കഞ്ഞി വെള്ളം ഉണ്ടോ? എങ്കിൽ ഉലുവ ചേർത്ത് ഇങ്ങനെ ഉപയോഗിക്കൂ, മുടി കൊഴിച്ചിലിന് വിട പറയാം

അകാല നര, അമിതമായ മുടി കൊഴിച്ചിൽ, താരൻ ഇതൊക്കെ സർവ്വസാധാരണമാണ്. എന്നാൽ ഇവ സ്ഥിരമായിട്ടുണ്ടാകുന്നു എങ്കിൽ പ്രതിവിധി തേടേണ്ടത് അത്യാവശ്യമാണ്. ചർമ്മത്തിന് നൽകുന്ന അതേ കരുതൽ തലമുടിക്കും നൽകണം. എന്നാൽ ഓരോ പ്രശ്നങ്ങൾക്കും പ്രത്യേകം പരിഹാരം കാണുന്നതിനു പകരം ഇതിനെല്ലാം കൂടി ഒരു ഒറ്റമൂലി ലഭ്യമാണോ?.

വളരെക്കാലം മുമ്പ് തന്നെ ചർമ്മത്തിൻ്റെയും തലമുടിയുടെയും ആരോഗ്യ പരിപാലനത്തിൽ സ്ഥിരമായി ഉപയോഗിച്ചു വരുന്ന ഒന്നാണ് ഉലുവ. ഷാമ്പുവും കണ്ടീഷ്ണറും ഉപയോഗത്തിൽ വരുന്നതിനു മുമ്പ് തന്നെ കഞ്ഞിവെള്ളവും ഉലുവയും മുടിയുടെ പരിചരണത്തിന് വ്യാപകമായി ഉപയോഗിച്ചിരുന്നു.

ഉലുവയും കഞ്ഞി വെള്ളവും ഉപയോഗിക്കേണ്ട വിധം

ഒരു കപ്പ് കഞ്ഞിവെള്ളത്തില്‍ കുറച്ച് ഉലുവ കുതിർത്തു വയ്ക്കുക. ഇത് ഒരു രാത്രി മുഴുവൻ മാറ്റി വയ്ക്കുക. ശേഷം രാവിലെ ഉലുവ അരിച്ചുമാറ്റാം. ഇനി ഈ കഞ്ഞിവെള്ളം നനഞ്ഞ മുടിയിലും തലയോട്ടിയിലും സ്‌പ്രേ ചെയ്യുകയോ ബ്രഷ് ഉപയോഗിച്ച് പുരട്ടുകയോ ചെയ്യാം. പത്ത് മിനിറ്റിനു ശേഷം കഴുകി കളയാം. തലമുടി കൊഴിച്ചില്‍ തടയാനും മുടി വളരാനും ഇത് ഗുണം ചെയ്യും.

കഞ്ഞി വെള്ളം തലമുടി സംരക്ഷണത്തിന്

ഷാംമ്പൂ ചെയ്തശേഷം കഞ്ഞി വെള്ളത്തിൽ മുടി കഴുകുക. ഏകദേശം 20 മിനിറ്റിനുശേഷം അത് കഴുകി കളയുക. കൂടുതൽ സമയം കഞ്ഞിവെള്ളം മുടിയിൽ നിലനിർത്തരുത്. പതിവായി ഇങ്ങനെ ചെയ്യുക.

തലേദിവസത്തെ കഞ്ഞി വെള്ളം ഉപയോഗിച്ച് മുടി കഴുകാം. കഞ്ഞി വെള്ളം ഒഴിച്ചതിനു ശേഷം 10 മിനിറ്റ് മസാജ് ചെയ്യുക. ശേഷം വെള്ളം ഉപയോഗിച്ച് കഴുകുക. ആഴ്ചയിൽ ഒരിക്കൽ എങ്കിലും ഇങ്ങനെ ചെയ്യാം. 

ഇക്കാര്യങ്ങൾ ശ്രദ്ധിക്കുക

അലർജി സംബന്ധമായ പ്രശ്നങ്ങൾ നേരിടുന്നവർ വളരെ ശ്രദ്ധയോടെ വേണം ഉപയോഗിക്കുവാൻ. ആദ്യമായി ഉപയോഗിക്കുന്നവർ പാച്ച് ടെസ്റ്റ് ചെയ്യാൻ മറക്കരുത്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• പഴം കഴിച്ചിട്ട് തൊലി വലിച്ചെറിയേണ്ട, ഉണക്കിപ്പൊടിച്ചു സൂക്ഷിച്ചാൽ ഗുണങ്ങളേറെയാണ്
• ഹൃദയം തുറക്കൂ... പ്രണയം പറയാം: Happy Propose Day 2025
• സൾഫേറ്റില്ല, ഈ ഹെയർ കണ്ടീഷ്ണറുകൾ സ്വയം തയ്യാറാക്കാം
• അകാല നരയിൽ ആശങ്ക വേണ്ട; കാപ്പിപ്പൊടിയും തേയിലയും സഹായത്തിനുണ്ട്