പോക്കറ്റ് കാലിയാക്കാതെ പട്ടുപോലുള്ള ചർമ്മം നേടാം, ഇതൊരു തവണ ട്രൈ ചെയ്യൂ

പാലിൻ്റെ അത്ഭുതപ്പെടുത്തുന്ന ഗുണങ്ങൾ അറിയാവുന്നതാണ്. ചർമ്മ പരിചരണ ഉത്പന്നങ്ങളിൽ വ്യാപകമായി ഉപയോഗിക്കാറുള്ള ഒരു ചേരുവയാണത്. ചർമ്മ കോശങ്ങളുടെ പുനരുജ്ജീവനം, ഹൈഡ്രേഷൻ എന്നിങ്ങനെ നിരവധി സവിഷേതകളാണ് പാലിന് ഉള്ളത്. പാൽ അടങ്ങിയ ചർമ്മ സംരക്ഷണ ഉത്പന്നങ്ങൾ കടയിൽ നിന്നും വാങ്ങുന്നതിനും പകരം അത് വീട്ടിൽ തന്നെ സ്വയം തയ്യാറാക്കി ഉപയോഗിച്ചാലോ? പാർലറുകളിൽ ചെയ്യുന്ന മിൽക്ക് ഫേഷ്യൽ തന്നെ ട്രൈ ചെയ്യൂ. 

Also Read: മുഖത്ത് പുരട്ടാൻ കെമിക്കൽ ബ്ലീച്ച് ഇനി വേണ്ട; സൗന്ദര്യ രഹസ്യം നിങ്ങളുടെ അടുക്കളയിലുണ്ട്

പാലിൻ്റെ ചർമ്മ സംരക്ഷണ ഗുണങ്ങൾ

പാലിൽ ലാക്ടിക് ആസിഡ് അടങ്ങിയിട്ടുണ്ട്. ഇത് ചർമ്മം തിളക്കമുള്ളതാക്കുന്നതിന് ഏറെ പ്രയോജനപ്പെടും. 

മുഖക്കുരു

വിറ്റാമിൻ ഡിയുടെ സമ്പന്നമായ ഉറവിടമാണ് പാൽ. അത് മുഖക്കുരുവിൻ്റെ സാധ്യതകൾ കുറയ്ക്കുന്നതിന് ഗുണകരമാണ്. മുഖക്കുരുവിൻ അൽപം പാൽ പുരട്ടുന്നത് ഒരു താത്കാലിക ആശ്വാസമായിരിക്കും. 

പാൽ ഫേഷ്യൽ

ചേരുവകൾ

• പാൽ 
• ഗ്ലിസറിൻ

Also Read: കഴുത്തിനു ചുറ്റുമുള്ള കറുപ്പകറ്റാനുള്ള വിദ്യ അടുക്കളയിലുണ്ട്

ഉപയോഗിക്കേണ്ട വിധം

• രണ്ട് അല്ലെങ്കിൽ മൂന്ന് ടേബിൾസ്പൂൺ പച്ചപ്പാൽ ഒരു ബൗളിലെടുക്കാം.
• അതിലേയ്ക്ക് അര ടേബിൾസ്പൂൺ ഗ്ലിസറിൻ ചേർത്തിളക്കി യോജിപ്പിക്കാം.
• ഒരു പഞ്ഞി ഉപയോഗിച്ച് ഈ മിശ്രിതം മുഖത്തും ചുണ്ടിലും പുരട്ടാം.
• ശേഷം 20 മുതൽ 30 മിനിറ്റു വരെ വിശ്രമിക്കാം.
• മൃദുവായി മസാജ് ചെയ്ത് തണുത്ത വെള്ളത്തിൽ കഴുകി കളയാം.
• ആഴ്ചയിൽ രണ്ട് തവണ ഇങ്ങനെ ചെയ്യാം. 

Also Read: വാക്സിംഗിൻ്റെ വേദന മറക്കാം, മുഖത്തെ രോമം കളയാൻ ഇതിലും എളുപ്പത്തിൽ മറ്റൊരു വിദ്യയില്ല

ഇക്കാര്യങ്ങൾ ശ്രദ്ധിക്കാം

സെൻസിറ്റീവ് ചർമ്മമുള്ളവർ പാൽ നേരിട്ട് മുഖത്ത് പുരട്ടുന്നത് അലർജിക് പ്രശ്നങ്ങൾ ഉണ്ടാക്കുന്നതിന് കാരണമായേക്കും. ലാക്ടോസ് ഇൻ്റോളറൻസുള്ളവരും വിദഗ്ധാഭിപ്രായമില്ലാതെ ഇത് ഉപയോഗിക്കരുത്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ചർമ്മം കണ്ടാൽ പ്രായം തോന്നില്ല, ഇവ ഡയറ്റിൽ ഉൾപ്പെടുത്തൂ