വയറിലെ കൊഴുപ്പ് പെട്ടെന്ന് കുറയ്ക്കണോ? ഈ ഒരൊറ്റ ഭക്ഷണം ഒഴിവാക്കൂ

ശരീരഭാരം കുറയ്ക്കുന്നത് എളുപ്പമുള്ള കാര്യമല്ല. വയറിലെ കൊഴുപ്പ് കുറയ്ക്കുകയെന്നത് അതിലും വലിയ വെല്ലുവിളിയാണ്. ശരീരത്തിലെ കൊഴുപ്പ് പെട്ടെന്ന് കുറയ്ക്കുന്നതിന് എളുപ്പ മാർഗങ്ങളില്ല. എന്നാൽ, ഒരു ടൈപ്പ് ഭക്ഷണം ഒഴിവാക്കുന്നതിലൂടെ വയറിലെ കൊഴുപ്പ് നിങ്ങൾ പ്രതീക്ഷിച്ചതിനെക്കാൾ വേഗത്തിൽ കുറയ്ക്കാൻ സാധിക്കും. 

ഒരു പ്രത്യേക തരം ഭക്ഷണം ഒഴിവാക്കുന്നത് വയറിലെ കൊഴുപ്പ് വേഗത്തിൽ കുറയ്ക്കാൻ സഹായിക്കും. ഒരു പ്രത്യേക ഭക്ഷണക്രമം പിന്തുടരുന്നതിനെക്കുറിച്ചോ പട്ടിണി കിടക്കുന്നതിനെക്കുറിച്ചോ അല്ല പറയുന്നത്. നിങ്ങളുടെ ഭക്ഷണത്തിലെ ഒരു ഇനം, അതായത് റിഫൈൻഡ് കാർബോഹൈഡ്രേറ്റ് ആരോഗ്യകരമായ ഒരു ബദൽ ഉപയോഗിച്ച് മാറ്റിസ്ഥാപിക്കുക മാത്രമാണ് ചെയ്യേണ്ടത്. അതായത്, റിഫൈൻഡ് കാർബോഹൈഡ്രേറ്റ് കുറച്ച് കഴിക്കുക.

കൊഴുപ്പ് കുറയ്ക്കാൻ, പ്രത്യേകിച്ച് വയറിലെ കൊഴുപ്പ് കുറയ്ക്കാൻ കാർബോഹൈഡ്രേറ്റ് കുറയ്ക്കുന്നത് വളരെയധികം ഗുണം ചെയ്യുമെന്ന് പഠനങ്ങൾ പറയുന്നു. ശരീര ഭാരം കുറയ്ക്കാൻ കൊഴുപ്പ് കുറഞ്ഞ ഭക്ഷണക്രമത്തേക്കാൾ കാർബോഹൈഡ്രേറ്റ് കുറഞ്ഞ ഭക്ഷണക്രമം സഹായിക്കുമെന്ന് 2004 ലെ ഒരു പഠനം ചൂണ്ടിക്കാണിക്കുന്നു.

പഞ്ചസാരയും റിഫൈൻഡ് കാർബോഹൈഡ്രേറ്റുകളും തവിടോടു കൂടിയ ധാന്യങ്ങൾ ഉപയോഗിച്ച് മാറ്റിസ്ഥാപിക്കുന്നത് വയറിലെ കൊഴുപ്പ് കുറയ്ക്കാൻ സഹായിക്കും. പ്രോസസ്ഡ് ധാന്യങ്ങൾക്ക് പകരം ക്വിനോവ, ബ്രൗൺ റൈസ്, ഓട്സ് എന്നിവ തിരഞ്ഞെടുക്കാം. ഈ ആരോഗ്യകരമായ ബദലുകൾ ശരീരഭാരം കുറയ്ക്കാൻ സഹായിക്കുക മാത്രമല്ല, കൂടുതൽ നേരം വയറു നിറഞ്ഞതായി നിലനിർത്തുകയും അവശ്യ പോഷകങ്ങൾ നൽകുകയും ചെയ്യുന്നു.

വയറിലെ കൊഴുപ്പ് കുറയ്ക്കുന്നതിനുള്ള മറ്റു ചില ടിപ്സുകൾ

പ്രോട്ടീൻ ഉപഭോഗം വർധിപ്പിക്കുക: ഭക്ഷണത്തിൽ പ്രോട്ടീൻ പ്രധാനമാണെന്ന് ഓർമിക്കുക. പേശികളുടെ വളർച്ചയ്ക്ക് സഹായിക്കുകയും വയർ നിറഞ്ഞിരിക്കാൻ സഹായിക്കുകയും ചെയ്യുന്നു.

ആവശ്യത്തിന് വെള്ളം കുടിക്കുക: ധാരാളം വെള്ളം കുടിക്കുന്നത് ദഹനത്തെ സഹായിക്കുകയും ആസക്തിയെ നിയന്ത്രിക്കാൻ സഹായിക്കുകയും ചെയ്യുന്നു.

ആവശ്യത്തിന് ഉറക്കം: നല്ല ഉറക്കം കിട്ടാത്തത് ശരീരഭാരം കുറയ്ക്കാനുള്ള ലക്ഷ്യത്തെ പ്രതികൂലമായി ബാധിക്കും. ഇത് കോർട്ടിസോളിന്റെ അളവ് വർധിപ്പിക്കും, വയറിലെ കൊഴുപ്പിന്റെ അളവ് വർധിപ്പിക്കും.

പതിവ് വ്യായാമം: പതിവായുള്ള വ്യായാമം പേശികളെ ശക്തിപ്പെടുത്തുന്നതിനൊപ്പം ശരീര ഭാരം കുറയ്ക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ശരീര ഭാരം കുറയ്ക്കാൻ ശ്രമിക്കുകയാണോ? മുട്ട കഴിക്കാം
• മുഖത്തെ ചുളിവുകൾ മുതൽ ശരീരഭാരം വരെ നിയന്ത്രിക്കാം, ഈ വിത്ത് കഴിക്കുന്നത് ശീലമാക്കൂ
• രാത്രി 9 മണിക്ക് ശേഷമാണോ അത്താഴം? 'നോ' പറയാൻ കാരണങ്ങളുണ്ട്
• വൃക്ക രോഗികൾക്ക് സ്ട്രോബെറി കഴിക്കാമോ?