ഒന്നും രണ്ടുമല്ല, കുറച്ചത് 20 കിലോ; ഈ ട്രാൻസ്ഫോർമേഷൻ കണ്ടാൽ കിളി പോവും

ഐഡിയ സ്റ്റാർ സിംഗർ എന്ന റിയാലിറ്റി ഷോയിലൂടെ എത്തി ശ്രദ്ധ നേടിയ ഗായകനാണ് അരുൺ ഗോപൻ.

ആരെയും അമ്പരപ്പിക്കുന്ന ബോഡി ട്രാൻസ്ഫോർമേഷൻ നടത്തിയിരിക്കുകയാണ് അരുൺ ഗോപൻ. ഒരു വർഷം കൊണ്ട് 20 കിലോ ആണ് അരുൺ കുറച്ചിരിക്കുന്നത്.

ആത്മസമർപ്പണവും അച്ചടക്കവുമുണ്ടെങ്കിൽ മാത്രം സാധ്യമാവുന്ന മാറ്റം എന്നാണ് ആരാധകർ ചിത്രത്തിനു കമന്റ് ചെയ്യുന്നത്.

കോഴിക്കോട് സ്വദേശിയായ അരുണ്‍ ഒരു ഡോക്ടർ കൂടെയാണ്. തന്റെ മെഡിക്കൽ പ്രൊഫഷനൊപ്പം തന്നെ സംഗീതവും കൂടെ കൊണ്ടുപോവുകയാണ് ഈ ചെറുപ്പക്കാരൻ.

ശിവ നിര്‍വണ സംവിധാനം ചെയ്ത തെലുങ്ക് സിനിമയായ 'നിന്നു കോരി'യിലെ ഗാനവും, മലയാളം സിനിമയായ ചങ്ക്‌സിലെ വെഡ്ഡിംഗ് വെഡ്ഡിംഗ് ഗാനവുമെല്ലാം അരുൺ ഗോപൻ എന്ന പിന്നണി ഗായകനെ രേഖപ്പെടുത്തിയ പാട്ടുകളായിരുന്നു.

നടിയും അവതാരകയുമായ നിമ്മിയാണ് അരുണിന്റെ ഭാര്യ. ഇരുവർക്കും ഒരു മകനാണ് ഉള്ളത്, ആര്യൻ ഗോപൻ.

സൂര്യ മ്യൂസിക്കില്‍ വീഡിയോ ജോക്കിയായിട്ടായിരുന്നു നിമ്മിയുടെ തുടക്കം. നല്ലൊരു നർത്തകി കൂടിയായ നിമ്മി 'ചന്ദനമഴ' എന്ന സീരിയലിലും അഭിനയിച്ചിരുന്നു.