Kerala Rain: മഴ മുന്നറിയിപ്പിൽ മാറ്റം; വരുന്ന നാല് ദിവസം അതിശക്ത മഴ, ഡാമുകൾ തുറന്നു

Kerala Rains Updates: സംസ്ഥാനത്ത് വീണ്ടും മഴ കനക്കുന്നു. തെക്കു പടിഞ്ഞാറൻ കാറ്റ് വീണ്ടും സജീവമാകുന്നതിനൊപ്പം ന്യൂനമർദവും ചക്രവാതച്ചുഴിയും കൂടിയുള്ളതിനാല്‍ കേരളത്തിൽ അടുത്ത നാലു ദിവസം ശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രം പ്രവചിച്ചിരിക്കുന്നത്. വിവിധ ജില്ലകളില്‍ ഓറഞ്ച്, യെല്ലോ അലർട്ടുകള്‍ പ്രഖ്യാപിച്ചിട്ടുണ്ട്.

Also Read: സംസ്ഥാനത്തെ അതിതീവ്രമഴ; മുന്നറിയിപ്പുമായി കെ.എസ്.ഇ.ബി.

അടുത്ത മൂന്ന് മണിക്കൂറിൽ തിരുവനന്തപുരം, തൃശൂർ, പാലക്കാട്, മലപ്പുറം, കോഴിക്കോട് ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴക്ക് സാധ്യതയെന്നാണ് കാലാവസ്ഥ നിരീക്ഷണ കേന്ദ്രം നല്‍കുന്ന വിവരം. മറ്റെല്ലാ ജില്ലകളിലും ഒറ്റപ്പെട്ടയിടങ്ങളിൽ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.

Also Read:സംസ്ഥാനത്ത് അഞ്ചു ദിവസത്തേക്ക് മഴ കനക്കും; രണ്ടു ജില്ലകളില്‍ ഓറഞ്ച് അലര്‍ട്ട്; ഏഴിടത്ത് യെല്ലോ; മത്സ്യബന്ധനത്തിനു വിലക്ക്

ഇന്ന് കണ്ണൂർ, കാസർകോട് ജില്ലകളിലാണ് ഓറഞ്ച് അലർട്ട് പ്രഖ്യാപിച്ചിട്ടുള്ളത്. നാളെയും ഈ രണ്ട് ജില്ലകളില്‍ ഓറഞ്ച് അലർട്ട് തന്നെയാണ് നിലനില്‍ക്കുന്നത്. എന്നാല്‍ ഓഗസ്റ്റ് 19ന് കാസർകോട് മാത്രമാണ് ഓറഞ്ച് അലർട്ടുള്ളത്. 

ഇന്ന് വയനാട്, കോഴിക്കോട്, മലപ്പുറം, പാലക്കാട്, തൃശൂർ, എറണാകുളം, ഇടുക്കി ജില്ലകളിലാണ് യെല്ലോ അലർട്ടുള്ളത്. നാളെ വയനാട്, കോഴിക്കോട്, മലപ്പുറം ജില്ലകളില്‍ യെല്ലോ അലർട്ട് പ്രഖ്യാപിച്ചിട്ടുണ്ട്. ഓഗസ്റ്റ് 19ന് കണ്ണൂർ, കോഴിക്കോട് ജില്ലകളിലാണ് യെല്ലോ അലർട്ടുള്ളത്. അതേസമയം ഓഗസ്റ്റ് 20ന് കാസർകോട്, കണ്ണൂർ ജില്ലകളില്‍ യെല്ലോ അലർട്ട് പ്രഖ്യാപിച്ചിട്ടുണ്ട്.

Also Read:നല്ലതിനു വേണ്ടിയുള്ള മാറ്റം സ്വീകാര്യം; 'അമ്മ'യിലേക്ക് എല്ലാവരെയും തിരിച്ചുകൊണ്ടുവരണമെന്ന് ആസിഫ് അലി

കനത്തമഴയുടെ പശ്ചാത്തലത്തിൽ വയനാട് ബാണാസുര സാഗർ അണക്കെട്ടിന്റെ സ്പിൽവേ ഷട്ടറുകൾ തുറന്നു. കനത്ത മഴയുടെ പശ്ചാത്തലത്തിൽ പത്തനംതിട്ടയിലെ കക്കി ഡാം, എറണാകുളത്തെ ഭൂതത്താൻകെട്ട്, തൃശൂരിലെ പീച്ചി എന്നീ ഡാമുകളുടെ ഷട്ടറുകൾ ഇന്നലെ തുറന്നിരുന്നു. കക്കി ഡാമിൻറെ രണ്ട് ഷട്ടറുകളാണ് ഇന്നലെ തുറന്നത്. ഞായറാഴ്ച കേരള കർണാടക ലക്ഷദ്വീപ് തീരങ്ങളിൽ മത്സ്യബന്ധനത്തിന് വിലക്കുണ്ട്.

Read More: കളള കര്‍ക്കിടകത്തിന് വിട; ഇന്ന് ചിങ്ങം ഒന്ന്