ശരീര ഭാരം കുറയ്ക്കാൻ അവോക്കാഡോ മടി കൂടാതെ കഴിക്കാം

ശരീരഭാരം കുറയ്ക്കാൻ ആരോഗ്യകരവും സമീകൃതവുമായ ഭക്ഷണക്രമം പ്രധാനമാണ്. ശരീര ഭാരം കുറയ്ക്കാനുള്ള ഡയറ്റിൽ ശരിയായ പഴങ്ങളും പച്ചക്കറികളും ഉൾപ്പെടുത്തണം. വണ്ണം കുറയ്ക്കാൻ സഹായിക്കുന്ന ഒരു പഴമാണ് അവോക്കാഡോ. വയർ നിറഞ്ഞ സംതൃപ്തി നൽകുന്നതിലൂടെ അവോക്കാഡോ മധുരമുള്ള ലഘുഭക്ഷണങ്ങൾ കഴിക്കാനുള്ള പ്രവണത കുറയ്ക്കുന്നു. മാത്രമല്ല, ഉപാപചയപ്രവർത്തനം വർധിപ്പിക്കുന്നു. ശരീരഭാരം കുറയ്ക്കാൻ സഹായിക്കുന്ന നാരുകളുടെയും നല്ല കൊഴുപ്പിന്റെയും സമ്പന്നമായ ഉറവിടം കൂടിയാണിത്. 

ശരീരഭാരം കുറയ്ക്കാൻ സമീകൃതാഹാരത്തിന്റെ ഭാഗമായി മിതമായ അളവിൽ അവോക്കാഡോ കഴിക്കാം. ഉയർന്ന കലോറി ഉള്ളടക്കം ഉണ്ടായിരുന്നിട്ടും, വിശപ്പ് നിയന്ത്രിക്കാനും ഉപാപചയ ആരോഗ്യം മെച്ചപ്പെടുത്താനും ശരീര ഭാരം നിയന്ത്രിക്കാനും ഈ പഴത്തിന് കഴിയും. ശരീരഭാരം കുറയ്ക്കാൻ അവോക്കാഡോ ഗുണം ചെയ്യുന്നത് എങ്ങനെയെന്ന് നോക്കാം.

1. നാരുകളുടെ ഉയർന്ന ഉള്ളടക്കം

നാരുകളാൽ സമ്പന്നമായതിനാൽ ശരീരഭാരം കുറയ്ക്കാൻ അവോക്കാഡോകൾക്ക് കഴിയും. ദഹനം മന്ദഗതിയിലാക്കുന്നതിലൂടെയും രക്തത്തിലെ പഞ്ചസാരയുടെ അളവ് സ്ഥിരപ്പെടുത്തുന്നതിലൂടെയും നാരുകൾ കൂടുതൽ നേരം വയർ നിറഞ്ഞ സംതൃപ്തി നിലനിർത്താൻ സഹായിക്കുന്നു. അമിതഭക്ഷണവും അനാരോഗ്യകരമായ ലഘുഭക്ഷണവും കഴിക്കാനുള്ള സാധ്യത കുറയ്ക്കുന്നു. 

2. ആരോഗ്യകരമായ കൊഴുപ്പുകളാൽ നിറഞ്ഞിരിക്കുന്നു

അവോക്കാഡോകളിൽ ഒലിക് ആസിഡ് പോലുള്ള മോണോസാച്ചുറേറ്റഡ് കൊഴുപ്പുകൾ അടങ്ങിയിട്ടുണ്ട്. ഇവ കൊഴുപ്പ് എരിച്ചു കളയുന്നതിനും കൊഴുപ്പ് സംഭരണം കുറയ്ക്കുന്നതിനും സഹായിക്കുന്നു. ഇതിലൂടെ ശരീര ഭാരം കുറയ്ക്കുന്നു.

3. ഉപാപചയപ്രവർത്തം വർധിപ്പിക്കുന്നു

അവോക്കാഡോയിലെ മോണോസാച്ചുറേറ്റഡ് കൊഴുപ്പുകൾ ഉപാപചയ പ്രവർത്തനക്ഷമത മെച്ചപ്പെടുത്താൻ സഹായിക്കും. കൊഴുപ്പ് സംഭരിക്കുന്നതിനുപകരം അവയെ ഊർജത്തിനായി ഉപയോഗിക്കുന്നതിന് ശരീരത്തെ പ്രാപ്തരാക്കുന്നു. ഉയർന്ന ഉപാപചയ നിരക്ക് കലോറി കത്തിക്കാൻ സഹായിക്കുന്നു. 

4. പൊട്ടാസ്യം സമ്പുഷ്ടമാണ്

ശരീരഭാരം കുറയ്ക്കാൻ അവോക്കാഡോ കഴിക്കുന്നതിനുള്ള മറ്റൊരു കാരണം അവ പൊട്ടാസ്യത്തിന്റെ മികച്ച ഉറവിടമാണെന്നതാണ്. പൊട്ടാസ്യം പേശികളുടെ പ്രവർത്തനത്തിന് ആവശ്യമാണ്. കലോറി എരിച്ചു കളയുന്നതിന് ഇത് ആവശ്യമാണ്. 

5. വിശപ്പ് നിയന്ത്രിക്കുന്നു

അവോക്കാഡോകൾ ആരോഗ്യകരമായ കൊഴുപ്പുകളുടെയും നാരുകളുടെയും ഉറവിടമായതിൽ സംതൃപ്തി നൽകുന്നു. അവോക്കാഡോ കഴിക്കുന്നത് വിശപ്പ് നിയന്ത്രിക്കാൻ സഹായിക്കുമെന്ന് ന്യൂട്രീഷൻ ജേണലിൽ പ്രസിദ്ധീകരിച്ച ഒരു പഠനം പറയുന്നു. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• പപ്പായ ദിവസവും വെറും വയറ്റിൽ കഴിക്കാം; 5 ആരോഗ്യ ഗുണങ്ങൾ
• വീട്ടിലുണ്ട് മരുന്ന്; ഫാറ്റി ലിവർ ചികിത്സിക്കാൻ ഇവയിലൊന്ന് ട്രൈ ചെയ്യൂ
• ദിവസവും രാവിലെ പേരയിലകൾ ചവയ്ക്കാം, 6 ആരോഗ്യ ഗുണങ്ങൾ കിട്ടും
• നിറത്തിലല്ല ഗുണത്തിലാണ് കാര്യം, ഊർജവും ഉന്മേഷവും ലഭിക്കാൻ ഈ ജ്യൂസ് കുടിക്കൂ