വൃക്കകളുടെ ആരോഗ്യത്തിന് സ്ട്രോബെറി നല്ലതാണോ?

വൃക്കകളുടെ ആരോഗ്യത്തിനും വൃക്ക രോഗങ്ങളെ അകറ്റി നിർത്തുന്നതിനും മികച്ച ഭക്ഷണങ്ങളുടെ കൂട്ടത്തിൽ സ്ട്രോബെറി ഉൾപ്പെടുത്താവുന്നതാണ്. വൃക്കകളുടെ ആരോഗ്യത്തിന് എല്ലാ അവശ്യ പോഷകങ്ങളും ഉൾപ്പെടുന്ന ആരോഗ്യകരമായ ഭക്ഷണം കഴിക്കണം. അത്തരത്തിലുള്ള ഒരു ഭക്ഷണമാണ് സ്ട്രോബെറി. വൃക്കകളുടെ ആരോഗ്യത്തിന് ഇത് ഗുണം ചെയ്യും. 

വൃക്കകളുടെ ആരോഗ്യം നിലനിർത്താൻ സ്ട്രോബെറി ഭക്ഷണത്തിൽ ഉൾപ്പെടുത്തിയാലുള്ള ഗുണങ്ങൾ എന്തൊക്കെയെന്ന് നോക്കാം.

1. കുറഞ്ഞ പൊട്ടാസ്യം

പൊട്ടാസ്യം ശരീരത്തിൽ നിർണായക പങ്ക് വഹിക്കുന്നുണ്ട്. വിവിധ തരം ഭക്ഷണങ്ങളിൽ ഇവയുണ്ട്. വൃക്ക രോഗികൾ പൊട്ടാസ്യമുള്ള ഭക്ഷണങ്ങൾ കഴിക്കുന്നത് പരിമിതപ്പെടുത്താൻ ആവശ്യപ്പെടാറുണ്ട്. പൊട്ടാസ്യം കുറഞ്ഞ  ഭക്ഷണങ്ങൾ വിട്ടുമാറാത്ത വൃക്കരോഗ സാധ്യത കുറയ്ക്കാൻ സഹായിക്കുന്നു. സ്ട്രോബെറിയിൽ പൊട്ടാസ്യം കുറവായതിനാൽ വൃക്കരോഗികൾക്ക് നല്ലതാണ്.

2. ആന്റിഓക്‌സിഡന്റുകൾ അടങ്ങിയിട്ടുണ്ട്

വൈറ്റമിൻ സി, ആന്തോസയാനിനുകൾ, ഫ്ലേവനോയ്ഡുകൾ തുടങ്ങിയ ആന്റിഓക്‌സിഡന്റുകളാൽ സമ്പുഷ്ടമാണ് സ്ട്രോബെറി. ഈ സംയുക്തങ്ങൾ ഓക്സിഡേറ്റീവ് സ്ട്രെസ്, വീക്കം എന്നിവ കുറയ്ക്കാൻ സഹായിക്കും. വൃക്കരോഗത്തിന്റെ വളർച്ച മന്ദഗതിയിലാക്കാനും മറ്റ് വിട്ടുമാറാത്ത രോഗങ്ങളുടെ അപകട സാധ്യത കുറയ്ക്കാനും കഴിയും.

3. നാരുകളാൽ സമ്പന്നമാണ്

നാരുകൾ അടങ്ങിയ ഭക്ഷണങ്ങൾ കഴിക്കുന്നത് ദഹനത്തെ പിന്തുണയ്ക്കുകയും രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുകയും ചെയ്യുന്നു. നാരുകൾ അടങ്ങിയ ഭക്ഷണക്രമം വിട്ടുമാറാത്ത വൃക്കരോഗത്തിന്റെ വളർച്ച കുറയ്ക്കാൻ സഹായിക്കും.

4. ഹൃദയാരോഗ്യം മെച്ചപ്പെടുത്തുന്നു

വൃക്കകൾ ആരോഗ്യത്തോടെ നിലനിർത്താൻ ആരോഗ്യമുള്ള ഹൃദയം പ്രധാനമാണ്, തിരിച്ചും. വൃക്കയുടെയും ഹൃദയത്തിന്റെയും ആരോഗ്യം പരസ്പരം ബന്ധപ്പെട്ടിരിക്കുന്നതിനാൽ, അവ രണ്ടിന്റെയും ആരോഗ്യം നിലനിർത്തേണ്ടത് അത്യാവശ്യമാണ്. സ്ട്രോബെറി രക്തസമ്മർദവും കൊളസ്ട്രോളും കുറയ്ക്കുമെന്ന് വിശ്വസിക്കപ്പെടുന്നു, ഇവ രണ്ടും ഹൃദയാരോഗ്യം മെച്ചപ്പെടുത്തും. ഹൃദയാരോഗ്യം മെച്ചപ്പെട്ടാൽ വൃക്കകളുടെ ആരോഗ്യവും മെച്ചപ്പെടും. 

5. ഫോസ്ഫറസും സോഡിയവും കുറവാണ്

വൃക്കരോഗികളോട് കുറഞ്ഞ ഫോസ്ഫറസും സോഡിയവും ഉള്ള ഭക്ഷണം കഴിക്കാൻ നിർദേശിക്കാറുണ്ട്. അങ്ങനെയെങ്കിൽ സ്ട്രോബെറി നല്ലൊരു കൂട്ടിച്ചേർക്കലാണ്. അവയിൽ ഫോസ്ഫറസും സോഡിയവും കുറവാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• വേനൽക്കാലത്ത് ഉറപ്പായും കഴിക്കേണ്ട 5 ഭക്ഷണങ്ങൾ
• ബ്രോക്കോളി ദിവസവും കഴിക്കൂ, ഈ ആരോഗ്യ ഗുണങ്ങൾ നേടാം
• പ്രമേഹരോഗികൾക്ക് ഏതൊക്കെ ഭക്ഷണമാണ് കഴിക്കാൻ നല്ലത്?
• ദിവസവും രാവിലെ വാൽനട്ട് കഴിച്ചാലുള്ള ആരോഗ്യ ഗുണങ്ങൾ