രാത്രിയിൽ വെള്ളരിക്ക കഴിക്കാൻ പാടില്ലേ? കഴിക്കാൻ ശരിയായ രീതിയുണ്ടോ?

ശരീരത്തിന് ജലാംശം നൽകുകയും തണുപ്പിക്കുകയും ചെയ്യുന്ന ഒരു പച്ചക്കറിയാണ് വെള്ളരിക്ക. വേനൽക്കാലത്ത് വെള്ളരിക്ക കഴിക്കുന്നത് ശരീരത്തിന് ഏറെ ഗുണം ചെയ്യും. വെള്ളരിക്ക രാവിലെ മാത്രമേ കഴിക്കാവൂവെന്നും, ഉപ്പു ചേർത്ത് കഴിക്കണമെന്നും, രാത്രിയിലോ തൈരുമായി ചേർത്ത് കഴിക്കുന്നതോ ഒഴിവാക്കണമെന്നും അടുത്തിടെ സോഷ്യൽ മീഡിയയിൽ ഒരു പോസ്റ്റ് പ്രചരിച്ചിരുന്നു. ഇതിനെക്കുറിച്ച് ആരോഗ്യ വിദഗ്ധർ പറയുന്നത് കേൾക്കാം. 

രാവിലെയോ ഉച്ചയ്ക്ക് ശേഷമോ, പ്രത്യേകിച്ച് ചൂടുള്ള കാലാവസ്ഥയിൽ വെള്ളരിക്ക കഴിക്കുന്നത് ശരീരത്തിന് ഗുണം ചെയ്യുമെന്ന് ഡയറ്റീഷ്യൻ ദീപലക്ഷ്മി പറഞ്ഞു. ഇവയിലെ ഉയർന്ന ജലാംശം ദ്രാവകങ്ങൾ നിറയ്ക്കാൻ സഹായിക്കുന്നു, നാരുകൾ ദഹനത്തെ പിന്തുണയ്ക്കുന്നു. ഉപ്പ് ചേർത്ത് കഴിക്കുന്നത് വയർ വീർക്കാൻ സാധ്യതയുള്ളവർക്ക് ഗുണം ചെയ്യുന്നു. എന്നാൽ മിതത്വം പ്രധാനമാണ്. അധികം ഉപ്പ് ചേർക്കുന്നത് ഉയർന്ന സോഡിയം ഉപഭോഗത്തിന് കാരണമാകുമെന്ന് അവർ മുന്നറിയിപ്പ് നൽകി. 

Also Read: രാവിലെ നെയ്യ് ചേർത്ത ബ്ലാക്ക് കോഫി, ഉച്ചയ്ക്ക് മുട്ട; മീര കൃഷ്ണൻ 91ൽ നിന്ന് കുറച്ചത് 71 കിലോ

വെള്ളരിക്ക കഴിക്കുന്നതിനുള്ള അനുയോജ്യമായ സമയം

അത്താഴത്തിൽനിന്ന് വെള്ളരിക്ക പൂർണമായും ഒഴിവാക്കണമെന്നതിന് ശാസ്ത്രീയ കാരണങ്ങളൊന്നുമില്ലെന്ന് അവർ പറഞ്ഞു. ദഹനപ്രശ്നങ്ങളുള്ള ചിലർക്ക് രാത്രിയിൽ ചില പച്ചക്കറികൾ കഴിക്കുമ്പോൾ വയറു വീർക്കൽ അനുഭവപ്പെടാം. പക്ഷേ ഇത് എല്ലാവർക്കും ബാധകമല്ല. ദഹനപ്രശ്നങ്ങളില്ലാത്തവർക്ക് വൈകുന്നേരത്തെ ഭക്ഷണത്തിൽ വെള്ളരിക്ക ഉൾപ്പെടുത്താമെന്ന് ദീപലക്ഷ്മി പറഞ്ഞു.

Also Read: പാലിൽ കുതിർത്ത ഈന്തപ്പഴം വെറും വയറ്റിൽ കഴിച്ചാൽ എന്ത് സംഭവിക്കും?

അതുപോലെ, വെള്ളരിക്ക തൈരുമായി ചേർക്കരുതെന്നതിന് തെളിവുകളില്ലെന്ന് അവർ വ്യക്തമാക്കി. വെള്ളരിക്ക ജലാംശം, നാരുകൾ, കുടലിന് അനുയോജ്യമായ പ്രോബയോട്ടിക്സ് എന്നിവ നൽകുന്നു. മിക്ക ആളുകൾക്കും തൈരുമായി ചേർത്ത് കഴിക്കുമ്പോൾ ദഹനത്തെ സഹായിക്കുന്നുവെന്ന് അവർ അഭിപ്രായപ്പെട്ടു.

Also Read: ഒരു ദിവസം പോലും ജിമ്മിൽ പോയില്ല, വെറും 10 കാര്യങ്ങൾ പിന്തുടർന്നു; 8 മാസം കൊണ്ട് യുവതി കുറച്ചത് 30 കിലോ

നന്നായി കഴുകി വൃത്തിയാക്കിയശേഷം മാത്രം വെള്ളരിക്ക കഴിക്കുക. കീടനാശിനികളുടെ അംശം കുറയ്ക്കുന്നതിന് തൊലി കളയുന്നതാണ് നല്ലത്. ഡൈജസ്റ്റീവ് സെൻസിറ്റിയുള്ളവർക്ക് വിത്തുകൾ നീക്കം ചെയ്യുന്നത് ഗുണം ചെയ്യുമെന്ന് അവർ പറഞ്ഞു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ലൈംഗിക താൽപര്യം വർധിപ്പിക്കും, ഉദ്ധാരണം മെച്ചപ്പെടുത്തും; ഈ ജ്യൂസ് കുടിക്കൂ