കറുത്തപാടും കരുവാളിപ്പും മിനിറ്റുകൾക്കുള്ളിൽ മായും, ഒരു കഷ്ണം ഉരുളക്കിഴങ്ങ് മതി

പ്രായം കൂടും തോറും ചർമ്മാരോഗ്യത്തിനും വ്യത്യാസം വരും. ഒപ്പം കാലാവസ്ഥയും ജീവിത ശൈലിയും വില്ലനാകാറുണ്ട്. ടാൻ, കറുത്ത പാടകുൾ, ചുളിവുകൾ എന്നിവയാണ് ഇതിൻ്റെ ഫലം. ഇവ കുറയ്ക്കാൻ ബ്ലീച്ചും ഫേഷ്യലുകളും ലഭ്യമാണ്. എന്നാൽ അവ ചെയ്തു സമയം കളയാതെ പ്രകൃതിദത്തമായ മാർഗങ്ങൾ പരീക്ഷിച്ചു നോക്കൂ. ഉരുളക്കിഴങ്ങ് ഒരു മികച്ച ബ്ലീച്ചിങ് ഏജൻ്റാണ്. ടാൻ മുതൽ മുഖക്കുരുവിനു വരെയുള്ള മികച്ച പരിഹാരമാണത്. ഉരുളക്കിഴങ്ങിനൊപ്പം മറ്റ് ചില ചേരുവകൾ കൂടി ഉൾപ്പെടുത്തിയാൽ അകാല വാർധക്യത്തിൻ്റെ പല ലക്ഷണങ്ങളും തടയാൻ സാധിക്കും. 

ഉരുളക്കിഴങ്ങ് തേൻ തൈര്

ഉരുളക്കിഴങ്ങ് തൊലി കളഞ്ഞ് നന്നായി അരച്ചെടുക്കാം. ഇതിലേയ്ക്ക് തേനും തൈരും ചേർത്തിളക്കി യോജിപ്പിക്കാം. വൃത്തിയായി കഴുകിയ മുഖത്ത് ഈ മിശ്രിതം പുരട്ടി 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

ഉരുളക്കിഴങ്ങ് നീര്

ഉരുളക്കിഴങ്ങ് അരച്ച് നീര് പിഴിഞ്ഞെടുക്കാം. അതിൽ ഒരു പഞ്ഞി മുക്കി മുഖത്ത് പുരട്ടാം. 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. ഇത് ചർമ്മത്തിലെ കറുത്തപാടുകളകറ്റി തിളക്കമുള്ളതാക്കാൻ സഹായിക്കും.

ഉരുളക്കിഴങ്ങ് നാരങ്ങാ സ്ക്രബ്

ഉരുളക്കിഴങ്ങ് ഗ്രേറ്റ് ചെയ്തതിലേയ്ക്ക് ഏതാനും തുള്ളി നാരങ്ങാ നീര് ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി മൃദുവായി മസാജ് ചെയ്യാം. 10 മിനിറ്റിനു ശേഷം കഴുകി കളയാം. നാരങ്ങ ഒരു പ്രകൃതദത്ത ബ്ലീച്ചിങ് ഏജൻ്റാണ്.

ഉരുളക്കിഴങ്ങ് മഞ്ഞൾപ്പൊടി ഫെയ്സ്മാസ്ക്

ഉരുളക്കിഴങ്ങ് ഗ്രേറ്റ് ചെയ്തെടുക്കാം. അതിലേയ്ക്ക് ഒരു നുള്ള് മഞ്ഞൾപ്പൊടി ചേർത്തിളക്കി യോജിപ്പിക്കാം. ഇത് ടാൻ ഉള്ള ഭാഗങ്ങളിൽ പുരട്ടി 15 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. ഇത് ടാൻ നീക്കം ചെയ്യാൻ സഹായിക്കും.

ഉരുളക്കിഴങ്ങ് 

ഉരുളക്കിഴങ്ങ് വട്ടത്തിൽ കട്ടി കുറച്ച് അരിഞ്ഞെടുക്കാം. കണ്ണടച്ച് കണ്ണിനു മുകളിൽ ഈ കഷ്ണങ്ങൾ വച്ച് 15 മിനിറ്റ് വിശ്രമിക്കാം. ഇത് കണ്ണിനു ചുറ്റുമുള്ള വീക്കം, കറുത്ത പാടുകൾ എന്നിവ കുറയ്ക്കാൻ സഹായിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• പട്ടുപോലുള്ള തലമുടി നേടാൻ വെളിച്ചെണ്ണ ഇങ്ങനെ പുരട്ടൂ
• കാഴ്ചയിൽ ഏറെ ഭംഗിയുള്ള പല പൂക്കളും സൗന്ദര്യ പരിചരണത്തിനും ഉപയോഗിക്കാം, ഈ വിദ്യകൾ ഓർത്തോളൂ
• ഞൊടിയിടയിൽ ടാൻ അകറ്റാം, ഉറങ്ങുന്നതിനു മുമ്പ് ഈ ഫേയ്സ് പാക്ക് പുരട്ടൂ
• തിളക്കമുള്ള ചർമ്മം നേടാൻ കടലമാവ് ഇങ്ങനെ ഉപയോഗിക്കൂ
• കണ്ണിനു ചുറ്റും പാൽ പുരട്ടുന്നതിൻ്റെ ഗുണങ്ങൾ അറിയാമോ?