തിളക്കമുള്ള നീളൻ മുടി സ്വന്തമാക്കാം കറിവേപ്പിലയും ജീരകവും കൈയ്യിലുണ്ടെങ്കിൽ

ചർമ്മത്തിന് എന്നതു പോലെ തന്നെ തലമുടിയെയും ബാധിക്കുന്ന നിരവധി പ്രശ്നങ്ങളുണ്ട്. മുടികൊഴിച്ചിലും, താരനും, ചെറിച്ചിലും, അസ്വസ്ഥതയും സ്ത്രീകൾക്കു മാത്രമല്ല പുരുഷന്മാരേയും അലറ്റുന്ന പ്രധാന പ്രശ്നങ്ങളാണ്. എന്നാൽ ഓരോ പ്രശ്നങ്ങൾക്കും പ്രത്യേകം പരിഹാരം കാണുന്നതിനു പകരം ഇതിനെല്ലാം കൂടി ഒരു ഒറ്റമൂലി ലഭ്യമാണോ?.

Also Read: ഡൈ ചെയ്യാതെ നരച്ചമുടി മറയ്ക്കാം, ഒരു സ്പൂൺ വെളിച്ചെണ്ണയും ഉള്ളിയും മതി

വളരെക്കാലം മുമ്പ് തന്നെ ചർമ്മത്തിൻ്റെയും തലമുടിയുടെയും ആരോഗ്യ പരിപാലനത്തിൽ സ്ഥിരമായി ഉപയോഗിച്ചു വരുന്നവയാണ് കറവേപ്പില, അരി, ഉലുവ തുടങ്ങിയവ കാലാകാലങ്ങളായി തലമുടി പരിചരണത്തിന് ഉപയോഗിത്തിലിരിക്കുന്നവയാണ്. ഇവ മുടി കൊഴിച്ചിലിന് മികച്ച പ്രതിവിധിയാണ്. തിളക്കമുള്ള നീളൻ മുടി സ്വന്തമാക്കാൻ ഇവ സ്ഥിരമായി ഉപയോഗിക്കാം. എങ്കിൽ ഇവ ഒരുമിച്ചു ചേർത്തൊരു ഹെയർമാസ്ക് പരീക്ഷിക്കാം. 

Also Read: തലമുടി അഴകിന് കറിവേപ്പില കൊണ്ടുള്ള കണ്ടീഷ്ണർ ഇനി വീട്ടിൽ തയ്യാറാക്കാം

ചേരുവകൾ

• ഉലുവ- 1 ടേബിൾസ്പൂൺ
• ജീരകം- 1 ടേബിൾസ്പൂൺ
• അരി- 2 ടേബിൾസ്പൂൺ
• കടുകെണ്ണ- 1 ടേബിൾസ്പൂൺ
• കറിവേപ്പില- ആവശ്യത്തിന്

തയ്യാറാക്കുന്ന വിധം

ഉലുവയും അരിയും ജീരകവും വെള്ളത്തിൽ ഒരു രാത്രി കുതിർത്തു വയ്ക്കാം. രാവിലെ ഇതിലേയ്ക്ക് ആവശ്യത്തിന് വെള്ളവും കറിവേപ്പിലയും ചേർത്ത് നന്നായി അരച്ചെടുക്കാം. കുറച്ച് കടുകെണ്ണ ചേർത്തിളക്കി യോജിപ്പിക്കാം. മുടിയിലേയ്ക്ക് ഈ ഹെയർമാസ്ക് പുരട്ടി 40 മിനിറ്റ് വിശ്രമിക്കാം. ആഴ്ചയിൽ രണ്ട് തവണ ഇത് ഉപയോഗിക്കുന്നത് മികച്ച ഫലം നൽകും. 40 മിനിറ്റിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം. ഒപ്പം കണ്ടീഷ്ണർ ഉപയോഗിക്കാൻ മറക്കരുത്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More:

• എത്ര നരച്ചമുടിയും കറുപ്പിക്കാം, ഈ ഇല ഉണക്കിസൂക്ഷിച്ചോളൂ
• ഔഷധ ഗുണങ്ങളുള്ള ഈ ഇല ഒരു പിടി ഉണ്ടെങ്കിൽ മുടി കറുപ്പിക്കാൻ പായ്ക്കറ്റ് ഡൈ വേണ്ട
• രണ്ട് സ്പൂൺ മഞ്ഞൾപ്പൊടിയിൽ തയ്യാറാക്കാം കെമിക്കൽ രഹിത ഹെയർ ഡൈ