അഗസ്ത്യയുടെ ക്ലിക്കിൽ അതിസുന്ദരിയായി സംവൃത; ചിത്രം വൈറൽ

അഭിനയത്തിന്റെ തിരക്കുകളിൽ നിന്നെല്ലാം മാറി കുടുംബജീവിതം ആസ്വദിക്കുകയാണ് മലയാളികളുടെ പ്രിയപ്പെട്ട നടി സംവൃത സുനിൽ. ഭർത്താവ് അഖിൽ രാജിനും മക്കളായ അഗസ്ത്യയ്ക്കും രുദ്രയ്ക്കുമൊപ്പം അമേരിക്കയിലാണ് സംവൃത താമസം. അടുത്തിടെ വെക്കേഷൻ ആഘോഷിക്കാൻ നാട്ടിൽ എത്തിയിരിക്കുകയാണ് താരം. 

Also Read:  ഇവർ വിജയിച്ചാൽ അതു സ്വർണലിപികളിൽ രേഖപ്പെടുത്തേണ്ടതാണ്: കെആർ മീര

ഇപ്പോഴിതാ, മകൻ അഗസ്ത്യ എടുത്ത തന്റെ ചിത്രങ്ങൾ പങ്കിട്ടിരിക്കുകയാണ് താരം. മകന്റെ ക്ലിക്കിൽ അതിസുന്ദരിയായ സംവൃതയെ ആണ് ചിത്രത്തിൽ കാണാനാവുക.

View this post on Instagram

A post shared by Samvritha Akhil (@samvrithaakhil)

"'സുന്ദരി' എന്ന വാക്ക് പോലും നിങ്ങളുടെ അടുത്ത് നിൽക്കുമ്പോൾ നാണിച്ചുപോവും.  അഗസ്ത്യയുടെ ക്ലിക്കുകൾ എപ്പോഴും മറ്റുള്ളവയേക്കാൾ മനോഹരമാണ്," എന്നാണ് ചിത്രത്തിനു താഴെ പ്രത്യക്ഷപ്പെട്ടൊരു കമന്റ്. 

Also Read:  സിഗററ്റ് വലിച്ച മെയിൽ ഷോവനിസ്റ്റിന്റെ വീട്ടിലെ അവസ്ഥ കണ്ടോ?; വീഡിയോയുമായി അഖിൽ മാരാർ

2012 ലായിരുന്നു അഖിൽ രാജുമായുളള സംവൃതയുടെ വിവാഹം. രണ്ടുമക്കളാണ് സംവൃതയ്ക്ക്.2015 ഫെബ്രുവരി 21 നായിരുന്നു മൂത്തമകൻ അഗസ്ത്യയുടെ ജനനം, മൂന്നു വർഷം മുൻപെ ഫെബ്രുവരിയിൽ ആയിരുന്നു ഇളയ മകൻ രുദ്ര ജനിച്ചത്. 

Also Read:  സഞ്ജയ് കപൂറിന്റെ 30,000 കോടിയിൽ വിഹിതം ആവശ്യപ്പെട്ട് കരിഷ്മയും രംഗത്ത്; സ്വത്ത് തർക്കം മുറുകുന്നു

2004ൽ ലാൽ ജോസ് സംവിധാനം ചെയ്ത ‘രസികൻ’ എന്ന ചിത്രത്തിലൂടെയായിരുന്നു സംവൃതയുടെ അരങ്ങേറ്റം.പിന്നീട് ഒരുപിടി നല്ല സിനിമകളിലൂടെ മലയാളികളുടെ പ്രിയങ്കരിയായി മാറിയ സംവൃത വിവാഹശേഷം അഭിനയത്തിൽ നിന്നും ഇടവേള എടുക്കുകയായിരുന്നു. എന്നാൽ,2019 ൽ ‘സത്യം പറഞ്ഞാ വിശ്വസിക്കുവോ’ എന്ന ചിത്രത്തിലൂടെ ഇടയ്ക്ക് സംവൃത അഭിനയത്തിലേക്ക് മടങ്ങിയെത്തി.

Also Read: ദുൽഖറിന് മമ്മൂട്ടിയുടെ പിറന്നാൾ സർപ്രൈസ്; 'ഇത് ഇക്ക അറഞ്ഞോ' എന്ന് ആരാധകൻ; വീഡിയോ