Gold Rate Today: കുതിച്ച് സ്വർണവില, ഒരു പവന് 70,000 കടന്നു

Gold Price in Kerala: തിരുവനന്തപുരം: സ്വർണവില 70,000 കടന്നു. ഒരു ഗ്രാമിന് 25 രൂപയും ഒരു പവന് 200 രൂപയുമാണ് ഇന്ന് കൂടിയത്. ഇന്ന് ഒരു പവന്രെ സ്വർണവില 70,160 രൂപയാണ്. ഇന്നലെ 1480 രൂപ പവന് വർധിച്ച് സ്വർണവില സർവകാല റെക്കോർഡിലെത്തിയിരുന്നു. കഴിഞ്ഞ ഏതാനും ആഴ്ചകൾക്കിടെ സ്വർണത്തിന് 10,000 രൂപയാണ് കൂടിയത്. സ്വർണത്തിനുള്ള ആവശ്യകത പെട്ടെന്ന് കൂടിയതാണ് വില ഉയരാൻ കാരണം. 

യുഎസ് പ്രസിഡന്റ് ഡൊണാൾഡ് ട്രംപിന്റെ തീരുവ യുദ്ധമാണ് സ്വർണ്ണവില കുതിപ്പിന് കളമൊരുക്കിയത്. കൂടാതെ, വ്യാപാരയുദ്ധത്തോട് ഒപ്പം ചൈനയുടെ പക്കൽ ഉള്ള 760 ബില്യൺ ഡോളർ ട്രഷറി ബോണ്ടുകൾ വിറ്റഴിക്കുമെന്ന ഭീഷണി സ്വർണ്ണവില കുതിക്കുന്നതിന് കാരണമായിട്ടുണ്ട്. വരും ദിവസങ്ങളിലും സ്വർണവില ഉയരുമെന്നാണ് സൂചന.

യുഎസും ചൈനയും തമ്മിലുള്ള വ്യാപാര സംഘർഷം ഓഹരി വിപണികളിൽ ചാഞ്ചാട്ടത്തിന് കാരണമായിട്ടുണ്ട്. ഇതേത്തുടർന്ന് സുരക്ഷിത നിക്ഷേപമെന്ന നിലയിൽ നിക്ഷേപകർ സ്വർണം വാങ്ങിക്കൂട്ടിയതും വില ഉയരാൻ കാരണമാകും. ഈ സ്ഥിതി തുടർന്നാൽ അധികം വൈകാതെ തന്നെ സ്വർണവില 1 ലക്ഷത്തിൽ എത്തിയേക്കും. 

Read More

• സംസ്ഥാനത്ത് മൂന്നു ദിവസംകൂടി വേനൽ മഴയ്ക്ക് സാധ്യത
• എറണാകുളം - ബെംഗളൂരു റൂട്ടിൽ സ്പെഷ്യൽ ട്രെയിൻ സർവീസ്
• വയനാട് പുനരധിവാസം; ഭൂമി ഏറ്റെടുക്കലുമായി സർക്കാരിന് മുന്നോട്ട് പോകാമെന്ന് ഹൈക്കോടതി
• SFI-Lawyers Clash: കോടതി വളപ്പിൽ കൂട്ടയടി; സംഘർഷം അഭിഭാഷകരും എസ്എഫ്‌ഐ പ്രവർത്തകരും തമ്മിൽ