പ്രായം ഏതുമാകട്ടെ യുവത്വം തുളുമ്പുന്ന ചർമ്മം സ്വന്തമാക്കാൻ ഒരു മുറി കാരറ്റ് മതി

സുന്ദരവും ആരോഗ്യകരവുമായ ചർമ്മം ആരാണ് ഇഷ്ടപ്പെടാത്തത്? സിന്തറ്റിക് ഉത്പന്നങ്ങൾ ഉപയോഗിക്കാതെ, നമ്മുടെ ചർമ്മത്തെ പരിപാലിക്കുന്ന പ്രകൃതിദത്തമായി ചേരുവകളാണ് എപ്പോഴും നല്ലത്. കാരറ്റ് ഓയിൽ അത്തരമൊരു നാച്യുറൽ ഉത്പന്നമാണ്. ഈ എണ്ണ നിങ്ങളുടെ മുഖത്തിന് തിളക്കവും യുവത്വവും നൽകും.

ബീറ്റാ കരോട്ടിൻ, വിറ്റാമിൻ സി, വിറ്റാമിൻ ഇ, പൊട്ടാസ്യം, എന്നിവയുടെ സമ്പന്നമായ ഉറവിമാണ് കാരറ്റ്.  ഈ ബീറ്റാ കരോട്ടിൻ നമ്മുടെ ശരീരത്തിൽ വിറ്റാമിൻ എ ആയി പരിവർത്തനം ചെയ്യപ്പെടുന്നു, ഇത് ചർമ്മ ആരോഗ്യത്തിന് വളരെ ഗുണം ചെയ്യും.

Also Read: ടാനേറ്റ് വാടിയ ചർമ്മത്തിന് ഒരു ഇൻസ്റ്റൻ്റ് ഗ്ലോ നൽകാം, ഈ ഫെയ്സപാക്ക് സ്ഥിരമായി ഉപയോഗിക്കൂ

മാത്രമല്ല, കാരറ്റിലെ ആന്റിഓക്‌സിഡന്റുകൾ ചർമ്മകോശങ്ങളെ സംരക്ഷിക്കുകയും വാർധക്യത്തിന്റെ ലക്ഷണങ്ങൾ വൈകിപ്പിക്കാൻ സഹായിക്കും. കടയിൽ നിന്നും വില കൊടുത്തു വാങ്ങുന്ന രാസവസ്തുക്കൾ അടങ്ങിയ ടോണറുകൾക്ക് പകരം ഇത്രയേറെ ഗുണങ്ങളുള്ള കാരറ്റ് ഉപയോഗിക്കാം.

Also Read: ഗോതമ്പ് പൊടി കൈയ്യിലുണ്ടോ? 10 മിനിറ്റിൽ മുഖം തിളങ്ങും

കാരറ്റ് ഓയിൽ 

ചേരുവകൾ

• കാരറ്റ്- 2-3
• ഒലിവ് ഓയിൽ അല്ലെങ്കിൽ വെളിച്ചെണ്ണ-- 1 കപ്പ് 

തയ്യാറാക്കുന്ന വിധം

• കാരറ്റ് നന്നായി കഴുകി തൊലി കളയാം. അവ വളരെ ചെറിയ കഷണങ്ങളായി മുറിക്കുകയോ ഗ്രേറ്റ് ചെയ്തോ എടുക്കാം.
• ഒരു പാൻ അടുപ്പിൽ വച്ച് വെളിച്ചെണ്ണ അല്ലെങ്കിൽ ഒലിവ് എണ്ണ ഒഴിക്കാം. അതിലേയ്ക്ക് കാരറ്റ് കഷ്ണങ്ങൾ ചേർത്തു ചൂടാക്കാം.
• എണ്ണ ചൂടായി കഴിയുമ്പോൾ അടുപ്പണയ്ക്കാം.
• ഇത് തണുത്തതിനു ശേഷം കോട്ടൺ തുണിയിൽ അരിച്ചെടുക്കാം.
• വൃത്തിയുള്ള ഒരു കുപ്പിയിലേയ്ക്കു മാറ്റി സൂക്ഷിക്കാം. 2 മുതൽ 3 ആഴ്ച വരെ ഇത് ഉപയോഗിക്കാം.

Also Read: ഇനി ഗ്ലാസ് സ്കിൻ നേടാൻ ഒരു നുള്ള് അരിപ്പൊടി മതി

ഉപയോഗിക്കേണ്ട വിധം

• രാത്രി ഉറങ്ങാൻ കിടക്കുന്നതിനു മുമ്പ് മുഖം വൃത്തിയായി കഴുകി തുടയ്ക്കാം.
• ശേഷം കാരറ്റ് എണ്ണ കൈയ്യിലെടുത്ത് വിരലുകൾ ഉപയോഗിച്ച് മുഖത്ത് പുരട്ടി മൃദുവായി മസാജ് ചെയ്യാം. ശേഷം ഉറങ്ങാം. രാവിലെ ഉണർന്ന ഉടൻ കഴുകി കളയാം. 
• തേൻ, തൈര് എന്നിവയിൽ കലർത്തി ഫെയ്സ്മാസ്ക്കായും ഇത് ഉപയോഗിക്കാം. 
• സ്ഥിരമായി ഉപയോഗിക്കുന്ന മോയ്സ്ച്യുറൈസറിലും ഇത് ചേർത്തു പുരട്ടാവുന്നതാണ്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: പോക്കറ്റ് കാലിയാകാതെ ഒറ്റ ദിവസം കൊണ്ട് ചർമ്മം തിളക്കമുള്ളതാക്കാം, ഉറങ്ങുന്നതിനു മുമ്പ് ഇത് പുരട്ടൂ