'നല്ല വിധിയാണ്, സ്വാഗതം ചെയ്യുന്നു'; ടി.പി. കൊലക്കേസിൽ  സുപ്രീം കോടതിലേക്ക് പോകുമെന്ന് കെ.കെ. രമ

കൊച്ചി: ടി.പി. കൊലക്കേസിൽ അപ്പീലുമായി സുപ്രീം കോടതിലേക്ക് പോകുമെന്ന് കെ.കെ. രമ. ഹൈക്കോടതി വിധി പറഞ്ഞ ശേഷം നിറഞ്ഞ ചിരിയോടെയാണ് കെ.കെ. രമ മാധ്യമങ്ങളുടെ മുന്നിലെത്തിയത്.

"നല്ല വിധിയാണ്, സ്വാഗതം ചെയ്യുകയാണ്. ഗൂഢാലോചന ചുമത്തി ശിക്ഷ വിധിച്ചിരിക്കുകയാണ്. ആരെയും കൊല്ലാൻ പാടില്ലെന്ന സന്ദേശം തന്നെയാണ് ഈ കോടതി വിധിയുടെ സന്ദേശം. ഇനിയും മേൽക്കോടതിയിലേക്ക് തന്നെ പോകും. ഒരു പരിധി വരെ മാത്രമാണ് ഗൂഢാലോചന തെളിഞ്ഞത്. വലിയൊരു ഗൂഢാലോചന ഉണ്ടെന്ന കാര്യത്തിൽ ഇനിയും അന്വേഷണം നടക്കേണ്ടതുണ്ട്. പ്രതികൾക്ക് കൂടുതൽ കടുത്ത ശിക്ഷ ലഭിക്കാനായി മേൽക്കോടതിയിലേക്ക് അപ്പീൽ പോകും," കെ.കെ. രമ പറഞ്ഞു.

കീഴ്ക്കോടതി നൽകിയ ശിക്ഷയേക്കാൾ വലിയ ശിക്ഷയാണ് ഹൈക്കോടതി നൽകിയിരിക്കുന്നതെന്ന് പ്രോസിക്യൂഷൻ അഭിഭാഷകൻ ചൂണ്ടിക്കാട്ടി. 120 ബി പ്രകാരം ഗൂഢാലോചനയ്ക്ക് കൂടി പ്രതികൾക്ക് ശിക്ഷ ലഭിക്കും. കൊലപാതകത്തിനൊപ്പം ഗൂഢാലോചനയ്ക്ക് കൂടി ശിക്ഷ വിധിച്ചിട്ടുണ്ടെന്നും അദ്ദേഹം ചൂണ്ടിക്കാട്ടി.

കേരളത്തിലെ രാഷ്ട്രീയ കൊലപാതകങ്ങളുടെ അടിവേരറുക്കുന്ന വിധിയാണിതെന്ന് രമയുടെ അഭിഭാഷകർ ചൂണ്ടിക്കാട്ടി. സിപിഎമ്മിന്റെ നേതൃത്വം ഈ കേസിൽ ഹൈക്കോടതി വരെ വളരെ സജീവമായിരുന്നു. അവർക്കുള്ള തിരിച്ചടിയാണ് ഈ വിധി. ഭാവി കേരളത്തിലെ രാഷ്ട്രീയ നേതൃത്വത്തിന് ഈ വിധിയൊരു മുതൽക്കൂട്ടാണെന്നും അഭിഭാഷകർ കൂട്ടിച്ചേർത്തു. കേസിൽ അപ്പീൽ പോകുമെന്നും അവർ വ്യക്തമാക്കി.

Read More

• പ്രധാനമന്ത്രി വിക്രം സാരാഭായ് സ്‌പേസ് സെൻ്ററിൽ; ഗഗൻയാൻ പദ്ധതികൾ അവലോകനം ചെയ്തു
• ഗഗൻയാൻ ദൗത്യം; സംഘത്തലവൻ മലയാളി; 4 ബഹിരാകാശ യാത്രികരെയും പ്രഖ്യാപിച്ച് നരേന്ദ്ര മോദി
• സുരാജ് വെഞ്ഞാറമ്മൂടിന്റെ ഡ്രൈവിങ് ലൈസൻസ് സസ്പെൻഡ് ചെയ്യാനൊരുങ്ങി മോട്ടോർ വാഹന വകുപ്പ്
  
• രാജ്യസഭ തിരഞ്ഞെടുപ്പ്: യുപിയിൽ കൂറുമാറ്റ ഭീതിയിൽ എസ്‌പി, കർണാടകയിൽ കോൺഗ്രസിന് ആശങ്ക