ഒന്നാം സമ്മാനം പത്തു കോടി; രണ്ടാം സമ്മാനം എല്ലാ സീരീസുകൾക്കും 50 ലക്ഷം; സമ്മർ ബമ്പർ വിപണിയിൽ

തിരുവനന്തപുരം: സംസ്ഥാന ഭാഗ്യക്കുറി വകുപ്പിൻ്റെ പുതിയ സമ്മർ ബമ്പർ ലോട്ടറി ടിക്കറ്റ് വിപണിയിലെത്തി. പത്തു കോടി രൂപയാണ് സമ്മർ ബമ്പറിന് ഒന്നാം സമ്മാനമായി നൽകുന്നത്. രണ്ടാം സമ്മാനമായി 50 ലക്ഷം രൂപ പൊതുവായി എല്ലാ സീരീസുകൾക്കും നൽകും. കഴിഞ്ഞ ദിവസം ധനമന്ത്രി കെ എൻ ബാലഗോപാലാണ് പുതിയ സമ്മർ ബമ്പർ ടിക്കറ്റ് പ്രകാശനം ചെയ്തത്.

250 രൂപ വിലയുള്ള ടിക്കറ്റിന് മൂന്നാം സമ്മാനമായി അഞ്ചു ലക്ഷം രൂപ ഓരോ പരമ്പരയിലും രണ്ടു വീതം ആകെ 60 ലക്ഷവും നൽകുന്നുണ്ട്. അവസാന അഞ്ചക്കത്തിന് നാലാം സമ്മാനമായി ഒരു ലക്ഷവും നൽകും. കൂടാതെc. ഏപ്രിൽ രണ്ടാം തീയതി രണ്ടു മണിയ്ക്കാണ് ഇത്തവണത്തെ സമ്മർ ബമ്പർ ഭാഗ്യക്കുറിയുടെ നറുക്കെടുപ്പ്.

അതേസമയം, ബുധനാഴ്ച നറുക്കെടുപ്പ് നടന്ന ക്രിസ്മസ് ബംപർ ഭാഗ്യക്കുറിയുടെ ഒന്നാം സമ്മാനം അടിച്ചത് കണ്ണൂർ ഇരിട്ടി സ്വദേശി സത്യനാണ്. ഒരു കെട്ട് ടിക്കറ്റാണ് സത്യൻ വാങ്ങിയത്. കണ്ണൂർ ചക്കരക്കലിലെ മുത്തു ലോട്ടറി ഏജൻസി വിറ്റ ടിക്കറ്റിനാണ് ബംപർ അടിച്ചത്. സത്യൻ വാങ്ങിയ XD 387132 എന്ന നമ്പരിനാണ് ഒന്നാം സമ്മാനമായ 20 കോടി ലഭിച്ചത്.

നറുക്കെടുപ്പിനു മണിക്കൂറുകൾക്ക് മുൻപും വില്പന കേന്ദ്രങ്ങളിലെല്ലാം വലിയ രീതിയിലുള്ള ബമ്പർ ടിക്കറ്റു വില്പനയാണ് നടന്നത്. 8,87,140 ടിക്കറ്റുകൾ വിറ്റ് പാലക്കാട് ജില്ല ടിക്കറ്റ് വില്പനയിൽ ഒന്നാമതെത്തി. 5, 33,200 ടിക്കറ്റുകൾ വിറ്റഴിച്ച് തിരുവനന്തപുരം ജില്ല രണ്ടാമതും 4,97,320 ടിക്കറ്റുകൾ വിറ്റ് തൃശൂർ ജില്ല നിലവിൽ മൂന്നാം സ്ഥാനത്തുമാണ്. മറ്റു ജില്ലകളിലും ടിക്കറ്റ് വിൽപന ഗണ്യമായി വർധിച്ചിരുന്നു.

Read More

• KeralaLottery Result: ഭാഗ്യവാനേ...ക്രിസ്മസ് ബംപർ ഇരിട്ടി സ്വദേശി സത്യന്
• Kerala Bumper Lottery: ക്രിസ്മസ്-ന്യൂഇയർ ബംപർ നറുക്കെടുപ്പ് ഫലം, ഒന്നാം സമ്മാനം കണ്ണൂരിൽ വിറ്റ ടിക്കറ്റിന്
• സർക്കാരിന് അടിച്ചത് മെഗാ ബംപർ;വിറ്റഴിച്ചത് 4765650 ടിക്കറ്റുകൾ,ഖജനാവിൽ എത്തിയത് കോടികൾ
• ജനപ്രിയമാകുമോ സംസ്ഥാന ബജറ്റ് ?
• രണ്ടാം പിണറായി സർക്കാരിന്റെ അവസാന സമ്പൂർണ ബജറ്റ് നാളെ