ആലപ്പുഴയിൽ അച്ഛൻ മകളെ കൊലപ്പെടുത്തി; പ്രതി കസ്റ്റഡിയിൽ

ആലപ്പുഴ: മകളെ കൊലപ്പെടുത്തിയ അച്ഛൻ കസ്റ്റഡിയിൽ. ആലപ്പുഴയിലാണ് നാടിനെ നടുക്കിയ സംഭവം. ഓമനപ്പുഴ സ്വദേശിനി എയ്ഞ്ചൽ ജാസ്മിൻ എന്ന 28-കാരിയാണ് കൊല്ലപ്പെട്ടത്. സംഭവത്തിൽ അച്ഛനായ ജോസ്മോൻ എന്ന ഫ്രാൻസിസിനെ പൊലീസ് കസ്റ്റഡിയിലെടുത്തു.

ഭർത്താവുമായി പിണങ്ങി കഴിയുകയായിരുന്ന എയ്ഞ്ചൽ കുറച്ചു കാലമായി സ്വന്തം വീട്ടിലായിരുന്നു താമസം. ചൊവ്വാഴ്ച രാത്രിയോടെ എയ്ഞ്ചലിനെ അനക്കമില്ലാത്ത നിലയിൽ വീട്ടിൽ കണ്ടെത്തുകയായിരുന്നു എന്നാണ് റിപ്പോർട്ട്. വീട്ടുകാരും ബന്ധുക്കളും ചേര്‍ന്ന് ആശുപത്രിയില്‍ എത്തിച്ചെങ്കിലും മരണം സ്ഥിരീകരിച്ചു.

Also Read: പന്ത്രണ്ടാം ക്ലാസുകാരനെ ലൈംഗികമായി പീഡിപ്പിച്ച അധ്യാപികയും സുഹൃത്തും അറസ്റ്റിൽ

എയ്ഞ്ചലിന്റെ കഴുത്തിലെ പാടുകൾ ശ്രദ്ധയിൽപെട്ടതോടെ ആത്മഹത്യ ചെയ്തതായിരിക്കാമെന്നായിരുന്നു പ്രാഥമിക നിഗമനം. പോസ്റ്റുമോർട്ടത്തിലാണ് കൊലപാതകം സ്ഥിരീകരിച്ചത്. പൊലീസ് നടത്തിയ ചോദ്യം ചെയ്യലിൽ തോർത്ത് മുറുക്കി മകളെ കൊലപ്പെടുത്തുകയായിരുന്നു എന്ന് ജോസ്മോൻ സമ്മതിച്ചിട്ടുണ്ടെന്നാണ് വിവരം. വഴക്കിനിടെയുണ്ടായ പ്രകോപനത്തിൽ മകളെ കൊലപ്പെടുത്തുകയായിരുന്നു എന്ന് പ്രതി സമ്മതിച്ചതായും റിപ്പോർട്ടുണ്ട്.

Read More:

• ജെഎസ്കെ വിവാദം: ശനിയാഴ്ച്ച സിനിമ കാണുമെന്ന് ഹൈക്കോടതി
• വിസ്മയ കേസ്; കിരൺ കുമാറിന് ജാമ്യം
• ഡാര്‍ക്ക് വെബ് വഴി ലഹരി കച്ചവടം: രാജ്യത്തെ ഏറ്റവും വലിയ ശൃംഖല തകര്‍ത്ത് നാര്‍ക്കോട്ടിക്‌സ് കണ്‍ട്രോള്‍ ബ്യൂറോ