ്ക്കു ചേർക്കാം. ഒപ്പം അരിച്ചെടുത്ത ഇഞ്ചി നീര് കൂടി ചേർത്ത് തിളപ്പിക്കാം. എണ്ണ നന്നായി തിളച്ച് ഇഞ്ചി അടിഞ്ഞു വരുമ്പോൾ അടുപ്പണയ്ക്കാം. ശേഷം ഇത് തണുക്കാൻ മാറ്റി വയ്ക്കാം. ഈ എണ്ണ അരിച്ചെടുത്ത് വൃത്തിയുള്ള ഒരു കുപ്പിയിൽ സൂക്ഷിക്കാം, ആവശ്യാനുസരണം ഉപയോഗിക്കാം. 

തലമുടി അമിതമായി കൊഴിഞ്ഞു പോകുന്നത് തടയാൻ വീട്ടിൽ തന്നെ പരീക്ഷിക്കാവുന്ന ഏതാനും ഹെയർ മാസ്ക്കുകൾ പരിചയപ്പെടാം.

Also Read: മുട്ട ഈ 4 രീതിയിൽ ഉപയോഗിക്കൂ, മുടി കൊഴിച്ചിൽ പമ്പകടക്കും

കഞ്ഞിവെള്ളം

ഒരു കപ്പ് കഞ്ഞി വെള്ളത്തിലേക്ക് 20ഗ്രാം എന്ന അളവിൽ ആവശ്യാനുസരണം ഉലുവ ചേർക്കുക. ഒരു രാത്രി അത് മാറ്റി വയ്ക്കുക. രാവിലെ അരിച്ചെടുത്ത് നനഞ്ഞ മുടിയിൽ സ്പ്രേ ചെയ്യുകയോ, ബ്രഷ് ഉപയോഗിച്ച് പുരട്ടുകയോ ചെയ്യാം. പത്ത് മിനിറ്റിനു ശേഷം കഴുകി കളയാം. 

ചെമ്പരത്തി

ചെമ്പരത്തി പൂവിൻ്റെ ഇതളുകൾ അരച്ചെടുത്തത് രണ്ട് ടേബിൾസ്പൂൺ. അതിലേക്ക് രണ്ട് ടേബിൾസ്പൂൺ തേങ്ങാപ്പാൽ, രണ്ട് ടേബിൾസ്പൂൺ തേൻ, രണ്ട് ടേബിൾസ്പൂൺ തൈര്, നാല് ടേബിൾസ്പൂൺ കറ്റാർവാഴ ജെൽ എന്നിവ ഇളക്കി യോജിപ്പിച്ചെടുക്കുക. ഈ മിശ്രിതം തലയോട്ടിയിലും മുടിയിഴകളിലും പുരട്ടി മസാജ് ചെയ്യുക. 30 മിനിറ്റ് വിശ്രമിക്കുക. ശേഷം കഴുകി കളയാം. ആഴ്ചയിൽ ഒരു തവണയെങ്കിലും ഇങ്ങനെ ചെയ്യുന്നത് തലമുടി വരണ്ടു പോകുന്നത് തടയുന്നു.

കറ്റാർവാഴ

കറ്റാർവാഴയുടെ ജെല്ലിലേക്ക് അൽപം വെളിച്ചെണ്ണ ചേർത്ത് ഇളക്കി യോജിപ്പിക്കാം. ഇത് തലമുടിയിൽ പുരട്ടി അൽപ്പ സമയം വിശ്രമിക്കാം. പതിനഞ്ച് മിനിറ്റിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം. ഇത് തലയോട്ടിയിൽ ഉണ്ടാകുന്ന വരൾച്ച തടയാൻ സഹായിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: 

• തിളക്കമുള്ള നീളൻ മുടി സ്വന്തമാക്കാം കറിവേപ്പിലയും ജീരകവും കൈയ്യിലുണ്ടെങ്കിൽ
• എത്ര നരച്ചമുടിയും കറുപ്പിക്കാം, ഈ ഇല ഉണക്കിസൂക്ഷിച്ചോളൂ