ഓംബ്രേ പാന്റ്സ്യൂട്ടിൽ സ്റ്റൈലിഷായി ആലിയ ഭട്ട്, വില 3.15 ലക്ഷം

അഭിനയത്തിൽ മാത്രമല്ല, ഫാഷനിലും പുത്തൻ പരീക്ഷണങ്ങൾ നടത്തുന്ന നടിയാണ് ആലിയ ഭട്ട്. പൊതുപരിപാടികളിൽ പങ്കെടുക്കാൻ എത്തുമ്പോഴെല്ലാം വസ്ത്ധാരണത്തിലെ വ്യത്യസ്ത കൊണ്ട് ഫാഷൻ പ്രേമികളുടെ മനം കവരാറുണ്ട് താരം. പോച്ചർ വെബ് സീരീസിന്റെ ട്രെയിലർ ലോഞ്ചിലും പങ്കെടുക്കാൻ സ്റ്റൈലിഷ് ലുക്കിലാണ് നടി എത്തിയത്. സീരീസിന്റെ എക്സിക്യൂട്ടീവ് പ്രൊഡ്യൂസർ കൂടിയാണ് ആലിയ.

ഓംബ്രേ ഗ്രീൻ പാന്റ്സ്യൂട്ടിലാണ് താരം പരിപാടിക്ക് എത്തിയത്. ആഴത്തിലുള്ള വി ആകൃതിയിലുള്ള കോളർ നെക്ക്‌ലൈൻ, ഫുൾ സ്ലീവ്, പാഡഡ് ഷോൾഡറുകൾ, മെറ്റാലിക് ഗോൾഡ് ബട്ടണുകൾ എന്നിവയായിരുന്നു ആലിയയുടെ ബ്ലാസറിന്റെ പ്രത്യേകത. ആഡംബര ഫാഷൻ ബ്രാൻഡായ എലൈയ് സാബയുടെ കളക്ഷനിൽ നിന്നുള്ളതാണ് ആലിയയുടെ വസ്ത്രം. 2,725 ഡോളർ (ഏകദേശം 2.26 ലക്ഷം) ആണ് ആലിയ ധരിച്ച ബ്ലാസറുടെ വില. 1072 ഡോളർ, അതായത് ഏകദേശം 88 ലക്ഷമാണ് പാന്റ്സിന്റെ വില. 

View this post on Instagram

A post shared by Varinder Chawla (@varindertchawla)

ഇന്ത്യ കണ്ട ഏറ്റവും വലിയ ആനക്കൊമ്പ് വേട്ടയുടെ കഥ പറയുന്ന 'പോച്ചർ' ഒടിടി റിലീസിനൊരുങ്ങുകയാണ്. മലയാളി താരങ്ങളായ നിമിഷ സജയൻ, റോഷൻ മാത്യു, കനി കുസൃതി, അങ്കിത് മാധവ്, രഞ്ജിത മേനോൻ, മാല പാർവ്വതി എന്നിവർക്കൊപ്പം ദിബ്യേന്ദു ഭട്ടാചാര്യയും ശ്രദ്ധേയമായ മറ്റൊരു കഥാപാത്രത്തെ അവതരിപ്പിക്കുന്നുണ്ട്. 

കോടതി രേഖകളുടെയും സാക്ഷ്യപത്രങ്ങളുടെയും അടിസ്ഥാനത്തിൽ, കേരളത്തിലെ നിബിഡ വനങ്ങളിൽ നടന്ന സംഭവങ്ങളുടെ ചലച്ചിത്രാവിഷ്കാരമാണ് പോച്ചർ. ഇന്ത്യൻ ഫോറസ്റ്റ് ഓഫീസർമാർ, വൈൽഡ് ലൈഫ് ട്രസ്റ്റ് ഓഫ് ഇന്ത്യയിലെ എൻ ജി ഒ പ്രവർത്തകർ, പോലീസ് കോൺസ്റ്റബിൾമാർ എന്നു തുടങ്ങി ഇന്ത്യൻ ചരിത്രത്തിലെ ഏറ്റവും വലിയ ആനക്കൊമ്പ് വേട്ട സംഘത്തെക്കുറിച്ച് അന്വേഷിക്കാൻ ജീവൻ പണയപ്പെടുത്തിയവരുടെ ഓർമ പുതുക്കുകയാണ്  ഈ സീരീസ്. ഫെബ്രുവരി 23ന് ഇന്ത്യയിലും ലോകമെമ്പാടുമുള്ള 240-ലധികം രാജ്യങ്ങളിലുമായി ആമസോൺ പ്രൈം വീഡിയോ പോച്ചർ സ്ട്രീം ചെയ്യും. 

Read More

• ലെഹങ്ക സെറ്റിൽ സ്റ്റൈലിഷായി നമിത പ്രമോദ്, ചിത്രങ്ങൾ
• 'വാലന്റൈൻസ് ഡേ എനർജി'; റെഡ് ഗൗണിൽ ഗ്ലാമർ ലുക്കി ജാൻവി കപൂർ, ചിത്രങ്ങൾ
• അനാർക്കലിയിൽ ബ്യൂട്ടി ക്വീനായി ഭാമ
• സ്റ്റൈലിഷ് ലുക്കിൽ ഫാഷൻ പ്രേമികളുടെ മനം കവർന്ന് സോനം കപൂർ