ആലപ്പുഴയിൽ ദൃശ്യം മോഡൽ കൊലപാതകം; അറുപതുകാരിയുടെ മൃതദേഹം വീട്ടുവളപ്പിൽ കുഴിച്ചിട്ട നിലയിൽ

ചെട്ടികാട്: ആലപ്പുഴയിൽ കാണാതായിരുന്ന 60കാരിയെ വീട്ടുവളപ്പിൽ കൊന്ന് കുഴിച്ചിട്ട നിലയിൽ കണ്ടെത്തി. ചെട്ടികാട് സ്വദേശി വടക്കപ്പറമ്പിൽ റോസമ്മയെ ഈ മാസം 18 മുതലാണ് കാണാതായിരുന്നത്. സഹോദരൻ ബെന്നി റോസമ്മയെ ഹാമർ കൊണ്ട് തലയ്ക്കടിച്ച് കൊന്ന ശേഷം വീടിന്റെ പിറകുവശത്ത് അടുക്കളയുടെ ഭാഗത്തായി കുഴിച്ചിടുകയായിരുന്നു.

കൊന്ന് കുഴിച്ചുമൂടിയ വിവരം സഹോദരൻ തന്നെയാണ് ബന്ധുക്കളെ അറിയിച്ചത്. ഇവരാണ് വിവരം പൊലീസിനെ അറിയിച്ചത്. ബെന്നിയുടെ സാന്നിധ്യത്തിൽ പൊലീസ് വീട്ടുപരിസരത്ത് നിന്ന് കുഴിച്ചിട്ട നിലയുള്ള മൃതദേഹം കണ്ടെത്തി. തർക്കത്തിനിടെ ദേഷ്യത്തിൽ റോസമ്മയുടെ തലയ്ക്ക് ചുറ്റിക കൊണ്ട് അടിക്കുകയായിരുന്നുവെന്ന് ബെന്നി പൊലീസിന് മൊഴി നൽകിയിട്ടുണ്ട്. ഈ മാസം 18 മുതലാണ് റോസമ്മയെ കാണാതായത്.

റോസമ്മയുടെ സഹോദരൻ ബെന്നിയെ പൊലീസ് കസ്റ്റഡിയിലെടുത്ത് ചോദ്യം ചെയ്തിരുന്നു. തുടർന്നാണ് നടന്ന സംഭവങ്ങൾ ഇയാൾ പൊലീസിനോട് തുറന്നുസമ്മതിച്ചത്. റോസമ്മ ആദ്യ വിവാഹം ഒഴിഞ്ഞ് സഹോദരന്റെ വീട്ടിലാണ് കഴിഞ്ഞിരുന്നത്. എന്നാൽ അടുത്തിടെ മറ്റൊരു വിവാഹം കഴിക്കാൻ ഒരുങ്ങിയതിൽ സഹോദരന് അഭിപ്രായ ഭിന്നതയുണ്ടായിരുന്നു.

റോസമ്മയെ കാണാതായതിന് പിന്നാലെ പൊലീസ് അന്വേഷണം തുടങ്ങിയിരുന്നു. എന്നാൽ ഇത്രയും ദിവസമായിട്ടും വിവരമൊന്നും ലഭിച്ചിരുന്നില്ല. കഴിഞ്ഞ ദിവസങ്ങളിലും വീടിന്റെ പരിസരങ്ങളിൽ പൊലീസ് പരിശോധന നടത്തിയിരുന്നു. ആലപ്പുഴ ഡിവൈഎസ്പിയുടെ നേതൃത്വത്തിലാണ് അന്വേഷണം പുരോഗമിക്കുന്നത്.

Read More

• രാഹുൽ ഗാന്ധിക്ക് ഭക്ഷ്യവിഷബാധ; തിങ്കളാഴ്ചത്തെ കേരള പര്യടനം റദ്ദാക്കി
• തൃശ്ശൂർ പൂരം: പൊലീസിനെതിരെ ഉണ്ടായ പരാതിയിൽ നടപടിയെടുത്ത് മുഖ്യമന്ത്രി
• രാജീവ് ചന്ദ്രശേഖറിനെതിരെ തെറ്റായ പ്രചാരണം; ശശി തരൂരിനെതിരെ കേസ്
• സൈബർ ആക്രമണ വിവാദം: പറഞ്ഞതൊന്നും മാറ്റിയിട്ടില്ലെന്ന് കെ.കെ ശൈലജ