അവോക്കാഡോ കഴിക്കുന്നതിന് മുൻപ് എപ്പോഴും നന്നായി കഴുകണം, എന്തുകൊണ്ട്?

ഇന്ത്യക്കാർക്കെല്ലാം സുപരിചിതമായ ഒരു പഴമായി അവോക്കാഡോ മാറിയിട്ട് കാലങ്ങളായി. രുചികരമായ ഈ പഴം ധാരാളം പോഷകങ്ങളാൽ നിറഞ്ഞതാണ്. എന്നാൽ, അവോക്കാഡോ കഴിക്കുന്നതിനു മുൻപ് നന്നായി കഴുകി വൃത്തിയാക്കണമെന്ന് പറഞ്ഞിരിക്കുകയാണ് ഡിജിറ്റൽ ക്രിയേറ്റർ ബോബി പാരിഷ്. 

അവോക്കാഡോയുടെ തൊലിയിൽ സാൽമൊണല്ല, ലിസ്റ്റീരിയ തുടങ്ങിയ ഹാനികരമായ ബാക്ടീരിയകളുണ്ട്. ശരിയായി കഴുകിയില്ലെങ്കിൽ തൊലിയിൽ നിന്ന് മുറിക്കാൻ ഉപയോഗിക്കുന്ന കത്തിയിലേക്കും പഴത്തിലേക്കും ഈ ബാക്ടീരിയകൾ കടന്നെത്തുമെന്ന് അദ്ദേഹം മുന്നറിയിപ്പ് നൽകി. 

View this post on Instagram

A post shared by Bobby Parrish aka FlavCity (@bobbyparrish)

ബെംഗളൂരുവിലെ ഹംഗ്‌റി കൊയാലയിലെ സീനിയർ ന്യൂട്രീഷ്യനിസ്റ്റ് ഇപ്‌സിത ചക്രബർത്തി ഇതിനോട് യോജിച്ചു. അവോക്കാഡോ നന്നായി കഴുകി വൃത്തിയാക്കാതെ കഴിക്കുന്നത് സാൽമൊണല്ല, ലിസ്റ്റീരിയ പോലുള്ള അനാവശ്യ ബാക്ടീരിയകൾ ശരീരത്തിലെത്താൻ ഇടയാക്കുമെന്ന് അവർ പറഞ്ഞു. 

''ഓക്കാനം, ഛർദി, വയറിളക്കം, പനി തുടങ്ങിയ ഭക്ഷ്യജന്യ രോഗങ്ങൾക്ക് കാരണമാകും. ആരോഗ്യമുള്ള മുതിർന്നവർക്ക് ഇത്തരം ആരോഗ്യപ്രശ്നങ്ങളെ നേരിടാനാകുമെങ്കിലും ഗർഭിണികൾ, കൊച്ചുകുട്ടികൾ, ദുർബലമായ രോഗപ്രതിരോധ ശേഷിയുള്ള ആളുകൾ എന്നിവർക്ക് ഗുരുതരമായ ആരോഗ്യപ്രശ്നങ്ങൾക്കുള്ള സാധ്യത കൂടുതലാണ്,'' അവർ പറഞ്ഞു.

ചില അവോക്കാഡോ ഫാമുകൾ കൃഷി സമയത്ത് കീടനാശിനികൾ ഉപയോഗിക്കുന്നു. അവയുടെ അവശിഷ്ടങ്ങൾ തൊലിപ്പുറത്ത് തങ്ങിനിൽക്കും. നന്നായി കഴുകുന്നതിലൂടെ ഇവയെല്ലാം നീക്കം ചെയ്യാമെന്ന് അവർ അഭിപ്രായപ്പെട്ടു. സാധാരണ വെള്ളത്തിൽ നന്നായിട്ട് കഴുകിയാൽ മതിയെന്ന് ചക്രബർത്തി പറഞ്ഞു. ബാക്ടീരിയയും അഴുക്കും നീക്കം ചെയ്യുന്നതിനായി 20-30 സെക്കൻഡ് തണുത്ത വെള്ളത്തിൽ അവോക്കാഡോ കഴുകുന്നത് കുറച്ചുകൂടി നല്ലതാണെന്ന് അവർ വ്യക്തമാക്കി. 

Read More

• വയറുവേദനയോ നെഞ്ചെരിച്ചിലോ, ദഹനപ്രശ്നങ്ങളെല്ലാം അകറ്റാം; അത്താഴ സമയം ശരിയാക്കൂ
• കുടിക്കുന്ന വെള്ളത്തില്‍ ഒരു നുള്ള് ഉപ്പ്, നിര്‍ജ്ജലീകരണത്തിനുള്ള പരിഹാരമോ?
• മത്തങ്ങ വിത്ത് വലിച്ചെറിയരുത്, ഈ ആരോഗ്യ ഗുണങ്ങൾ അറിഞ്ഞിരിക്കുക
• ശരീര ഭാരം കുറയ്ക്കാൻ കറുവാപ്പട്ട ചായ കുടിക്കേണ്ടത് എന്തുകൊണ്ട്?