40-ാം വയസിലും യുവത്വം മാറാതെ നയൻതാര; ഫിറ്റ്നസ് രഹസ്യം അറിയാം

തെന്നിന്ത്യയുടെ ലേഡി സൂപ്പർ സ്റ്റാർ നയൻതാരയ്ക്ക് പ്രായം 40. നാൽപതിലും യുവത്വം തുളുമ്പുന്ന ചർമ്മമാണ് താരത്തിന്റേത്. ഈ പ്രായത്തിലും നയൻതാരയുടെ ഫിറ്റ്നസ് ദിനചര്യ ആരെയും അതിശയിപ്പിക്കുന്നതാണ്. ആരോഗ്യകരമായ ജീവിതശൈലിയാണ് താരം പിന്തുടരുന്നത്. നയൻതാരയുടെ ഫിറ്റ്നസ് ദിനചര്യയെക്കുറിച്ച് അറിയാം.

1. സമീകൃതാഹാരം

ഫിറ്റ്‌നസിന്റെ കാര്യത്തിൽ, നയൻതാര സമീകൃതാഹാരത്തിൽ വിശ്വസിക്കുന്നു. ആരോഗ്യകരവും പോഷകസമൃദ്ധവുമായ ഭക്ഷണങ്ങളിലാണ് താരത്തിന്റെ ശ്രദ്ധ. ഭക്ഷണത്തിൽ പ്രോട്ടീൻ, നാരുകൾ, ആരോഗ്യകരമായ കൊഴുപ്പ് എന്നിവ ഉറപ്പാക്കാൻ താരം ശ്രമിക്കാറുണ്ട്. ആരോഗ്യകരവും സന്തുഷ്ടവുമായ ജീവിതത്തിന് നല്ല ഭക്ഷണക്രമം അത്യാവശ്യമാണെന്ന് നയൻതാര തന്നെ പറഞ്ഞിട്ടുണ്ട്.

ശരീര ഭാരം നിലനിർത്താൻ ഭക്ഷണത്തിലെ മിതത്വവും സ്ഥിരതയും ശരീരത്തെ കേൾക്കുന്നതും പ്രധാനമാണ്. എന്നെ സംബന്ധിച്ചിടത്തോളം ഒരു ഡയറ്റ് എന്നാൽ സ്വയം നിയന്ത്രണവും ഇഷ്ടപ്പെടാത്ത ഭക്ഷണങ്ങൾ ഒഴിവാക്കുകയും ചെയ്യുന്നതാണെന്ന് താൻ വിശ്വസിക്കുന്നതായും നയൻതാര പറഞ്ഞിട്ടുണ്ട്. പോഷകസമൃദ്ധമായ വീട്ടിൽ തയ്യാറാക്കിയ ഭക്ഷണം കഴിക്കാനാണ് ഞാൻ ഇഷ്ടപ്പെടുന്നത്. അത് ഞാൻ ആസ്വദിച്ച് കഴിക്കാറുണ്ട്. അതിനാൽതന്നെ ജങ്ക് ഫുഡിനോട് ആസക്തി തോന്നാറില്ലെന്നും താരം മുൻപ് പറഞ്ഞിരുന്നു.

2. പതിവായുള്ള വ്യായാമം

നയൻതാരയെ സംബന്ധിച്ചിടത്തോളം, വ്യായാമം ദൈനംദിനചര്യയിൽ ഒഴിവാക്കാൻ സാധിക്കാത്തതാണ്. ഒരു പ്രത്യേക ഫിറ്റ്നസ് രീതി താരം പിന്തുടരുന്നില്ല, പകരം വ്യത്യസ്ത തരം വർക്ക്ഔട്ടുകൾ ചെയ്യുന്നു. സ്ട്രെങ്ത് ട്രെയിനിങ്, കാർഡിയോ പോലുള്ള വ്യായാമങ്ങൾ താരം ചെയ്യാറുണ്ടെന്ന് റിപ്പോർട്ടുകൾ പറയുന്നു. 

3. യോഗ

വ്യായാമത്തോടൊപ്പം, നയൻതാര യോഗയും തന്റെ ദിനചര്യയിൽ ഉൾപ്പെടുത്തുന്നു. വഴക്കം മെച്ചപ്പെടുത്തുന്നതിനും, സമ്മർദ്ദം കുറയ്ക്കുന്നതിനും, മനസിനും ശരീരത്തിനും ഉണർവേകുന്നതിനും യോഗ സഹായിക്കും. തിരക്കേറിയ ജോലിയിൽ ഏർപ്പെടുന്ന ഒരാൾക്ക് യോഗ വളരെയേറെ ഗുണം ചെയ്യും. 

4. മാനസികാരോഗ്യത്തിൽ ശ്രദ്ധിക്കുക

നയൻതാരയെ സംബന്ധിച്ചിടത്തോളം ഫിറ്റ്നസ് എന്നത് ശാരീരിക ആരോഗ്യം മാത്രമല്ല, മാനസിക ക്ഷേമവുമാണ്. മാനസികാരോഗ്യത്തിലും സമ്മർദ നിയന്ത്രണത്തിലും താരം വിശ്വസിക്കുന്നു. തിരക്കേറിയ ജീവിതത്തിനിടയിൽ സ്ട്രെസ് കുറയ്ക്കാനുമുള്ള വഴികൾ താരം കണ്ടെത്തുന്നു.

5. ഉറക്കവും വിശ്രമവും

നയൻതാരയുടെ ഫിറ്റ്നസ് ദിനചര്യയിലെ മറ്റൊരു പ്രധാന ഘടകം നല്ല ഉറക്കമാണ്. ഷൂട്ടിങ് തിരക്കുകൾക്കിടയിൽ മതിയായ വിശ്രമം ആവശ്യമാണെന്ന് നടി ഉറച്ചു വിശ്വസിക്കുന്നു. ദിവസത്തിൽ മതിയായ ഉറക്കവും വിശ്രമവും ലഭിക്കുന്നുണ്ടെന്ന് താരം ഉറപ്പ് വരുത്താറുണ്ട്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കാപ്പി കുടിക്കാം, പക്ഷേ രാവിലെ മാത്രം; പുതിയ പഠനം പറയുന്നത്
• മുട്ട ദിവസവും കഴിച്ചാൽ കൊളസ്ട്രോൾ കൂടുമോ? ഈ രീതിയിൽ കഴിച്ചോളൂ
• ദിവസവും പൈനാപ്പിൾ കഴിക്കാമോ? കൂടുതൽ അറിയാം
• പ്രമേഹമുള്ളവർക്ക് വാഴപ്പഴം കഴിക്കാമോ? അനുയോജ്യ സമയം എപ്പോൾ?