സർക്കാർ ഓഫീസുകളിൽ ശനിയാഴ്‌ചകളിൽ നൽകിയിരുന്ന അവധി നിർത്തലാക്കുന്നു

തിരുവനന്തപുരം: സംസ്ഥാനത്ത് കോവിഡ് മഹാമാരിയുടെ പശ്ചാത്തലത്തിൽ സർക്കാർ ഓഫീസുകൾക്ക് എല്ലാ ശനിയാഴ്‌ചയും നൽകിയിരുന്ന അവധി നിർത്തലാക്കുന്നു. ശനിയാഴ്‌ച നല്‍കിയിരുന്ന അവധി നിര്‍ത്തലാക്കി പ്രവര്‍ത്തന ദിനങ്ങള്‍ പഴയ പടിയാക്കാനാണ് സർക്കാർ തീരുമാനം.

Read Also: ആട് ആന്റണിയുടെ ജീവപര്യന്തം കോടതി ശരിവച്ചു; കേരളത്തെ ഞെട്ടിച്ച കൊലപാതകവും കള്ളനും

കോവിഡ് രോഗികളുടെ എണ്ണം വർധിച്ചതോടെയാണ് സർക്കാർ ഓഫീസുകൾക്ക് മാസത്തിലെ എല്ലാ ശനിയാഴ്‌ചകളിലും അവധി പ്രഖ്യാപിച്ചത്. പ്രവര്‍ത്തി ദിവസം ആഴ്‌ചയിൽ അഞ്ചാക്കി ചുരുക്കുകയായിരുന്നു. ഈ തീരുമാനം ആണ് ഇപ്പോള്‍ മാറ്റിയിരിക്കുന്നത്. രണ്ടാം ശനിയാഴ്‌ച ഒഴികെ ജനുവരി 16-ാം തിയതി മുതലുള്ള എല്ലാ ശനിയാഴ്‌ചകളും പ്രവർത്തി ദിവസമാക്കാനാണ് സർക്കാർ തീരുമാനം.

അതേസമയം, കോവിഡ് പ്രോട്ടോകോൾ പാലിച്ചാണ് സർക്കാർ ഓഫീസുകൾ പ്രവർത്തിക്കുന്നത്.