ചെറുപ്പക്കാരിൽ രക്തസമർദം വർധിക്കുന്നു; ജീവിതശൈലിയിൽ മാറ്റം വരുത്തേണ്ടതെങ്ങനെ

ഏതൊരു കൗമാരക്കാരനെയും പോലെ, 20 വയസ്സുള്ള റാം (യഥാർഥ പേരല്ല ) ഏറ്റവും ഇഷ്ടപ്പെടുന്ന ഭക്ഷണം നൂഡിൽസാണ്. റാമിന്റെ അമിതശരീരഭാരം പ്രായപൂർത്തിയാകുമ്പോൾ മാറുമെന്നായിരുന്നു എല്ലാവരും കരുതിയിരുന്നത്. രണ്ട് വർഷം മുൻപ് ടിവി കാണുന്നതിനിടയിൽ രാം ബോധംകെട്ട് വീണതോടെയാണ് വീട്ടുകാർ ആശുപത്രിയിലെത്തിച്ചത്. എന്നാൽ അവിടെയെത്തി റാമിന്റെ രക്തസമ്മർദ്ദം പരിശോധിച്ചപ്പോഴാണ് മാതാപിതാക്കൾ ഞെട്ടിയത്.

രക്തസമ്മർദ്ദത്തിന്റെ അളവ് 120/80 എംഎംഎച്ച്ജിയിൽ നിന്ന് 200/140 എംഎംഎച്ച്ജിയിലേക്ക് ഉയർന്നതിനാൽ അത് ഹൈപ്പർടെൻസിവ് എമർജൻസിയായി മാറിയിരുന്നു. അപ്പോൾ റാമിന്റെ പ്രായം വെറും 18 വയസ്സായിരുന്നു. ഹൈപ്പർടെൻഷൻ ഒരു നിശ്ശബ്ദ കൊലയാളിയാണ്, നിങ്ങൾ ചെറുപ്പമോ പ്രായമുള്ളവരോ എന്നത് അതിൽ പരിഗണിക്കാതെ കഴിയില്ല. രക്തസമ്മർദ്ദം എപ്പോഴും 130/80 എംഎംഎച്ച്ജിയായി തുടരണമെന്ന് കാർഡിയോളജിസ്റ്റുകൾ പറയുന്നു.

യുവാക്കൾക്കിടയിലെ ഹൈപ്പർടെൻഷനിൽ ജീവിതശൈലിയുടെ പങ്ക്

അധ്യയന വർഷങ്ങളിൽ യുവാക്കളിൽ രക്തസമ്മർദ്ദം വർധിക്കുന്നതിന് അവരുടെ ഉദാസീനമായ ശീലങ്ങൾ, സ്കൂളിലെ പ്രവർത്തനങ്ങൾ, ട്യൂട്ടോറിയൽ, അസൈൻമെന്റ് പ്രതിബദ്ധതകൾ എന്നിവയും കാരണമാണ്. അവർ അനാരോഗ്യകരമായ ഭക്ഷണക്രമങ്ങൾ (ഉയർന്ന പഞ്ചസാര, ശുദ്ധീകരിച്ച കാർബോഹൈഡ്രേറ്റ്, ഉപ്പ്, ട്രാൻസ് അല്ലെങ്കിൽ പൂരിത കൊഴുപ്പുകൾ) കൂടുതൽ കഴിക്കുന്ന സമയം കൂടിയാണിത്. പഴങ്ങൾ, പച്ചക്കറികൾ, നട്സ് എന്നിവ കഴിക്കാൻ കുട്ടിക്കാലത്തെ ശിക്ഷണം നൽകാമെങ്കിലും, കൗമാരത്തിലേക്ക് കടക്കുമ്പോൾ അവർ അവ ഉപേക്ഷിക്കുന്നു.

പിന്നീട് അവർ ജോലികളിലേക്കും മറ്റും തിരിയുമ്പോൾ ജീവിതക്രമ പാറ്റേൺ തന്നെ മാറുന്നു. ദീർഘനേരം ജോലിയിൽ തുടരുക, സമ്മർദ്ദം, വേണ്ടത്ര ഉറക്കം ലഭിക്കാത്തത്, മദ്യപാനം, പുകവലി. "രക്തധമനികളിലെ ഇത്തരം ആക്രമണങ്ങൾ കാലക്രമേണ തുടരുമ്പോൾ, രക്താതിമർദ്ദം നിലനിൽക്കും," പബ്ലിക് ഹെൽത്ത് ഫൗണ്ടേഷൻ ഓഫ് ഇന്ത്യയുടെ (PHFI) ഓണററി പ്രൊഫസർ ഡോ. കെ.ശ്രീനാഥ് റെഡ്ഡി വിശദീകരിക്കുന്നു.

“യുവതലമുറയ്ക്ക് ഫാസ്റ്റ് ഫുഡിനോടുള്ള ആസക്തിയും പുറത്തുനിന്നുള്ള ഭക്ഷണവും കാരണം അപകടസാധ്യത കൂടുതലാണ്. അവർ ദിവസവും കഴിക്കുന്ന ഉപ്പും കൊഴുപ്പും ശുപാർശ ചെയ്യുന്ന പ്രതിദിന അലവൻസിനേക്കാൾ (ആർഡിഎ) വളരെ കൂടുതലാണ്,"പൂനെ ആസ്ഥാനമായുള്ള കാർഡിയാക് സർജനും ഭാരതി ഹോസ്പിറ്റലിലെ സർജിക്കൽ സർവീസസ് ഡയറക്ടറുമായ ഡോ വിജയ് നടരാജൻ പറയുന്നു.

ആരോഗ്യത്തിൽ ഹൈപ്പർടെൻഷന്റെ ദീർഘകാല ആഘാതം എന്താണ്?

ഇത് പ്രമേഹം, അമിതശരീരഭാരം, ഹൃദയാഘാതം തുടങ്ങിയ ഉപാപചയ വൈകല്യങ്ങളിലേക്കുള്ള സാധ്യത വർധിപ്പിക്കുന്നു. “അനിയന്ത്രിതമായ രക്താതിമർദ്ദം മൂലം രക്തക്കുഴലുകൾക്ക് നീണ്ടുനിൽക്കുന്ന കേടുപാടുകൾ ഹൃദയാഘാതം, മസ്തിഷ്കാഘാതം, വൃക്ക തകരാറുകൾ, ഹൃദയസ്തംഭനം എന്നിവയ്ക്ക് കാരണമാകുന്നു. കാലക്രമേണ, രക്തസമ്മർദ്ദം അയോർട്ടയുടെ അനൂറിസം, പെരിഫറൽ വാസ്കുലർ രോഗം, വൈജ്ഞാനിക പ്രവർത്തനം, വാസ്കുലർ ഡിമെൻഷ്യ, കാഴ്ചശക്തി എന്നിവയ്ക്ക് കാരണമായേക്കാം.

ഉദാസീനമായ ജീവിതശൈലി, ഉപ്പിന്റെ അംശം കൂടുതലുള്ള ഭക്ഷണങ്ങളോടുള്ള ആസക്തി, എംഎസ്ജി, പോളിഅൺസാച്ചുറേറ്റഡ് കൊഴുപ്പുകൾ, ക്രമരഹിതമായ ഉറക്ക ശീലങ്ങൾ, പുകവലി, മദ്യപാനം എന്നിവ യുവാക്കൾക്കിടയിൽ ഹൈപ്പർടെൻഷന്റെ വ്യാപനത്തിന് കാരണമായ ഘടകങ്ങളാണ്, വിദഗ്ധൻ അഭിപ്രായപ്പെടുന്നു. “അസാധാരണ അമിതശരീരഭാരം വർധിച്ചുവരികയാണ്. ഹൈപ്പർടെൻഷന്റെ ശിക്ഷയാണിത്. രക്താതിമർദ്ദത്തിന് കാരണമാകുമെന്ന് ഇപ്പോൾ തെളിയിക്കപ്പെട്ടതിനാൽ വായു മലിനീകരണം ഒരു പ്രധാന ഘടകമായി ഉയർന്നു. വായുവിന്റെ ഗുണനിലവാരം മോശമാകുമ്പോൾ, സമൂഹത്തിൽ രക്തസമ്മർദ്ദം വർധിക്കുന്നു, ”ഡോ റെഡ്ഡി പറയുന്നു.

ചെറുപ്പക്കാർ അറിഞ്ഞിരിക്കേണ്ട കാര്യങ്ങൾ

ഉദാസീനമായ ജീവിതശൈലി, ഉപ്പിന്റെ അംശം കൂടുതലുള്ള ഭക്ഷണങ്ങളോടുള്ള ആസക്തി, എംഎസ്ജി, പോളിഅൺസാച്ചുറേറ്റഡ് കൊഴുപ്പുകൾ, ക്രമരഹിതമായ ഉറക്ക ശീലങ്ങൾ, പുകവലി, മദ്യപാനം എന്നിവ യുവാക്കൾക്കിടയിൽ ഹൈപ്പർടെൻഷന്റെ വ്യാപനത്തിന് കാരണമായ ഘടകങ്ങളാണ്, വിദഗ്ധൻ അഭിപ്രായപ്പെടുന്നു. “അസാധാരണ അമിതശരീരഭാരം വർധിച്ചുവരികയാണ്. ഹൈപ്പർടെൻഷന്റെ ശിക്ഷയാണിത്. രക്താതിമർദ്ദത്തിന് കാരണമാകുമെന്ന് ഇപ്പോൾ തെളിയിക്കപ്പെട്ടതിനാൽ വായു മലിനീകരണം ഒരു പ്രധാന ഘടകമായി ഉയർന്നു. വായുവിന്റെ ഗുണനിലവാരം മോശമാകുമ്പോൾ, സമൂഹത്തിൽ രക്തസമ്മർദ്ദം വർധിക്കുന്നു, ”ഡോ റെഡ്ഡി പറയുന്നു.

ജനിതക അല്ലെങ്കിൽ പാരമ്പര്യ ഘടകങ്ങൾ

ഹൈപ്പർടെൻഷന്റെ ശക്തമായ കുടുംബ ചരിത്രം തീർച്ചയായും ഒരു ചെറുപ്പക്കാരനെ അകാല ഹൈപ്പർടെൻഷനിലേക്ക് നയിക്കുന്നു. “ഇതൊരു പോളിജെനിക് ഡിസോർഡർ ആണ്. ജീൻ-പാരിസ്ഥിതിക ഇടപെടലുകളിൽ ശക്തമായ പങ്ക് വഹിക്കുന്നു. യൗവനത്തിലോ മധ്യവയസ്സിലോ ഹൈപ്പർടെൻഷൻ ഉണ്ടായിരുന്നെങ്കിൽ, അവരുടെ മക്കളിൽ അപകടസാധ്യത വർധിക്കും, കുറഞ്ഞത് 80-90 ശതമാനം ചെറുപ്പക്കാർക്കെങ്കിലും രോഗലക്ഷണങ്ങൾ ഉണ്ടാകില്ല. തുടർന്ന് പെട്ടെന്നുള്ള സങ്കീർണതകൾ ഉണ്ടാകുന്നു. നിങ്ങളുടെ ബിപി നില അവഗണിക്കരുത്, 130/80 mmHg നിലനിർത്തുക. അതായിരിക്കണം ലക്ഷ്യമെന്നും വിദഗ്ധൻ പറയുന്നു.

ബിപി മരുന്നുകൾ നിർത്തരുത്

പ്രശസ്ത കാർഡിയാക് സർജനും നാരായണ ഹെൽത്തിന്റെ ചെയർമാനും സ്ഥാപകനുമായ ഡോ. ദേവി പ്രസാദ് ഷെട്ടി പറയുന്നത്, പലരും ബിപി മരുന്ന് ഉപേക്ഷിക്കുകയും ഹൈപ്പർടെൻഷൻ നിയന്ത്രിക്കുന്നതിനുള്ള ഇൻസ്റ്റാഗ്രാം പോസ്റ്റുകളെ വിശ്വസിക്കുകയും ചെയ്യുന്നു, ഇത് ഏറ്റവും അപകടകരമായ പെരുമാറ്റമാണ്.

“കഴിഞ്ഞ കുറച്ച് ദിവസങ്ങളായി, ഉയർന്ന രക്തസമ്മർദ്ദം ചികിത്സിക്കുമെന്ന് അവകാശപ്പെടുന്ന ഒരു അജ്ഞാത കമ്പനി കാർഡിയോടോണിൻ എന്ന സാങ്കൽപ്പിക മരുന്ന് പ്രചരിപ്പിക്കുന്ന ഒന്നിലധികം ലേഖനങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്. നിർഭാഗ്യവശാൽ, അനുമതിയില്ലാതെ എന്റെ ഫോട്ടോ ഉപയോഗിക്കുകയും കെട്ടിച്ചമച്ച അഭിമുഖം പ്രസിദ്ധീകരിക്കുകയും ചെയ്തു. മാത്രമല്ല, പ്രശസ്ത മെഡിക്കൽ ജേണലുകളിൽ നിന്നുള്ള തെറ്റായ ഉദ്ധരണികൾ ഈ വ്യാജ മരുന്നിനെ അംഗീകരിക്കുന്നു. ആരോഗ്യവുമായി ബന്ധപ്പെട്ട വ്യാജവാർത്തകളുടെ അപകടങ്ങളെക്കുറിച്ചും അതിന്റെ അനന്തരഫലങ്ങളെക്കുറിച്ചും അവബോധം പ്രചരിപ്പിക്കാൻ സഹായിക്കേണ്ടതുണ്ട്, ”അദ്ദേഹം പറയുന്നു.

ഉയർന്ന രക്തസമ്മർദ്ദത്തിനുള്ള ഏക ചികിത്സ മരുന്നുകൾ മാത്രമാണെന്ന് അദ്ദേഹം വാദിക്കുന്നു. “തുടക്കത്തിൽ, ശരീരഭാരം കുറയ്ക്കലും ജീവിതശൈലി മാറ്റവും സഹായിക്കുന്നു. എന്നിരുന്നാലും, സമ്മർദ്ദം ഉയർന്ന നിലയിൽ തുടരുകയാണെങ്കിൽ, മെഡിക്കൽ പ്രാക്ടീഷണറുമായി കൂടിയാലോചിച്ച് ദിവസേന മരുന്നുകൾ കഴിച്ച് അത് നിയന്ത്രിക്കേണ്ടതുണ്ട്. അവർ ഏറ്റവും മികച്ചത് എന്താണെന്ന് തീരുമാനിക്കും. രക്തസമ്മർദ്ദം അതിവേഗം ഉയരുകയും മസ്തിഷ്കാഘാതം, ഹൃദയസ്തംഭനം, മറ്റ് പ്രശ്നങ്ങൾ എന്നിവയ്ക്ക് കാരണമാവുകയും ചെയ്യും എന്നതാണ് മരുന്ന് നിർത്തുന്നതിന്റെ പ്രശ്നം. അതിനാൽ നിങ്ങളുടെ ഡോക്ടർ പറയാതെ രക്തസമ്മർദ്ദത്തിനുള്ള മരുന്നുകൾ നിർത്തരുത്. അനിയന്ത്രിതമായ രക്തസമ്മർദ്ദം ഗുരുതരമായ നാശമുണ്ടാക്കുന്നു," ഡോ. ദേവി പ്രസാദ് മുന്നറിയിപ്പ് നൽകുന്നു.

ചെറുപ്പത്തിലെ ഹൈപ്പർടെൻഷനു കാരണമാകുന്നത്

1. ഉദാസീനമായ ജീവിതശൈലി
2. ഉപ്പിന്റെ അംശം, എംഎസ്ജി, പോളിഅൺസാച്ചുറേറ്റഡ് കൊഴുപ്പ് എന്നിവ കൂടുതലുള്ള ഭക്ഷണങ്ങളോടുള്ള ആസക്തി
3. ക്രമരഹിതമായ ഉറക്ക ശീലങ്ങൾ
4. പുകവലിയും മദ്യവും
5. ജോലിയുമായി ബന്ധപ്പെട്ട സമ്മർദ്ദം
6. അമിതശരീരഭാരം, പ്രത്യേകിച്ച് വയറിലെ കൊഴുപ്പ്