റെയിൽവേ സ്റ്റേഷനിൽനിന്ന് സ്‌ഫോടക വസ്‌തുക്കൾ പിടികൂടിയ സംഭവം: കിണർ പണിക്ക് കൊണ്ടുവന്നതെന്ന് കസ്റ്റഡിയിലുള്ള സ്ത്രീ

കോഴിക്കോട്: കോഴിക്കോട് റെയിൽവെ സ്റ്റേഷനിൽനിന്ന് വൻ സ്‌ഫോടകവസ്‌തുശേഖരം പിടികൂടി. ചെന്നൈ-മംഗലാപുരം സൂപ്പർ എക്‌സ്‌പ്രസിൽ സീറ്റിനടിയിൽ ഒളിപ്പിച്ച നിലയിലാണ് സ്‌ഫോടക വസ്‌തുക്കൾ കണ്ടെത്തിയത്. . സംശയാസ്‌പദമായി കണ്ടെത്തിയ ചെന്നൈ സ്വദേശിയായ യാത്രക്കാരിയെ റെയിൽവേ പൊലീസ് കസ്റ്റഡിയിലെടുത്തു.

117 ജലാറ്റിൻ സ്റ്റിക്കുകൾ, 350 ഡിറ്റണേറ്റർ തുടങ്ങിയവയാണ് പൊലീസ് പിടികൂടിയത്. ട്രെയിനിലെ ഡി-1 കമ്പാർട്ട്‌മെന്റിൽ നിന്നാണ് സ്‌ഫോടക വസ്‌തുക്കൾ പിടികൂടിയത്. പുലർച്ചെ നാലോടെയാണ് സംഭവം.

Read Also: കേരളത്തിൽ ചൂട് കൂടുന്നു; രാവിലെ 11 മുതൽ ഉച്ചയ്‌ക്ക് മൂന്ന് വരെ നേരിട്ട് സൂര്യതപം ഏൽക്കരുത്, ശ്രദ്ധിക്കേണ്ട കാര്യങ്ങൾ

പൊലീസിന്റെ കസ്റ്റഡിയിലുള്ള സ്ത്രീ ചെന്നൈയിൽനിന്നു തലശേരിയിലേക്ക് പോകുകയായിരുന്നു. ഡി-1 കമ്പാർട്ട്‌മെന്റിലാണ് ഈ സ്ത്രീയും സഞ്ചരിച്ചിരുന്നത്. കിണർ നിർമാണവുമായി ബന്ധപ്പെട്ടാണ് സ്‌ഫോടകവസ്‌തുക്കൾ കൊണ്ടുവന്നതെന്നാണ് കസ്റ്റഡിയിലുള്ള സ്ത്രീ പൊലീസിനോട് പറയുന്നത്. എന്നാൽ, പൊലീസ് ഇത് മുഖവിലയ്‌ക്കെടുത്തിട്ടില്ല. കൂടുതൽ അന്വേഷണം നടക്കുകയാണ്.