ചൂട് കുറയുമോ? സംസ്ഥാനത്ത് ഉഷ്ണതരംഗ മുന്നറിയിപ്പ് പിൻവലിച്ചു

തിരുവനന്തപുരം: കനത്ത ചൂടിൽ വെന്തുരുകുന്ന കേരളത്തിന് ആശ്വാസമേകിക്കൊണ്ട് ഉഷ്ണതരംഗത്തിനുള്ള സാധ്യതകൾ കുറയുന്നതായി കാലാവസ്ഥാ വകുപ്പ്. നിലവിലെ സാഹചര്യത്തിൽ ഉഷ്ണതരംഗത്തിനുള്ള സാധ്യതയില്ലെന്ന് വ്യക്തമാക്കിയ കാലാവസ്ഥാ വകുപ്പ് ഉഷ്ണതരംഗ മുന്നറിയിപ്പ് പിൻവലിച്ചു. അതേ സമയം സംസ്ഥാനത്താകെ ചൂടിന് നേരിയ ശമനമുണ്ടാകുമെങ്കിലും ചില ജില്ലകളിൽ ചൂടേറിയതും അസ്വസ്ഥതയേറിയതുമായ അന്തരീക്ഷ സ്ഥിതി തുടരുമെന്നും വകുപ്പ് മുന്നറിയിപ്പ് നൽകുന്നു. 

ചില ജില്ലകളിൽ സാധാരണയേക്കാൾ രണ്ട് മുതൽ നാല് ഡിഗ്രി സെൽഷ്യസ് വരെ ചൂട് ഉയരുമെന്നാണ് വകുപ്പിന്റെ അറിയിപ്പ്. തിങ്കളാഴ്ച വരെ മുന്നറിയിപ്പ് തുടരും. പാലക്കാട് 39 ഡിഗ്രി സെൽഷ്യസ് വരെയുള്ള ഉയർന്ന താപനിലയ്ക്ക് സാധ്യതയുണ്ട്. ആലപ്പുഴ, കോഴിക്കോട് ജില്ലകളിൽ ഇന്ന് രാത്രിയിലേക്കുള്ള താപനില മുന്നറിയിപ്പും കാലാവസ്ഥ വിദഗ്ധര്‍ നല്‍കിയിട്ടുണ്ട്.

അതേ സമയം കേരളത്തിന്റെ തീരപ്രദേശത്ത് കള്ളകടൽ പ്രതിഭാസം കാരണം പ്രഖ്യാപിച്ച റെഡ് അലര്‍ട്ട് ഓറഞ്ച് ആയി കുറച്ചു. കള്ളക്കടൽ പ്രതിഭാസത്തിന്റെ ഭാഗമായി കേരള തീരത്ത് തീരപ്രദേശത്തിന്റെ താഴ്ന്ന പ്രദേശങ്ങളിലും നാളെ (05-05-2024)  രാത്രി 11.30 വരെ 0.5 മുതൽ 1.5 മീറ്റർ വരെ അതി തീവ്രമായ തിരമാലകൾ കാരണം ശക്തിയേറിയ കടലാക്രമണത്തിന്  സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു. 

കള്ളക്കടൽ പ്രതിഭാസത്തിന്റെ ഭാഗമായി തെക്കൻ തമിഴ്‌നാട് തീരത്ത് തീരപ്രദേശത്തിന്റെ താഴ്ന്ന പ്രദേശങ്ങളിലും നാളെ (05-05-2024)  രാത്രി 11.30 വരെ 0.5 മുതൽ 1.8 മീറ്റർ വരെ അതി തീവ്ര തിരമാലകൾ കാരണം ശക്തിയേറിയ കടലാക്രമണത്തിന്  സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചിട്ടുണ്ട്. കടലാക്രമണത്തിന് സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിയ്ക്കണമെന്നും നിർദ്ദേശമുണ്ട്. 

Read More

• ഡ്രൈവിങ് ടെസ്റ്റ് പരിഷ്കരണം; പുതുക്കിയ മാർഗനിർദ്ദേശങ്ങൾ ഇവയാണ്
• കൊച്ചിയിൽ നവജാത ശിശുവിന്റെ മൃതദേഹം നടുറോഡിൽ, മൂന്നുപേർ കസ്റ്റഡിയിൽ
• മേയര്‍ ആര്യാ രാജേന്ദ്രനെതിരായ സൈബര്‍ ആക്രമണത്തില്‍ ഒരാള്‍ പിടിയില്‍
• മേയര്‍-കെഎസ്ആര്‍ടിസി ഡ്രൈവര്‍ തർക്കം: യദുവിന്റെ പരാതിയിൽ അന്വേഷണത്തിന് ഉത്തരവിട്ട് മനുഷ്യാവകാശ കമ്മീഷൻ
• സംസ്ഥാനത്ത് ലോഡ് ഷെഡ്ഡിങ്? നിർണ്ണായക തീരുമാനവുമായി സർക്കാർ