ട്രായ് വാട്സ്ആപ്പ് പോലുള്ള സേവനങ്ങൾ നിയന്ത്രിക്കാൻ ശ്രമിക്കുന്നതെന്തിന്?

വാട്ട്സ്ആപ്പ്, സൂം, ഗൂഗിൾ മീറ്റ് തുടങ്ങിയ ഓവർ-ദി-ടോപ്പ് (ഒടിടി) കമ്മ്യൂണിക്കേഷൻ സേവനങ്ങൾക്ക് ചട്ടക്കൂടുമായി ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്). ഈ പ്ലാറ്റ്ഫോമുകൾക്ക് പ്രത്യേക നിയന്ത്രണ ചട്ടക്കൂട് സൃഷ്ടിക്കുന്നതിനായി ഏകദേശം മൂന്ന് വർഷം മുൻപാണ് ട്രായ് ശുപാർശ ചെയ്തത്. ഈ സേവനങ്ങൾ എങ്ങനെ നിയന്ത്രിക്കാമെന്നതിന്റെ നിലപാട് പുനഃപരിശോധിക്കുകയും അതിനായുള്ള ആലോചനകൾ വീണ്ടും ആരംഭിക്കുകയും ചെയ്യുന്നു.

വെള്ളിയാഴ്ച (ജൂൺ 7) പുറത്തിറക്കിയ കൺസൾട്ടേഷൻ പേപ്പറിൽ, സേവനങ്ങളെ നിയന്ത്രിക്കുന്നതിനെക്കുറിച്ചും, മുഴുവൻ ഇന്റർനെറ്റും അടച്ചുപൂട്ടുന്നതിന് വിരുദ്ധമായി ഒടിടി സേവനങ്ങൾ തിരഞ്ഞെടുത്ത് നിരോധിക്കാൻ കഴിയുമോ എന്നതിനെക്കുറിച്ചും നിർദ്ദേശങ്ങൾ അയയ്ക്കാൻ ട്രായ് പങ്കാളികളോട് ആവശ്യപ്പെട്ടിട്ടുണ്ട്. ഇത്തരം സേവനങ്ങൾ നിയന്ത്രിക്കുക എന്നത് ടെലികോം ഓപ്പറേറ്റർമാരുടെ ദീർഘകാലമായുള്ള ആവശ്യമാണ്. അവർ വർഷങ്ങളായി 'ഒരേ സേവന നിയമങ്ങൾ'ക്കായി വാദിക്കുന്നു.

ഇൻറർനെറ്റ് സേവനങ്ങളെ ചുറ്റിപ്പറ്റിയുള്ള നിയന്ത്രണങ്ങളിലെ ഇന്റർസെക്ഷണാലിറ്റിയെ ഇത് സൂചിപ്പിക്കുന്നു, ഒന്നിലധികം സർക്കാർ ഏജൻസികൾ ഈ മേഖലയിൽ ഓഹരി അവകാശപ്പെടുന്നു. കഴിഞ്ഞ വർഷം ഡിപ്പാർട്ട്മെന്റ് ഓഫ് ടെലികമ്മ്യൂണിക്കേഷൻ (ഡിഒടി) പുറത്തിറക്കിയ കരട് ടെലികോം ബില്ലും ഒടിടി സേവനങ്ങൾക്കായി ഒരു ലൈസൻസിംഗ് സംവിധാനം സൃഷ്ടിച്ച് അതിന്റെ പരിധിയിൽ കൊണ്ടുവരാൻ ശുപാർശ ചെയ്തിരുന്നു. ഇത്തരം സേവനങ്ങൾ നിയന്ത്രിക്കുന്നതിനുള്ള നോഡൽ മന്ത്രാലയമാണ് ഐടി.

ട്രായിയുടെ യു-ടേൺ ആണോ?

2020 സെപ്റ്റംബറിൽ, ഒടിടി പ്ലാറ്റ്ഫോമുകൾക്കുള്ള നിയന്ത്രണ ഇടപെടലിനെതിരെ ട്രായ് ശുപാർശ ചെയ്തിരുന്നു. എന്നിരുന്നാലും, ഈ മേഖല നിരീക്ഷിക്കുകയും ഉചിതമായ സമയത്ത് ഇടപെടുകയും ചെയ്യണമെന്നും ട്രായ് പറഞ്ഞു.

2022-ൽ, ഡിഒടി അതിന്റെ ശുപാർശകൾ പുനഃപരിശോധിക്കാനും "ഒടിടി സേവനങ്ങൾ തിരഞ്ഞെടുത്ത് നിരോധിക്കുന്നതിന്" അനുയോജ്യമായ ഒരു റെഗുലേറ്ററി സംവിധാനം നിർദ്ദേശിക്കാനും അഭ്യർത്ഥിച്ച് അതോറിറ്റിക്ക് തിരികെ കത്തെഴുതി.

എന്തിനാണ് ഒടിടി ആശയവിനിമയ സേവനങ്ങൾക്ക് നിയന്ത്രണം?

ടെലികോം ഓപ്പറേറ്റർമാരും വാട്ട്സ്ആപ്പ് പോലുള്ള ഒടിടി പ്ലാറ്റ്ഫോമുകളും സമാന സേവനങ്ങൾ വാഗ്ദാനം ചെയ്യുന്നുണ്ടെങ്കിലും അവർ ഓരേ ആവശ്യകതകളാൽ ബാധ്യസ്ഥരല്ല. തൽഫലമായി, റെഗുലേറ്ററി തുല്യതയുടെ ആവശ്യമുണ്ടെന്ന് ട്രായ് പ്രധാനമായും വാദിക്കുന്നു.

ടെലികോം ഓപ്പറേറ്റർമാർക്ക് വോയ്സ്, എസ്എംഎസ് സേവനങ്ങൾ നൽകുന്നതിന് ഒരു സേവന ലൈസൻസ് ആവശ്യമാണെന്നും മറുവശത്ത്, “ഒടിടി കമ്മ്യൂണിക്കേഷൻ സേവന ദാതാക്കളുടെ വോയ്സ് കോൾ, സന്ദേശമയയ്ക്കൽ, വീഡിയോ കോൾ സേവനങ്ങളും ടിഎസ്പികൾ നൽകുന്ന സേവനങ്ങൾക്ക് സമാനമാണ്. എന്നാൽ അവർക്ക് അത്തരം ലൈസൻസുകളൊന്നുമില്ല”.

ഇന്ത്യയിലെ ടെലികോം സേവനദാതാക്കൾ ഇന്ത്യൻ ടെലിഗ്രാഫ് നിയമം, 1885, വയർലെസ് ടെലിഗ്രാഫി നിയമം, 1933, ടെലികോം റെഗുലേറ്ററി അതോറിറ്റി ഓഫ് ഇന്ത്യ ആക്റ്റ്, 1997 എന്നിവയുൾപ്പെടെ നിരവധി നിയമങ്ങളാൽ നിയന്ത്രിക്കപ്പെടുന്നു. കൂടാതെ നിയമപരമായ തടസ്സം പോലുള്ള ആവശ്യകതകൾ പാലിക്കേണ്ടതുണ്ട്. ഇത്തരം ആവശ്യകതകൾ നിലവിൽ ഒടിടി സേവനങ്ങൾക്ക് ബാധകമല്ലെന്ന് ട്രായ് പറഞ്ഞു.

യൂണിവേഴ്സൽ സർവീസ് ഒബ്ലിഗേഷൻ ഫണ്ടിലേക്ക് (യുഎസ്ഒഎഫ്) ഓപ്പറേറ്റർമാർ അടയ്ക്കേണ്ടതുണ്ട്. രാജ്യത്ത് ടെലികോം സേവനങ്ങളുടെ വ്യാപനം വർദ്ധിപ്പിക്കുന്നതിന് ഒടിടി സേവനങ്ങൾ സാമ്പത്തികമായി സംഭാവന ചെയ്യുന്നില്ലെന്നും അത് കൂട്ടിച്ചേർത്തു.

ഒടിടി ആപ്പുകളുടെ സെലക്ടീവ് നിരോധനം എന്തിന്?

ടെലികമ്മ്യൂണിക്കേഷനോ ഇന്റർനെറ്റോ അടച്ചുപൂട്ടുന്നത് “ഒരു രാജ്യത്തിന്റെ സമ്പദ്വ്യവസ്ഥയ്ക്ക് കാര്യമായ പ്രത്യാഘാതങ്ങൾ” ഉണ്ടാക്കുമെന്ന് ട്രായ് പറഞ്ഞു. “വിദ്യാഭ്യാസം, ആരോഗ്യ സംരക്ഷണം തുടങ്ങിയ നിർണായക സേവനങ്ങളെയും ഇത് തടസ്സപ്പെടുത്തുന്നു. തൽഫലമായി, ഇത്തരമൊരു അടച്ചുപൂട്ടൽ രാജ്യത്തെ പൗരന്മാരുടെ ജീവിതത്തെയും ഉപജീവനത്തെയും ബാധിക്കുന്നു, ”റെഗുലേറ്റർ പറയുന്നു.

മൊത്തത്തിലുള്ള ഇന്റർനെറ്റിന് വിരുദ്ധമായി, തിരഞ്ഞെടുത്ത ഒടിടി ആപ്പുകൾ നിരോധിക്കുന്നത് പര്യവേക്ഷണം ചെയ്യാനുള്ള കാരണമായി ഇത് ഉദ്ധരിക്കപ്പെടുന്നു. ഐടി പാർലമെന്ററി സ്റ്റാൻഡിംഗ് കമ്മിറ്റി ആദ്യം നൽകിയ ശുപാർശാണിത്.

“… ഡൈനാമിക് ഐപി വിലാസങ്ങൾ ഉപയോഗിക്കുന്നതും ക്ലൗഡ് സെർവറുകളിൽ ഹോസ്റ്റ് ചെയ്യുന്നതുമായ വെബ്സൈറ്റുകൾ തടയുന്നതിനുള്ള പരമ്പരാഗത രീതികൾക്ക് വെല്ലുവിളി ഉയർത്തും,”ട്രായ് പറഞ്ഞു. "അത്തരം വെബ്സൈറ്റുകൾ തിരിച്ചറിയുന്നതിനും അതിലേക്കുള്ള ആക്സസ് തടയുന്നതിനും വിപുലമായ സാങ്കേതിക വിദ്യകൾ ഉപയോഗിക്കാവുന്നതാണ്."

“കൂടാതെ, ടാർഗെറ്റുചെയ്ത വെബ്സൈറ്റുകൾ ഹൈപ്പർടെക്സ്റ്റ് ട്രാൻസ്ഫർ പ്രോട്ടോക്കോൾ സെക്യുർ (എച്ച്ടിടിപിഎസ്) പ്രോട്ടോക്കോൾ ഉപയോഗിക്കുന്ന സാഹചര്യങ്ങൾ ഉണ്ടാകാം. എച്ച്ടിടിപിഎസ് പ്രോട്ടോക്കോൾ വെബ്സൈറ്റുകൾക്ക് എൻക്രിപ്ഷനും സുരക്ഷയും നൽകുന്നു, ഇത് സേവന ദാതാക്കൾക്ക് ഈ സൈറ്റുകളിലെ ഉള്ളടക്കം തടയുന്നത് ബുദ്ധിമുട്ടാക്കുന്നു. എന്നിരുന്നാലും, ഫയർവാൾ അല്ലെങ്കിൽ കണ്ടന്റ് ഫിൽട്ടറിംഗ് സോഫ്റ്റ്വെയർ ഉപയോഗിച്ച് നെറ്റ്വർക്ക് തലത്തിൽ ഉള്ളടക്കം തടയാനോ ഫിൽട്ടർ ചെയ്യാനോ ഇപ്പോഴും മാർഗങ്ങളുണ്ട്," കൂട്ടിച്ചേർത്തു.

ടെലികോം കമ്പനികളും ഒടിടി ആപ്പുകളും തമ്മിലുള്ള പ്രധാന പോരാട്ടം

ടെലികോം കമ്പനികളും ഇന്റർനെറ്റ് ആപ്ലിക്കേഷനുകളും തമ്മിലുള്ള തർക്കത്തിന് പിന്നിൽ നിയന്ത്രണ വ്യവസ്ഥയ്ക്ക് പുറമെ മറ്റ് സാമ്പത്തിക പരിഗണനകളും ഉണ്ട്. അവയിൽ പ്രധാനം വോയ്സ്, എസ്എംഎസ് എന്നിവയിൽ നിന്ന് ഡാറ്റയിലേക്ക് മാറിയ വരുമാനമാണ്.

മൊബൈൽ വരിക്കാരിൽ നിന്നുള്ള വരുമാനത്തിൽ ഡാറ്റ ഉപയോഗത്തിന്റെ സംഭാവന 2013 ജൂണിൽ അവസാനിച്ച പാദത്തിൽ (ക്യുഇ) 8.10 ശതമാനത്തിൽ നിന്ന് 2022 ഡിസംബറിൽ 85.1 ശതമാനമായി പത്തിരട്ടിയിലധികം വർധിച്ചതായി ട്രായ് പറഞ്ഞു. 2014 മുതൽ 2022 വരെ, ഇന്ത്യയിലെ പ്രതിമാസ വയർലെസ് ഡാറ്റ ഉപയോഗത്തിന്റെ അളവ് 92.4 ദശലക്ഷം ജിബിയിൽ നിന്ന് (ഡിസംബർ 2014) 14.4 ട്രില്യൺ ജിബിയായി (ഡിസംബർ 2022) ഏകദേശം 156 മടങ്ങ് വർദ്ധിച്ചതായി ട്രായ് പറഞ്ഞു.

അതേ കാലയളവിൽ, രാജ്യത്ത് ഒരു വയർലെസ് വരിക്കാരനിൽനിന്നു പ്രതിമാസം ഡാറ്റ ഉപയോഗത്തിന്റെ ശരാശരി വരുമാനം 5.6 മടങ്ങ് വർധിച്ചു. 22.19 രൂപയിൽ (2014 ഡിസംബറിൽ അവസാനിക്കുന്ന പാദത്തിൽ ജിഎസ്എം സേവനത്തിന്) നിന്നു അത് 125.05 എത്തി (2022 ഡിസംബറിൽ അവസാനിക്കുന്ന പാദം).

ഒടിടി സേവനങ്ങൾക്കായി കരട് ടെലികോം ബിൽ നിർദ്ദേശിച്ചതെന്ത്?

ടെലികമ്മ്യൂണിക്കേഷൻ സേവനങ്ങളുടെ നിർവചനത്തിൽ വാട്ട്സ്ആപ്പ്, സിഗ്നൽ, ടെലിഗ്രാം തുടങ്ങിയ പുതിയ കാലത്തെ ആശയവിനിമയ സേവനങ്ങൾ ഉൾപ്പെടുത്തിയതാണ് പ്രധാന മാറ്റങ്ങളിലൊന്ന്.

കരട് നിയമം അനുസരിച്ച്, ടെലികമ്മ്യൂണിക്കേഷൻ സേവന ദാതാക്കൾ ലൈസൻസിംഗ് ഭരണകൂടത്തിന് കീഴിൽ വരും, കൂടാതെ മറ്റ് ടെലികോം ഓപ്പറേറ്റർമാരെപ്പോലെ സമാനമായ നിയമങ്ങൾക്ക് ഇവർ വിധേയരായിരിക്കും. ടെലികോം സേവന ദാതാക്കൾ ഈ പ്രശ്നത്തിൽ വർഷങ്ങളായി തർക്കത്തിലാണ്.

വോയ്സ് കോളുകൾ, സന്ദേശങ്ങൾ തുടങ്ങിയ ആശയവിനിമയ സേവനങ്ങളിലൂടെ ഒടിടി ആപ്പുകൾ ഉപയോഗിച്ച് ഒരു ലെവൽ-പ്ലേയിംഗ് ഫീൽഡ് അവർ തേടുന്നു. ഓപ്പറേറ്റർമാർക്ക് ലൈസൻസുകൾക്കും സ്പെക്ട്രത്തിനും ഉയർന്ന ചെലവ് നൽകേണ്ടിവരുന്നു. അതേസമയം ഒടിടി അടിസ്ഥാന സൗകര്യങ്ങളിൽ സൗജന്യ സേവനങ്ങൾ വാഗ്ദാനം ചെയ്യുന്നു.