എല്ലാ ദിവസവും 8 ഗ്ലാസ് ചൂടുവെള്ളം കുടിക്കുന്നത് ഗുണം ചെയ്യുമോ?

ദിവസവും എട്ടു ഗ്ലാസ് വെള്ളം കുടിക്കണമെന്നാണ് പൊതുവേ ആരോഗ്യ വിദഗ്ധർ പറയുന്നത്. ജ്യൂസോ തിളപ്പിച്ചാറിയ വെള്ളമോ ഏതുവേണമെങ്കിലും കുടിക്കാം. അങ്ങനെയെങ്കിൽ ഈ 8 ഗ്ലാസ് എന്നു പറയുന്നത് ചൂടുവെള്ളമായാലോ?. ചൂടുവെള്ളം ആരോഗ്യത്തിന് നല്ലതാണോ?. 
ഒരു ദിവസം എട്ട് ഗ്ലാസ് ചൂടുവെള്ളം കുടിക്കുന്നത് ആരോഗ്യത്തിന് നല്ലതാണെന്ന് ഹൈദരാബാദിലെ കെയർ ഹോസ്പിറ്റലിലെ ക്ലിനിക്കൽ ഡയറ്റീഷ്യൻ ജി.സുഷമ പറഞ്ഞു. 

മെച്ചപ്പെട്ട ദഹനം: ചൂടുവെള്ളം ദഹനവ്യവസ്ഥയെ ഉത്തേജിപ്പിക്കുകയും ഭക്ഷണ വിഘടനത്തിന് സഹായിക്കുകയും സുഗമമായ ദഹനത്തെ പ്രോത്സാഹിപ്പിക്കുകയും ചെയ്യും.

വിഷവസ്തുക്കളെ പുറന്തള്ളും: ചൂടുവെള്ളം ശരീരത്തിലെ വിഷവസ്തുക്കളെ കൂടുതൽ കാര്യക്ഷമമായി പുറന്തള്ളാൻ സഹായിച്ചേക്കാം.

ശരീര ഭാരം കുറയ്ക്കാം: ചൂടുവെള്ളത്തിന് ഉപാപചയപ്രവർത്തനം വർധിപ്പിക്കാൻ കഴിയുമെന്ന് പഠനങ്ങൾ പറയുന്നു. കൊഴുപ്പ് എരിച്ചു കളയാൻ സഹായിക്കുന്നതിലൂടെ ശരീരഭാരം കുറയ്ക്കാൻ സഹായിച്ചേക്കാം.

ചൂടുവെള്ളം കുടിക്കുന്നത് ആരോഗ്യപരമായി നല്ലതാണ്. ദഹനം, വിഷാംശം ഇല്ലാതാക്കൽ, ശരീരഭാരം നിയന്ത്രിക്കൽ എന്നിവയെ സഹായിക്കുന്നു. എന്നാൽ, മിതത്വം പ്രധാനമാണ്. ചൂടുവെള്ളം കുടിച്ചതുമൂലം എന്തെങ്കിലും ആരോഗ്യപ്രശ്നങ്ങൾ ഉണ്ടെങ്കിൽ ഡോക്ടറെ സമീപിക്കുക.

ഒരു ഗ്ലാസ് ചൂടുവെള്ളം കുടിച്ചുകൊണ്ട് ദിവസം ആരംഭിച്ചാൽ മൊത്തത്തിലുള്ള ആരോഗ്യവും ഫിറ്റ്‌നസും ഉറപ്പാക്കാൻ സാധിക്കുമെന്നാണ് ആയുർവേദ ഡോക്ടറായ ദിക്സ ഭാവ്സർ പറയുന്നത്. കുടൽ എളുപ്പത്തിൽ വൃത്തിയാക്കാൻ സഹായിക്കുന്നു., മധുരത്തോടും മറ്റുമുള്ള ആസക്തികളെ അകറ്റി നിർത്തും, വയറുവേദന, വയറിലെ അസ്വസ്ഥതകൾ പോലുള്ള പ്രശ്നങ്ങളെ അകറ്റി നിർത്തും, വിശപ്പ് മെച്ചപ്പെടുത്തുന്നു, ചർമ്മം വൃത്തിയാക്കി നിലനിർത്താൻ സഹായിക്കുന്നു തുടങ്ങിയ ഗുണങ്ങളുണ്ടെന്ന് അവർ പറഞ്ഞു.

Read More

• വയറുവേദനയോ നെഞ്ചെരിച്ചിലോ, ദഹനപ്രശ്നങ്ങളെല്ലാം അകറ്റാം; അത്താഴ സമയം ശരിയാക്കൂ
• കുടിക്കുന്ന വെള്ളത്തില്‍ ഒരു നുള്ള് ഉപ്പ്, നിര്‍ജ്ജലീകരണത്തിനുള്ള പരിഹാരമോ?
• മത്തങ്ങ വിത്ത് വലിച്ചെറിയരുത്, ഈ ആരോഗ്യ ഗുണങ്ങൾ അറിഞ്ഞിരിക്കുക
• ശരീര ഭാരം കുറയ്ക്കാൻ കറുവാപ്പട്ട ചായ കുടിക്കേണ്ടത് എന്തുകൊണ്ട്?