ഓര്‍ത്തഡോക്സ്- യാക്കോബായ തര്‍ക്കം: പള്ളികള്‍ സര്‍ക്കാര്‍ ഏറ്റെടുക്കേണ്ടെന്ന് സുപ്രീം കോടതി

ഡൽഹി: ഓർത്തഡോക്‌സ് - യാക്കോബായ തർക്കം നിലനിൽക്കുന്ന ആറ് പള്ളികൾ കളക്ടർക്ക് എറ്റെടുക്കാമെന്ന് ഹൈക്കോടതി ഉത്തരവ് റദ്ദാക്കി സുപ്രീം കോടതി. പള്ളികള്‍ ഓര്‍ത്തഡോക്സ് സഭയ്ക്ക് കൈമാറാനുള്ള സുപ്രീംകോടതി വിധി നടപ്പാക്കാനുള്ള  പ്രയോഗിക വഴികൾ ഹൈക്കോടതി കണ്ടെത്തണമെന്നും സുപ്രീംകോടതി വ്യക്തമാക്കി.  

കോടതിയലക്ഷ്യ ഹർജികളിൽ തീരുമാനം എടുക്കാൻ ഹൈക്കോടതി ഡിവിഷൻ ബെഞ്ചിനോട് സുപ്രീം കോടതി ആവശ്യപ്പെട്ടു. തർക്കത്തിൽ സുപ്രീം കോടതിയുടെ മുൻ വിധികളുടെ യഥാർത്ഥ ഫലം കണ്ടെത്തേണ്ടതുണ്ടെന്നും തീരുമാനങ്ങൾക്ക് വിധേയരായ കക്ഷികൾ ആരാണെന്ന് കണ്ടെത്തേണ്ടതുണ്ടെന്നും ബെഞ്ച് നിരീക്ഷിച്ചു.

ആരാധനാലയങ്ങളിലെ പൊലീസ് ഇടപെടലിൽ ബെഞ്ച് ആശങ്ക പങ്കുവെച്ചു. തർക്കവുമായി ബന്ധപ്പെട്ട കോടതിയലക്ഷ്യ ഹർജികൾ ഹൈക്കോടതി പുനഃപരിശോധിക്കേണ്ടതിൻ്റെ ആവശ്യകത ജസ്റ്റിസ് സൂര്യകാന്ത്, ജസ്റ്റിസ് എൻ കോടീശ്വർ സിങ് എന്നിവരടങ്ങുന്ന ബെഞ്ച് വ്യക്തമാക്കി.

പാലക്കാട്, എറണാകുളം ജില്ലയിലെ ആറ് പള്ളികൾ ഏറ്റെടുത്ത് ഓർത്തഡോക്സ് സഭയ്ക്ക് നൽകണമെന്ന് ഉത്തരവ് പോലീസ് നടപ്പിലാക്കത്തതിനെ തുടർന്നാണ് പള്ളികൾ കളക്ടർമാർ ഏറ്റെടുക്കാൻ ഹൈക്കോടതി സിംഗിൾ ബെഞ്ച് ഉത്തരവിട്ടത്. പുളിന്താനം, ഓടക്കാലി, മഴുവന്നൂർ ,ചെറുകുന്നം, മംഗലംഡാം, എരുക്കിൻചിറ പള്ളികൾ ഏറ്റെടുക്കാനായിരുന്നു നിർദേശം.

Read More

• കേന്ദ്ര ബജറ്റ്; ട്രാക്കിലാകുമോ കേരളത്തിന്റെ റെയിൽ പ്രതീക്ഷകൾ ?
• സംസ്ഥാനത്ത് ബസുകളിൽ ഇനി ക്യാമറ നിർബന്ധം
• GoldRate: എന്റെ പൊന്നേ... സർവ്വകാല റെക്കോർഡിൽ സ്വർണവില
• കൊച്ചിയിൽ വീടിനുള്ളിൽ അവശനിലയിൽ പെൺകുട്ടി; കഴുത്തിൽ ഷാൾ മുറുകിയ നിലയിൽ
• ഇന്ന് ചൂട് കൂടും; 11 മണി മുതൽ മൂന്ന് ഡിഗ്രി വരെ അധിക താപനില
• നെൻമാറ ഇരട്ടകൊലപാതകം; ചെന്താമരയെ ഇന്ന് കോടതിയിൽ ഹാജരാക്കും: പോലീസ് സ്‌റ്റേഷനിൽ നാടകീയ സംഭവങ്ങൾ