വിശപ്പകറ്റാം ഊർജ്ജവും ഉന്മേഷവും നേടാം, അതിന് അവൽ മിൽക്ക് തന്നെ ധാരാളം

കുട്ടികളുടെ പ്രിയപ്പെട്ട ഡ്രിങ്ക് ആണ് ഷേക്ക്. അവ വീട്ടിൽ വ്യത്യസ്ത രുചിയിൽ തയ്യാറാക്കാം. മലയാളിക്ക് ഏറെ സുപരിചിതമായ അവൽ മിഷക്ക് ഷേക്ക് തന്നെ ആദ്യം ട്രൈ ചെയ്താലോ? പാലും അവലും പഞ്ചസാരയും അല്ലെങ്കിൽ ഈന്തപ്പഴവുമാണ് പ്രധാന ചേരുവകൾ. മലബാർ മേഖലകളിലാണ് ഇത് അധികവും പ്രചാരത്തിലുള്ളത്.   ഒരു ഗ്ലാസ് കുടിച്ചാൽ ദാഹവും വിശപ്പും ശമിക്കും, ആരോഗ്യത്തിനും ഏറെ ഗുണപ്രദമാണ്. അവൽ പ്രഥമനോട് സാമ്യമുള്ള ഒരു വിഭവമാണിത്. ഷാൻ ജിയോ തൻ്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: ആരോഗ്യമുള്ള ശരീരത്തിനും തിളക്കമുള്ള ചർമ്മത്തിനും ഇതുപോലൊരു സൂപ്പ് ദിവസവും കഴിക്കൂ

ചേരുവകൾ

• അവൽ- 1 കപ്പ്
• പാൽ- 2 കപ്പ്
• പഞ്ചസാര- 1/2 കപ്പ്
• ഏലയ്ക്ക- 2
• കശുവണ്ടി- 10
• ഉണക്കമുന്തിരി- 10
• നെയ്യ്- 2 സ്പൂൺ
• വെള്ളം- ആവശ്യത്തിന്

Also Read: ശരീരഭാരം കുറയ്ക്കാൻ ഇതിലും നല്ലൊരു ഭക്ഷണമില്ല, ട്രൈ ചെയ്തു നോക്കൂ

Also Read: ബേക്കറിയിൽ കിട്ടുന്നതിനേക്കാൾ നല്ല മുട്ട പഫ്‌സ് ഈസിയായി വീട്ടിലുണ്ടാക്കാം

തയ്യാറാക്കുന്ന വിധം

• അവൽ കഴുകിയെടുക്കാം. അടി കട്ടിയുള്ള ഒരു പാത്രം അടുപ്പിൽ വച്ച് നെയ്യ് ഒഴിച്ചു ചൂടാക്കാം.
• അതിലേയ്ക്ക് കശുവണ്ടിയും ഉണക്കമുന്തിരിയും ചേർത്തു വറുത്തെടുക്കാം.
• അതേ പാത്രത്തിലേയ്ക്ക് പാൽ ഒഴിച്ച് തിളപ്പിക്കാം.
• തിളച്ചു തുടങ്ങുമ്പോൾ പഞ്ചസാരയും ഏലയ്ക്ക പൊടിച്ചതും ചേർക്കാം.
  ഒപ്പം അവൽ കൂടി ചേർക്കാം.
• അവൽ വെന്ത് കുതിർന്നു കഴിഞ്ഞ് വറുത്തെടുത്ത കശുവണ്ടിയും ഉണക്കമുന്തിരിയും ചേർക്കാം.
• അടുപ്പണച്ച് അത് തണുക്കാൻ വയ്ക്കാം. ശേഷം ഫ്രിഡ്ജിൽ വച്ച് ആവശ്യാനുസരണം വിളമ്പാം.
• പാൽ തിളപ്പിച്ചെടുത്ത് തണുത്തതിനു ശേഷം നന്നായി പഴുത്ത ചെറുപഴവും അവലും ചേർത്ത് അരച്ചെടുക്കുന്ന എളുപ്പ വിദ്യയും ഉപയോഗിക്കാം. 

Read More: ഒരു കപ്പ് റവ ഉണ്ടോ? എങ്കിൽ ഇനി ദോശ മാവ് തയ്യാറാക്കാൻ അരിയും ഉഴുന്നും വേണ്ട