അകാലനര അകറ്റാം, ഈ 7 ചേരുവകൾ ഉപയോഗിക്കൂ

തലമുടിയുടെ ആരോഗ്യവുമായി ബന്ധപ്പെട്ട കാര്യങ്ങളിൽ ഏറ്റവുമധികം പേടിസ്വപ്നമാകുന്നത് അകാല നരയാണ്. നന്നേ ചെറുപ്പത്തിൽ തന്നെ തലമുടി നരച്ചു തുടങ്ങുന്നത് ഒരാളുടെ ആത്മ വിശ്വാസത്തെ തന്നെ ബാധിച്ചേക്കാം. ഇതു മറച്ചു വെയ്ക്കാൻ മുടി കറുപ്പിക്കുന്നത് ശീലമാക്കുന്നവരും ഉണ്ട്.  

മുടി നരയ്ക്കുക എന്നത് പ്രായാധിക്യം മൂല നടക്കുന്ന ഒരു പ്രക്രിയയാണ്. ചർമ്മത്തിലെ രോമകൂപങ്ങളിൽ മെലാനിൻ എന്ന പിഗ്മെൻ്റ് അടങ്ങിയിട്ടുണ്ട്. പ്രായം ഏറി വരുമ്പോൾ ഇതിൻ്റെ അളവ് കുറയുകയും മുടിയുടെ സ്വഭാവികമായ നിറം മങ്ങിത്തുടങ്ങുകയും ചെയ്യും. നരച്ച മുടിക്ക് നിറം നൽകാൻ വീട്ടിൽ തന്നെ പരീക്ഷിക്കാവുന്ന ചില പ്രകൃതിദത്ത വിദ്യകളുണ്ട്.

ആയുർവേദ പ്രകാരമുള്ള പല സസ്യങ്ങളും മുടിക്ക് പ്രകൃതിദത്തമായ കറുപ്പ് നിറം നൽകുന്നതിനും നരച്ച മുടി മറയ്ക്കുന്നതിനും ഗുണകരമാകാറുണ്ട്. രാസവസ്തുക്കളിൽ നിന്നും ഇവ സംരക്ഷണം നൽകും. ആ സസ്യങ്ങൾ ഏതൊക്കെയെന്ന് അറിയാമോ?

ബ്ലാക് ടീ

ബ്ലാക് ടീയിൽ ടാനിൻസ് അടങ്ങിയിട്ടുണ്ട്. ഇത് നരച്ച മുടി മറയ്ക്കുന്നതിന് ഏറെ ഗുണപ്രദമാണ്. തേയില വെള്ളം തയ്യാറാക്കി തണുപ്പിച്ച് മുടിയിൽ സ്പ്രേ ചെയ്യാം അല്ലെങ്കിൽ തലമുടി കഴുകാൻ ഉപയോഗിക്കാം. 

റോസ്‌മേരി

രക്തചംക്രമണം മെച്ചപ്പെടുത്തുന്നതിനും മുടി വളർച്ചയ്ക്കും റോസ്‌മേരി സഹായിക്കും. റോസ്‌മേരി എണ്ണ ഡയല്യൂട്ട് ചെയ്ത് തലയോട്ടിയിലും മുടിയിലും പുരട്ടി മൃദുവായി മസാജ് ചെയ്യാം. 

ഹെന്ന

നരച്ച മുടി കറുപ്പിക്കാൻ ഏറ്റവും അധികം ഉപയോഗിക്കുന്ന ആയുർവേദ പരിഹാരമാണ് ഹെന്ന അഥവ മൈലാഞ്ചിയ മൈലാഞ്ചിയുടെ ഇല അരച്ചെടുക്കാം. അത് മുടിയിൽ പുരട്ടി ഒരു മണിക്കൂറിനു ശേഷം കഴുകി കളയാം. ചിത്രം

നെല്ലിക്ക

നെല്ലിക്ക കറുപ്പ് നിറം നൽകുന്നതിനും തിളക്കമുള്ള മുടിക്കും ഗുണകരമാണ്. മുടി കറുപ്പിക്കുന്നതിന് ആവശ്യമായ സവിശേഷതകൾ അതിനുണ്ട്. ഇത് അകാലനരയ്ക്ക് മികച്ച പ്രതിവിധിയാണ്. 

കർപ്പൂര തുളസി

കർപ്പൂര തുളസി ഉണക്കി പൊടിച്ചെടുക്കാം. അത് വെള്ളത്തിൽ ചേർത്തലിയിച്ച് തലമുടിയിൽ സ്പ്രേ ചെയ്തു നോക്കൂ.

ചെമ്പരത്തി

തലമുടിയെ ബാധിക്കുന്ന മിക്ക പ്രശ്നങ്ങൾക്കും പ്രകൃതിദത്തമായ പരിഹാരമാണ് ചെമ്പരത്തി. നാച്യുറൽ ഹെയർ കണ്ടീഷ്ണർ കൂടിയാണത്. ചെമ്പരത്തിയുടെ പൂവും ഇലയും മുടി പരിചരണത്തിന് ഉപയോഗിക്കാം. വെള്ളത്തിൽ കുതിർത്തു വച്ച ചെമ്പരത്തി ഇതളുകളിലേയ്ക്ക് വെളിച്ചെണ്ണ ഒഴിച്ച് അരച്ചെടുക്കാം. അത് മുടിയിൽ പുരട്ടി 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഈ ഫെയ്സ്പാക്കുകൾ പാൽ ഉപയോഗിച്ച് തയ്യാറാക്കൂ, കറുത്ത പാടുകൾ പമ്പ കടക്കും
• ചർമ്മം തിളങ്ങാൻ വെളിച്ചെണ്ണ ബാം, തയ്യാറാക്കി സൂക്ഷിക്കാം
• താരന് വിട പറയാം മുടി കൊഴിച്ചിൽ തടയാം, തുളസി എണ്ണ ഇങ്ങനെ ഉപയോഗിക്കൂ
• ചുണ്ടുകൾക്കും കരുതൽ വേണം, ഇവ കൈയ്യിലുണ്ടോ?