PM Narendra Modi Guruvayur Visit: നിപ പ്രതിരോധത്തില്‍ കേരളത്തിനൊപ്പം നില്‍ക്കും: നരേന്ദ്ര മോദി

പ്രധാനമന്ത്രി പ്രസംഗം അവസാനിപ്പിച്ചു. 

നിപ രോഗബാധയെ പ്രതിരോധിക്കാൻ സംസ്ഥാന സർക്കാരിനൊപ്പം നിൽക്കുമെന്ന് പ്രധാനമന്ത്രി നരേന്ദ്ര മോദി. സംസ്ഥാന സർക്കാരിനൊപ്പം നിൽക്കാൻ കേന്ദ്രം പ്രതിജ്ഞാബദ്ധമാണ്. നിപയെ കുറിച്ച് ആശങ്കപ്പെടേണ്ട. പ്രതിരോധത്തിൽ കേരളത്തിനൊപ്പമുണ്ട്. എല്ലാ സഹായവും കേന്ദ്രം ഉറപ്പ് നൽകുമെന്നും നരേന്ദ്ര മോദി പറഞ്ഞു. 

മൃഗസംരക്ഷണത്തിന് പ്രാധാന്യം നൽകി ഗ്രാമീണ മേഖലയെ ശക്തിപ്പെടുത്താനുള്ള പദ്ധതികളാണ് ആവിഷ്കരിക്കുന്നതെന്ന് നരേന്ദ്ര മോദി. 

PM Modi: BJP workers are on the ground not only for electoral politics but they serve people 365 days a yr. We have not come in politics only to form a govt but we are here to build the nation, we have come for the 'tapasya' to see that India gets its rightful place in the world. pic.twitter.com/jp9gX5r7Ci

— ANI (@ANI) June 8, 2019

ബിജെപി രാഷ്ട്ര സേവനത്തിനാണ് മുൻഗണന നൽകുന്നതെന്ന് പ്രധാനമന്ത്രി നരേന്ദ്ര മോദി. ബിജെപിക്ക് വോട്ട് ചെയ്യാത്തവരെയും ഒരുപോലെ കാണുന്ന, പരിഗണിക്കുന്ന സർക്കാരാണിതെന്നും നരേന്ദ്ര മോദി. 

ബിജെപി അക്കൗണ്ട് തുറക്കാത്ത കേരളത്തിലേക്ക് എന്തിനാണ് മോദി നന്ദി പറയാന്‍ പോകുന്നത് എന്നാണ് ചിലര്‍ ചിന്തിക്കുന്നത്. എന്നാല്‍, ബിജെപിയുടെ സംസ്‌കാരം ഇതാണ്. ബിജെപി ചിന്തിക്കുന്നതും ഇതാണ്.

നവഭാരതത്തിന് വേണ്ടിയാണ് പ്രവർത്തിക്കുന്നതെന്ന് പ്രധാനമന്ത്രി നരേന്ദ്ര മോദി. 

തിരഞ്ഞെടുപ്പിൽ ബിജെപിക്കായി പ്രവർത്തിച്ച എല്ലാ പ്രവർത്തകർക്കും മോദി അഭിനന്ദനം അറിയിച്ചു. 

തിരഞ്ഞെടുപ്പിൽ ബിജെപിക്ക് വോട്ട് ചെയ്ത എല്ലാവർക്കും നന്ദി രേഖപ്പെടുത്തുന്നതായി നരേന്ദ്ര മോദി. 

Speaking in Guruvayur. Watch. https://t.co/evfCpP7Tht

— Narendra Modi (@narendramodi) June 8, 2019

'പ്രിയപ്പെട്ട സഹോദരി സഹോദരൻമാരെ, എല്ലാവർക്കും എന്റെ നമസ്കാരം...'മലയാളത്തിലാണ് പ്രധാനമന്ത്രി ജനങ്ങളെ അഭിസംബോധന ചെയ്തത്. 

പ്രധാനമന്ത്രി നരേന്ദ്ര മോദി ഗുരുവായൂർ ശ്രീകൃഷ്ണ സ്കൂൾ മെെതാനത്ത് നടക്കുന്ന 'അഭിനന്ദൻ സഭ'യിൽ സംസാരിക്കാൻ ആരംഭിച്ചു. 

ശ്രീകൃഷ്ണ സ്കൂളിൽ നടക്കുന്ന പൊതുയോഗത്തിൽ പങ്കെടുക്കാൻ നരേന്ദ്ര മോദി എത്തി. ബിജെപി സംസ്ഥാന അധ്യക്ഷൻ പി.എസ്.ശ്രീധരൻ പിള്ള പൊന്നാട അണിയിച്ച് നരേന്ദ്ര മോദിയെ സ്വാഗതം ചെയ്തു. 

പ്രധാനമന്ത്രിയായി രണ്ടാമതും ചുമതലയേറ്റ ശേഷമുള്ള നരേന്ദ്ര മോദിയുടെ ആദ്യ പൊതുസമ്മേളനമാണ് ഗുരുവായൂർ ശ്രീകൃഷ്ണ സ്കൂൾ മെെതാനത്ത് നടക്കാൻ പോകുന്നത്. നാല് നിയമസഭാ മണ്ഡലങ്ങളിലെ അംഗങ്ങളാണ് പൊതുപരിപാടിയിൽ പങ്കെടുക്കുക. 

ബിജെപി സംഘടിപ്പിക്കുന്ന 'അഭിനന്ദൻ സഭ'യിൽ പങ്കെടുക്കാൻ പ്രധാനമന്ത്രി നരേന്ദ്ര മോദി ശ്രീവത്സം റസ്റ്റ് ഹൗസിൽ നിന്ന് പുറപ്പെട്ടു. 

ഗുരുവായൂർ ക്ഷേത്ര ദർശനത്തിന് ശേഷം പ്രധാനമന്ത്രി നരേന്ദ്ര മോദി ശ്രീവത്സം റസ്റ്റ് ഹൗസിലേക്ക്  പോയി. അവിടെ വച്ച് ഗുരുവായൂർ ദേവസ്വം പ്രതിനിധികളുമായി പ്രധാനമന്ത്രി കൂടിക്കാഴ്ച നടത്തി. 

Kerala: Prime Minister Narendra Modi offers prayers at Sri Krishna Temple in Guruvayur of Thrissur. pic.twitter.com/nJIH2tDW3f

— ANI (@ANI) June 8, 2019

#WATCH Kerala: Prime Minister Narendra Modi offers prayers at Sri Krishna Temple in Guruvayur of Thrissur. pic.twitter.com/HB98hDQAFk

— ANI (@ANI) June 8, 2019

Kerala: Prime Minister Narendra Modi at Sri Krishna Temple in Guruvayur of Thrissur. pic.twitter.com/hSH2UbMGIy

— ANI (@ANI) June 8, 2019

ഗുരുവായൂർ ക്ഷേത്ര ദർശനത്തിനെത്തിയ പ്രധാനമന്ത്രി നരേന്ദ്ര മോദി താമരപ്പൂക്കൾ കൊണ്ട് തുലാഭാരം നടത്തി. വിവിധ വഴിപാടുകളും നടത്തി. കദളിക്കുലയും മഞ്ഞപ്പട്ടും നെയ്യും നരേന്ദ്ര മോദി സമർപ്പിക്കും. 

പ്രധാനമന്ത്രി നരേന്ദ്ര മോദി ക്ഷേത്ര ദർശനം ആരംഭിച്ചു. പ്രധാന പൂജാരിയുടെ കാർമികതത്വത്തിൽ വഴിപാടുകൾ ആരംഭിച്ചു. ഒരു മണിക്കൂർ നേരം പ്രധാനമന്ത്രി നരേന്ദ്ര മോദി ക്ഷേത്രത്തിനകത്ത് ചിലവഴിക്കും. 

പ്രധാനമന്ത്രി നരേന്ദ്ര മോദി ദർശനത്തിനായി ക്ഷേത്രത്തിനകത്ത് പ്രവേശിച്ചു. പൂർണ കുംഭം നൽകി നരേന്ദ്ര മോദി സ്വീകരിച്ചു. ക്ഷേത്ര ദർശനത്തിനെത്തിയ ഭക്തർക്ക് നിയന്ത്രണം ഏർപ്പെടുത്തിയിട്ടുണ്ട്. 

ഗുരുവായൂർ ക്ഷേത്ര ദർശനത്തിന് മുണ്ട് ധരിച്ചാണ് പ്രധാനമന്ത്രി നരേന്ദ്ര മോദി ഗുരുവായൂർ ശ്രീകൃഷ്ണ കോളജ് മെെതാനത്ത് ഹെലികോപ്റ്ററിറങ്ങിയത്. ഗവർണർ പി.സദാശിവവും ദേവസ്വം മന്ത്രി കടകംപള്ളി സുരേന്ദ്രനും കേന്ദ്ര മന്ത്രി വി.മുരളീധരനും മോദിക്കൊപ്പമുണ്ട്. ഷർട്ട് ധരിക്കാതെ വേഷ്ടി ചുറ്റി വേണം ക്ഷേത്രത്തിനകത്ത് പ്രവേശിക്കാൻ. 

പ്രധാനമന്ത്രി നരേന്ദ്ര മോദി ഗുരുവായൂരിലെത്തി. 9.50 ഓടെയാണ് മോദി ശ്രീകൃഷ്ണ കോളജിൽ ഹെലികോപ്റ്റർ ഇറങ്ങിയത്. പ്രാദേശിക നേതാക്കൾ അടക്കം നരേന്ദ്ര മോദിയെ സ്വീകരിക്കാൻ ശ്രീകൃഷ്ണ കോളജിലെത്തി. ശ്രീവത്സത്തിലേക്കാണ് മോദി ആദ്യം പോകുക. അവിടെ വിശ്രമിച്ച ശേഷമായിരിക്കും ക്ഷേത്ര ദർശനത്തിന് എത്തുക. ഒരു മണിക്കൂറോളം മോദി ക്ഷേത്ര ദർശനം നടത്തും. 

നാവിക ആസ്ഥാനത്തു നിന്ന് പ്രധാനമന്ത്രി നരേന്ദ്ര മോദിയുടെ ഹെലികോപ്റ്റർ ഗുരുവായൂരിലേക്ക് പുറപ്പെട്ടു. 9.45 ഓടെ ഹെലികോപ്റ്റർ ഗുരുവായൂർ ശ്രീകൃഷ്ണ കോളജിലെത്തും. 

പ്രധാനമന്ത്രി നരേന്ദ്ര മോദി ഗുരുവായൂർ ക്ഷേത്രത്തിൽ തുലാഭാരം നടത്തും. ഏകദേശം 40,000 രൂപയുടെ വഴിപാട് ചീട്ടുകൾ തയ്യാറാക്കിയിട്ടുണ്ട്. Read More

ഗുരുവായൂർ ക്ഷേത്ര ദർശനത്തിനെത്തുന്ന നാലാമത്തെ പ്രധാനമന്ത്രിയാണ് നരേന്ദ്ര മോദി. ഇന്ദിരാ ഗാന്ധി, രാജീവ് ഗാന്ധി, പി.വി നരസിംഹ റാവു എന്നിവർ പ്രധാനമന്ത്രിമാരായിരിക്കെ ഗുരുവായൂർ ക്ഷേത്രത്തിൽ ദർശനം നടത്തിയിട്ടുണ്ട്. 

റോഡ് മാർഗം പ്രധാനമന്ത്രി നരേന്ദ്ര മോദി നേവൽ ബേസിലെത്തി. ഇവിടെ നിന്ന് ഹെലികോപ്റ്റർ മാർഗം ഗുരുവായൂരിലേക്ക് പുറപ്പെടും

ഗുരുവായൂർ ക്ഷേത്ര ദർശനത്തിനായി നരേന്ദ്ര മോദി തൃശൂരിലേക്ക് പുറപ്പെട്ടു. കൊച്ചിയിലെ ഗസ്റ്റ് ഹൗസില്‍ നിന്ന് റോഡ് മാർഗം നേവൽ ബേസിലേക്കാണ് മോദി പുറപ്പെട്ടിരിക്കുന്നത്.നേവൽ ബേസിൽ നിന്ന് ഹെലികോപ്റ്റർ മാർഗം മോദി തൃശൂരിലെത്തും. 

12.40ന് ​ഹെ​ലി​കോ​പ്ട​റി​ൽ കൊ​ച്ചി രാ​ജ്യാ​ന്ത​ര വി​മാ​ന​ത്താ​വ​ള​ത്തി​ലെ​ത്തു​ന്ന പ്ര​ധാ​ന​മ​ന്ത്രി 1.55 വ​രെ എ​യ​ർ​പോ​ർ​ട് ലോ​ഞ്ചി​ൽ വി​ശ്ര​മി​ക്കും. അ​തി​ന് ശേ​ഷം ഡ​ല്‍​ഹി​ക്കു മ​ട​ങ്ങും. ര​ണ്ടാ​മ​താ​യി പ്ര​ധാ​ന​മ​ന്ത്രി​യാ​യി ചു​മ​ത​ല​യേ​റ്റ ശേ​ഷ​മു​ള്ള മോ​ദി​യു​ടെ ആ​ദ്യ പൊ​തു​പ​രി​പാ​ടി​യാ​ണ് ഗു​രു​വാ​യൂ​രി​ലേ​ത്.

ഗുരുവായൂര്‍ ക്ഷേത്ര ദര്‍ശനത്തിന് ശേഷം മോദി പൊതുയോഗത്തില്‍ പങ്കെടുക്കും. പ്രധാനമന്ത്രിയായി വീണ്ടും തിരഞ്ഞെടുക്കപ്പെട്ട ശേഷമുള്ള മോദിയുടെ ആദ്യ പൊതുസമ്മേളനം കൂടിയാണ് ഗുരുവായൂരില്‍ നടക്കാന്‍ പോകുന്നത്. ഗുരുവായൂര്‍ ശ്രീകൃഷ്ണ ഹയര്‍ സെക്കന്‍ഡറി സ്‌കൂള്‍ മൈതാനത്താണ് പൊതുയോഗം നടക്കുക. ക്ഷേത്ര ദര്‍ശനത്തിന് ശേഷമായിരിക്കും പൊതുയോഗം. മികച്ച വിജയം നേടി രണ്ടാമതും പ്രധാനമന്ത്രിയായ ശേഷമുള്ള പൊതുയോഗം ആയതിനാല്‍ ‘അഭിനന്ദന്‍ സഭ’ എന്നാണ് യോഗത്തിന് ബിജെപി പേര് നല്‍കിയിരിക്കുന്നത്. ഗുരുവായൂര്‍, മണലൂര്‍, കുന്ദംകുളം, നാട്ടിക നിയോജക മണ്ഡലങ്ങളിലെ പ്രവര്‍ത്തകരെയാണ് മോദി യോഗത്തിൽ അഭിസംബോധന ചെയ്യുക.

രണ്ടാമത് പ്രധാനമന്ത്രിയായി അധികാരമേറ്റ ശേഷം മോദി ആദ്യമായാണ് കേരളത്തിലെത്തുന്നത്. പ്രധാനമന്ത്രി സ്ഥാനത്തെത്തിയ ശേഷം മോദിയുടെ ആദ്യ ഗുരുവായൂർ ക്ഷേത്ര ദർശനം കൂടിയാണ് ഇത്. രണ്ടാമതും ഗുജറാത്ത് മുഖ്യമന്ത്രിയായ ശേഷം 2008 ലാണ് മോദി ആദ്യമായി ഗുരുവായൂർ ക്ഷേത്ര ദർശനം നടത്തിയത്. അന്ന് താമരപ്പൂക്കൾ കൊണ്ട് തുലാഭാരവും നടത്തി.