വൃക്കയിലെ കല്ല്? ഈ ഭക്ഷണങ്ങൾ നിങ്ങളുടെ ശത്രുക്കളാണ്

ശരീരത്തിന് ആവശ്യമുള്ള അളവിൽ ധാതുക്കളും ലവണങ്ങളും ഉപയോഗിച്ചശേഷം ബാക്കിയുള്ളത് വൃക്കകൾ അരിച്ചുമാറ്റി മൂത്രത്തിലൂടെ ശരീരത്തിന്റെ പുറത്തേക്ക് കളയുകയാണ് പതിവ്. ഈ സമയത്ത് കാൽസ്യം, ഫോസ്‌ഫേറ്റ്, ഓക്‌സലേറ്റ്, യൂറിക് ആസിഡ് തുടങ്ങിയ ലവണങ്ങളുടെ ചെറിയ തരികൾ വൃക്കയിൽ പരലുകളായി രൂപപ്പെടും. ചെറിയ പരലുകൾ മൂത്രത്തിലൂടെ പുറത്തേക്ക് പോകും. എന്നാൽ ഈ പരലുകൾക്ക് വലുപ്പം കൂടുമ്പോൾ അവ കുടുങ്ങിക്കിടക്കും. അപ്പോഴാണ് വൃക്കയിലെ കല്ലുകളുടെ രോഗലക്ഷണങ്ങൾ കണ്ടു തുടങ്ങുന്നത്.

വൃക്കയിൽ കല്ലുള്ളവർ ഭക്ഷണകാര്യത്തിൽ ശ്രദ്ധ വേണം. വൃക്കയിൽ കല്ലുണ്ടാക്കാൻ സാധ്യതയുള്ള ഭക്ഷണങ്ങളെക്കുറിച്ച് അറിഞ്ഞിരിക്കുന്നത് അവ വീണ്ടും ഉണ്ടാകുന്നത് തടയാനും വൃക്കയുടെ ആരോഗ്യം സംരക്ഷിക്കാനും സഹായിക്കും. വൃക്കയിലെ കല്ലുകൾ ഉണ്ടെങ്കിൽ ഒഴിവാക്കേണ്ട ഭക്ഷണങ്ങൾ ഏതൊക്കെയാണെന്ന് നോക്കാം.

Also Read: ഉണർന്ന ഉടൻ വ്യായാമം, വിശക്കുമ്പോൾ ബദാമോ വാഴപ്പഴമോ കഴിക്കും; 30 കിലോ കുറച്ചതിനെക്കുറിച്ച് സൊനാക്ഷി

1. സ്പിനച്

സ്പിനചിൽ ഓക്സലേറ്റുകൾ കൂടുതലാണ്. ഇത് വൃക്കകളിൽ കാൽസ്യവുമായി ബന്ധിപ്പിച്ച് കാൽസ്യം ഓക്സലേറ്റ് കല്ലുകൾ ഉണ്ടാക്കുന്നു. ഇവ പോഷകസമൃദ്ധമാണെങ്കിലും വലിയ അളവിൽ കഴിക്കുന്നത് അപകടസാധ്യത വർധിപ്പിക്കും. 

2. നട്സും സീഡ്സും

മിതമായ അളവിൽ ആരോഗ്യകരമാണെങ്കിലും, ബദാം, കശുവണ്ടി, നിലക്കടല തുടങ്ങിയ നട്സുകളിൽ ഓക്സലേറ്റ് ധാരാളം അടങ്ങിയിട്ടുണ്ട്. വൃക്കയിലെ കല്ലുകൾ ഉണ്ടായിട്ടുള്ളവർക്ക്, ഇവ അമിതമായി കഴിക്കുന്നത് വീണ്ടും കല്ലുകൾ ഉണ്ടാകാനുള്ള സാധ്യത വർധിപ്പിക്കും.

Also Read:30 ദിവസം 5 കുതിർത്ത ബദാം കഴിക്കുക, നേടാം ഈ ആരോഗ്യ ഗുണങ്ങൾ

3. ചോക്ലേറ്റ്

ഡാർക്ക് ചോക്ലേറ്റിലും കൊക്കോയിലും ഓക്സലേറ്റുകൾ കൂടുതലാണ്. വൃക്കയിലെ കല്ലുകൾക്ക് സാധ്യതയുള്ള ആളുകൾക്ക് പതിവായി അല്ലെങ്കിൽ അമിതമായി കഴിക്കുന്നത് പ്രശ്നമുണ്ടാക്കാം.

4. ചായ

ഓക്സലേറ്റ് കൂടുതലുള്ള മറ്റൊരു പാനീയമാണ് ബ്ലാക്ക് ടീ. അമിതമായി കുടിക്കുന്നത് ഓക്സലേറ്റ് അളവ് വർധിപ്പിക്കുകയും കല്ല് രൂപപ്പെടുന്നതിന് കാരണമാവുകയും ചെയ്യും. 

Also Read: വെജിറ്റേറിയൻ ഭക്ഷണം, 1 മണിക്കൂർ വ്യായാമം; ഭൂമി പട്നേക്കർ 35 കിലോ കുറച്ചത് ഇങ്ങനെ

5. റെഡ് മീറ്റ്

റെഡ് മീറ്റിൽ പ്യൂരിനുകൾ കൂടുതലാണ്, ഇത് ശരീരത്തിലെ യൂറിക് ആസിഡിന്റെ അളവ് വർധിപ്പിക്കും. അമിതമായ യൂറിക് ആസിഡ് കല്ലുകൾക്ക് കാരണമാകും. 

6. കോളയും പഞ്ചസാര അടങ്ങിയ പാനീയങ്ങളും

കോളയിൽ ഫോസ്ഫോറിക് ആസിഡ് അടങ്ങിയിട്ടുണ്ട്, ഇത് കല്ല് രൂപപ്പെടുന്നതിന് കാരണമാകും. പഞ്ചസാര അടങ്ങിയ സോഡകളും പാനീയങ്ങളും യൂറിക് ആസിഡ് വർധിപ്പിക്കുകയും മൂത്രത്തിന്റെ അളവ് കുറയ്ക്കുകയും ചെയ്യും. ഇവ രണ്ടും വൃക്കയിലെ കല്ലുകൾക്കുള്ള അപകട ഘടകങ്ങളാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Also Read: അത്താഴം നേരത്തെ കഴിച്ച് നോക്കൂ; കാത്തിരിക്കുന്നത് അനവധി ആരോഗ്യ ഗുണങ്ങൾ