വെളിച്ചെണ്ണ ഇങ്ങനെ പുരട്ടൂ, പട്ടുപോലുള്ള തലമുടി നേടാം

കേടുപാടുകൾ സംഭവിച്ച ഹെയർ ഫോളിക്കിളുകളെ പോഷിപ്പിക്കുന്നതിന് വെളിച്ചെണ്ണ ഏറെ ഗുണപ്രദമാണ്. നിങ്ങൾക്ക് സെൻസിറ്റീവ് ആയിട്ടുള്ള തലയോട്ടിയാണ് ഉള്ളതെങ്കിൽ വെളിച്ചെണ്ണ ഉപയോഗിക്കുന്നതാണ് നല്ലത്. വെളിച്ചെണ്ണയ്ക്ക് ധാരാളം ആൻ്റി ഫംഗൽ സവിശേഷതകളുണ്ട്.

തേങ്ങ ഉണക്കിയെടുത്താണ് വെളിച്ചെണ്ണ തയ്യാറാക്കുന്നത്. അതിൽ ധാരാളം ല്യൂറിക് ആസിഡും അടങ്ങിയിട്ടുണ്ട്. ഇത് മുടിയിഴകൾ മോയ്സ്ചറൈസ് ചെയ്ത് പരുക്കൻ പ്രകൃതത്തിൽ നിന്നും മോചനം നൽകുന്നു. വെളിച്ചെണ്ണ ശരിയായ രീതിയിൽ പ്രയോജനപ്പെടുത്തിയാൽ കരുത്തും അഴകുമുള്ള തലമുടി നേടാൻ സാധിക്കും. അതിന് ചില വിദ്യകളുണ്ട്. 

വെളിച്ചെണ്ണ പഴം

നന്നായി പഴുത്ത ഒരു പഴം തൊലി കളഞ്ഞ് ഉടച്ചെടുക്കാം. അതിലേയ്ക്ക് വെളിച്ചെണ്ണ ഒഴിച്ചിളക്കാം. ഈ മിശ്രിതം തലമുടിയിലും ശിരോചർമ്മത്തിലും പുരട്ടി 10 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. 

വെളിച്ചെണ്ണ കറ്റാർവാഴ

പുരട്ടി 20 മിനിറ്റ് മസാജ് ചെയ്യാം. ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകാം. തലയോട്ടി സന്തുലിതമാക്കാൻ ഇത് ഏറെ ഗുണകരമാണ്. താരനും കുറയ്ക്കും.

വെളിച്ചെണ്ണ നാരങ്ങാ നീര്

കുറച്ച് നാരങ്ങാ നീരിലേയ്ക്ക് രണ്ട് ടേബിൾസ്പൂൺ വെളിച്ചെണ്ണ ചേർത്തിളക്കി യോജിപ്പിക്കാം. ശേഷം ഈ പാക്ക് തലയിൽ പുരട്ടാം. മുടി കൊഴിച്ചിൽ കുറയ്ക്കാൻ മികച്ചതാണ് ഈ ഹെയർ പാക്ക്.

വെളിച്ചെണ്ണ നെല്ലിക്ക

വെളിച്ചെണ്ണയിൽ അൽപ്പം നെല്ലിക്ക പൊടിച്ചത് ചേർത്തിളക്കി യോജിപ്പിക്കുക. ഉപയോഗിക്കുന്നതിനു മുമ്പ് ചെറുതായി ചൂടാക്കുക. അത് പുരട്ടി ഒരു മണിക്കൂർ വിശ്രമിക്കുക. ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയുക. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കാഴ്ചയിൽ ഏറെ ഭംഗിയുള്ള പല പൂക്കളും സൗന്ദര്യ പരിചരണത്തിനും ഉപയോഗിക്കാം, ഈ വിദ്യകൾ ഓർത്തോളൂ
• ഞൊടിയിടയിൽ ടാൻ അകറ്റാം, ഉറങ്ങുന്നതിനു മുമ്പ് ഈ ഫേയ്സ് പാക്ക് പുരട്ടൂ
• തിളക്കമുള്ള ചർമ്മം നേടാൻ കടലമാവ് ഇങ്ങനെ ഉപയോഗിക്കൂ
• കണ്ണിനു ചുറ്റും പാൽ പുരട്ടുന്നതിൻ്റെ ഗുണങ്ങൾ അറിയാമോ?
• രാത്രിയിൽ ഈ ജെൽ മുഖത്ത് പുരട്ടൂ, ഗ്ലാസ് സ്കിൻ നേടാം ദിവസങ്ങൾക്കുള്ളിൽ