രാവിലെ ബദാം, വൈകുന്നേരം വാൽനട്ട്: നട്സ് കഴിക്കാൻ നല്ല സമയമുണ്ടോ?

നട്സുകളെ പലപ്പോഴും പോഷകങ്ങളുടെ കലവറകൾ എന്നാണ് വിളിക്കാറുള്ളത്. അതിന് ചില കാരണവുമുണ്ട്. ആരോഗ്യകരമായ കൊഴുപ്പുകൾ, പ്രോട്ടീൻ, നാരുകൾ, വിറ്റാമിനുകൾ, ധാതുക്കൾ എന്നിവയാൽ സമ്പുഷ്ടമായ ഇവ ഹൃദയാരോഗ്യം വർധിപ്പിക്കുന്നതിനും തലച്ചോറിന്റെ പ്രവർത്തനത്തെയും ഉപാപചയ പ്രവർത്തനത്തെയും മെച്ചപ്പെടുത്തുന്നതിനുമുള്ള ഒരു മികച്ച തിരഞ്ഞെടുപ്പാണ്. 

എന്നാൽ, അവ അനുയോജ്യമായ സമയത്ത് കഴിക്കുന്നതിലൂടെ കൂടുതൽ ഗുണങ്ങൾ നേടാൻ കഴിയും. നട്‌സിൽ കലോറി കൂടുതലും ജൈവശാസ്ത്രപരമായി സജീവമായ സംയുക്തങ്ങളാൽ സമ്പുഷ്ടവുമാണ്. ശരിയായ സമയത്ത് കഴിക്കുമ്പോൾ ശരീരത്തിന് അവയെ കൂടുതൽ കാര്യക്ഷമമായി ഉപയോഗിക്കാൻ കഴിയും.

Also Read: മരുന്നുകളില്ലാതെ യൂറിക് ആസിഡ് കുറയ്ക്കാം, 7 പ്രകൃതിദത്ത വഴികൾ

രാവിലെ ബദാം: ഒരു മികച്ച തുടക്കം

ബദാമിൽ മഗ്നീഷ്യം, വിറ്റാമിൻ ഇ, നല്ല കൊഴുപ്പ്, നാരുകൾ എന്നിവ ധാരാളം അടങ്ങിയിട്ടുണ്ട്. രാവിലെ കഴിക്കുന്നത് രക്തത്തിലെ പഞ്ചസാരയുടെ അളവ് ബാലൻസ് ചെയ്യാനും തലച്ചോറിന്റെ പ്രവർത്തനം മെച്ചപ്പെടുത്താനും സഹായിക്കും. ബദാമിലെ മഗ്നീഷ്യം ഇൻസുലിൻ സെൻസിറ്റിവിറ്റി മെച്ചപ്പെടുത്തുന്നു, അതേസമയം നാരുകളും ആരോഗ്യകരമായ കൊഴുപ്പുകളും രക്തത്തിലെ പഞ്ചസാരയുടെ ആഗിരണം മന്ദഗതിയിലാക്കുന്നു. ഇതിനർത്ഥം ദിവസത്തിന്റെ അവസാനത്തിൽ ഊർജസ്വലത കുറയുകയും ആസക്തികൾ കുറയുകയും ചെയ്യുമെന്നാണ്. 

Also Read: അത്താഴശേഷം ഇത് 1 കപ്പ് കുടിക്കൂ; വയറിലെ കൊഴുപ്പ് ഉരുക്കി കളയും

വൈകുന്നേരം വാൽനട്ട്സ്

ഒമേഗ-3 ഫാറ്റി ആസിഡായ ആൽഫ-ലിനോലെനിക് ആസിഡിന്റെ (ALA) മികച്ച ഉറവിടമാണിത്. ഉറക്ക-ഉണർവ് ചക്രത്തെ നിയന്ത്രിക്കുന്ന ഹോർമോണായ മെലറ്റോണിനും ഇതിൽ അടങ്ങിയിട്ടുണ്ട്. അതിനാൽ, അവ നല്ല ഉറക്കത്തിന് സഹായിക്കുന്നു. 

Also Read: ആപ്പിളോ വാഴപ്പഴമോ: മഴക്കാലത്ത് കഴിക്കാൻ ഏതാണ് നല്ലത്?

ഭക്ഷണത്തിൽ നട്സ് എങ്ങനെ ഉൾപ്പെടുത്താം?

പ്രഭാതഭക്ഷണത്തോടൊപ്പം ഏകദേശം 15 മുതൽ 20 വരെ ബദാം (ഏകദേശം ¼ കപ്പ്) കഴിക്കുക. അവ ഓട്‌സ്, സ്മൂത്തികളിൽ ചേർക്കാം അല്ലെങ്കിൽ യോഗർട്ടിൽ ചേർത്ത് കഴിക്കാം. ഇത് രാവിലെ വയർ നിറയ്ക്കുകയും ഊർജസ്വലരാക്കുകയും ചെയ്യും. ഭക്ഷണത്തിനിടയിൽ വിശപ്പ് തോന്നിയാൽ, ഒരു ചെറിയ പിടി (¼ കപ്പ്) മിക്സഡ് നട്സ് കഴിക്കുന്നത് ഊർജ നഷ്ടം തടയുകയും അനാരോഗ്യകരമായ ലഘുഭക്ഷണം കുറയ്ക്കുകയും ചെയ്യും. ഉച്ചകഴിഞ്ഞുള്ള ലഘുഭക്ഷണത്തോടുള്ള ആസക്തിയെ നിയന്ത്രിക്കാനുള്ള ആരോഗ്യകരമായ മാർഗമാണിത്.

അത്താഴത്തിന് ശേഷമോ ഉറങ്ങുന്നതിന് തൊട്ടുമുമ്പോ ആറ് മുതൽ ഏഴ് വരെ വാൽനട്ട്  (ഏകദേശം ¼ കപ്പ്) കഴിക്കുക. ചൂടുള്ള പാലിൽ ചേർത്ത് കഴിക്കാവുന്നതാണ്. അവ ശരീരത്തിന് വിശ്രമം പ്രോത്സാഹിപ്പിക്കാനും നല്ല ഉറക്കം കിട്ടാനും സഹായിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഒരു ഡയറ്റും ഇല്ലാതെ 30 ദിവസത്തിനുള്ളിൽ 15 കിലോ കുറയ്ക്കാം; ഈ എളുപ്പ വഴി ഒന്ന് നോക്കൂ