അരിപ്പൊടി മുതൽ പാൽ വരെ, പാടുകളും ചുളിവുകളും ഇല്ലാത്ത ചർമ്മം നേടാൻ ഇനി എന്തെളുപ്പം

വിപണിയിൽ സൗന്ദര്യ വർധക ഉത്പന്നങ്ങൾക്ക് യാതൊരു കുറവുമില്ല. എന്നാൽ അവയിൽ അടങ്ങിയിരിക്കുന്ന രാസ വസ്തുക്കൾ ചർമ്മാരോഗ്യത്തെ പ്രതികൂലമായി ബാധിച്ചേക്കാം. ഏറ്റവും അധികം ആളുകളും തേടുന്നത് മുഖത്തെ കറുത്തപാടുകൾ, ടാൻ എന്നിവ അകറ്റാൻ സഹായിക്കുന്ന ചർമ്മത്തിന് അനുയോജ്യമായ വസ്തുക്കളാണ്. പ്രകൃതിദത്തമായ ചേരുവകൾ തിരഞ്ഞെടുക്കുക എന്നതാണ് ഉചിതം.  

വലിയ വില കൊടുക്കാതെ തന്നെ അത്തരം ചേരുവകൾ വീട്ടിൽ ലഭ്യമാണ്. അരിപ്പൊടി, കാപ്പി പൊടി തുടങ്ങിയവ ചർമ്മത്തിലെ ഡെഡ് സ്കിൻ അകറ്റി തിളക്കം നൽകുന്നതിനു സഹായിച്ചേക്കാം. ഇവ ഉപയോഗിച്ച് വീട്ടിൽ തന്നെ തയ്യാറാക്കാൻ സാധിക്കുന്ന രണ്ട് ഫെയ്സ് സ്ക്രബ് പരിചയപ്പടാം.

തേൻ പഞ്ചസാര

തേൻ ചർമ്മത്തെ ഹൈഡ്രോറ്റ് ചെയ്യുമ്പോൾ പഞ്ചസാര നാച്യുറൽ എക്സ്ഫോളിയൻ്റായി പ്രവർത്തിക്കും. ഇത് മൃത കോശങ്ങളെ നീക്കം ചെയ്യുന്നതിന് സഹായിക്കും. തേനിലേയ്ക്ക് അൽപം പഞ്ചസാര ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി വിരലുകൾ ഉപയോഗിച്ച മൃദുവായി മസാജ് ചെയ്യാം. 

കാപ്പിപ്പൊടി വെളിച്ചെണ്ണ

കാപ്പിപ്പൊടി രക്തചംക്രമണം മെച്ചപ്പെടുത്തി വീക്കം തടയുമ്പോൾ വെളിച്ചെണ്ണ ചർമ്മത്തെ പോഷിപ്പിക്കും. ഒരു സ്പൂൺ വെളിച്ചെണ്ണയിലേയ്ക്ക് അര ടീസ്പൂൺ കാപ്പിപ്പൊടി ചേർക്കാം. ഈ മിശ്രിതം വിരലുകൾ ഉപയോഗിച്ച് മുഖത്ത് പുരട്ടി മൃദുവായി മസാജ് ചെയ്യാം. 

ഓട്സ് തൈര്

അസ്വസ്ഥമായ ചർമ്മത്തെ സുഖപ്പെടുത്തുന്നതിനും, അടിഞ്ഞു കൂടിയ അഴുക്ക നീക്കം ചെയ്യുന്നതിനും ഓട്സ് ഗുണകമരാണ്. തൈര് ചർമ്മത്തെ മോയിസ്ച്യുറൈസ് ചെയ്യുന്നത് തിളക്കം നൽകുന്നു. ഓട്സ് പൊടിച്ചതിലേയ്ക്ക് തൈരി ചേർത്തിളക്കാം. ഇത് വിരലുകൾ ഉപയോഗിച്ച് മുഖത്ത് പുരട്ടി മൃദുവായി മസാജ് ചെയ്യാം. ശേഷം തണുത്ത വെള്ളത്തിൽ കഴുകി കളയാം. 

അരിപ്പൊടി പാൽ സ്ക്രബ്

അരിപ്പൊടി നാച്യുറൽ എക്സ്ഫോളിയേറ്ററാണ്. അത് ചർമ്മത്തിൻ്റെ നിറം മെച്ചപ്പെടുത്തും. പാൽ തിളക്കം നൽകും. ഒരു ടേബിൾസ്പൂൺ അരിപ്പൊടിയിലേയ്ക്ക് ആവശ്യത്തിന് പാൽ ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി മൃദുവായി മസാജ് ചെയ്യാം. ശേഷം തണുത്ത വെള്ളത്തിൽ കഴുകി കളയാം. 

മഞ്ഞൾപ്പൊടി കടലമാവ്

മഞ്ഞളിന് ആൻ്റി ഇൻഫ്ലമേറ്ററി സവിശേഷതകളുണ്ട്. അത് ചർമ്മത്തിലെ വീക്കം, പാടുകൾ, മുഖക്കുരു എന്നി അകറ്റുന്നു. കടലമാവ് ചർമ്മം വൃത്തിയാക്കി സൂക്ഷിക്കാൻ സഹായിക്കും. കടലമാവിലേയ്ക്ക് ഒരു നുള്ള് മഞ്ഞൾപ്പൊടി ചേർക്കാം. ഒപ്പം റോസ് വാട്ടർ ഒഴിച്ച് ഇളക്കി യോജിപ്പിക്കാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കക്ഷത്തിലെ കറുപ്പ് നിറമാണോ പ്രശ്നം? പരിഹരിക്കാൻ ചില വിദ്യകളുണ്ട്
• കഞ്ഞി വെള്ളം ഉണ്ടോ? എങ്കിൽ ഉലുവ ചേർത്ത് ഇങ്ങനെ ഉപയോഗിക്കൂ, മുടി കൊഴിച്ചിലിന് വിട പറയാം
• പഴം കഴിച്ചിട്ട് തൊലി വലിച്ചെറിയേണ്ട, ഉണക്കിപ്പൊടിച്ചു സൂക്ഷിച്ചാൽ ഗുണങ്ങളേറെയാണ്
• ഹൃദയം തുറക്കൂ... പ്രണയം പറയാം: Happy Propose Day 2025