കേരള ഗവർണറായി രാജേന്ദ്ര വിശ്വനാഥ് അർലേകർ സത്യപ്രതിജ്ഞ ചെയ്തു

തിരുവനന്തപുരം: കേരള ഗവർണറായി രാജേന്ദ്ര വിശ്വനാഥ് അർലേകർ സത്യപ്രതിജ്ഞ ചെയ്തു. രാജ്ഭവനിൽ നടന്ന ചടങ്ങിൽ ചീഫ് ജസ്റ്റിസ് നിതിൻ മധുകർ ജാംദാർ സത്യവാചകം ചൊല്ലിക്കൊടുത്തു. ഇന്നലെ വൈകിട്ട് തിരുവനന്തപുരം വിമാനത്താവളത്തിലെത്തിയ രാജേന്ദ്ര അർലേക്കറെ മുഖ്യമന്ത്രി പിണറായി വിജയൻ, സ്പീക്കർ എ.എൻ.ഷംസീർ, മന്ത്രിമാർ തുടങ്ങിയവർ ചേർന്ന് സ്വീകരിച്ചു. രാജേന്ദ്ര വിശ്വനാഥ് അർലേക്കർക്കൊപ്പം ഭാര്യ അനഘ അർലേക്കറും ഉണ്ടായിരുന്നു.

ബിഹാറിൽ നിന്നാണ് രാജേന്ദ്ര അർലേക്കറെ കേരള ഗവർണറായി മാറ്റി നിയമിച്ചത്. ആർഎസ്എസിലൂടെ വളർന്നു വന്ന നേതാവാണ് ഗോവ സ്വദേശിയായ 70 കാരൻ രാജേന്ദ്ര വിശ്വനാഥ് അർലേകർ.  ദീർഘകാലം ആർഎസ്എസ് ചുമതലകൾ വഹിച്ച ശേഷം 1989ലാണ് അർലേകർ ബിജെപിയിൽ അംഗത്വമെടുക്കുന്നത്. ഗോവയിൽ സ്പീക്കർ, മന്ത്രി എന്നീ നിലകളിൽ തിളങ്ങിയിരുന്നു. അർലേകർ സ്പീക്കറായിരുന്ന വേളയിലാണ് രാജ്യത്തെ ആദ്യ കടലാസ് രഹിത നിയമസഭയായി ഗോവ മാറിയത്.

അതേസമയം, ചുമതലയേറ്റ് രണ്ടാഴ്ച കഴിയുമ്പോഴേക്കും ഗവർണർ നയപ്രഖ്യാപന പ്രസംഗം നടത്തും. 17ന് ഗവർണറുടെ നയപ്രഖ്യാപന പ്രസംഗത്തോടെയാണ് അടുത്ത നിയമസഭാ സമ്മേളനം ആരംഭിക്കുക. 23 ന് സമ്മേളനം പിരിയും. 

Read More

• ഉമ തോമസിന്റെ ആരോഗ്യ നിലയിൽ പുരോഗതിയെന്ന് മെഡിക്കൽ സംഘം
• ഹോർത്തൂസ് മലബാറിക്കൂസിന് പുനർജന്മമേകിയ ഡോ കെ.എസ്.മണിലാലിന് വിട
• പഞ്ചായത്ത് സേവനം ഓൺലൈൻ വഴി മാത്രം...അറിയാം 2025-ലെ പ്രധാനമാറ്റങ്ങൾ
• യാത്രക്കാരുടെ ശ്രദ്ധയ്ക്ക്...ഇന്ന് മുതൽ ഈ ട്രെയിനുകളുടെ സമയത്തിൽ മാറ്റം